وبلىسىمىز ۇنامسىز تيپتەر جونىندەگى ساقتىق تاربيەسى ءماجىلىسىن وتكىزدى

  • كەلۋ قاينارى: ىلە گازەتى
  • 04:35:59 09/08/2019

    ءتىلشىمىز جاڭ جينفىڭ حابارلايدى. 8 - ايدىڭ 5 - كۇنى اۆتونوميالى وبلىستىڭ ۇنامسىز تيپتەر جونىندەگى ساقتىق تاربيەسى ءماجىلىسى وبلىستىق سوت مەكەمەسىندە وتكىزىلدى. وبلىستىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ كوميتەتىنىڭ ورىنباسار مەڭگەرۋشىسى پىڭ جۇڭ، وبلىستىق سوتتىڭ پارتگرۋپپا شۋجيى، ورىنباسار باستىعى حۇڭ ليۋ جانە وبلىسقا توتە قاراستى تاراۋلاردىڭ قاتىستى جاۋاپتىلارى، قۇلجا قالاسىنداعى، نىلقى اۋدانىنداعى قاتىستى تاراۋلاردىڭ جاۋاپتىلارى، قورعاس ەكونوميكالىق اشۋ رايونى قۇلجا باقشا رايونىنداعى كادرلار بولىپ 100 دەن استام ادام ماجىلىسكە قاتىناستى.

    ماجىلىستە وبلىستىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 4 - باقىلاۋ - تەكسەرۋ كەڭسەسىنىڭ مەڭگەرۋشىسى ياڭ شينجياڭ قورعاس ەكونوميكالىق اشۋ رايونى قۇلجا باقشا رايونىنىڭ بۇرىنعى ورىنباسار پارتكوم شۋجيى ليۋ جينيۇننىڭ قيانات جاساپ، شىرىكتەسۋدەگى تيپتىك دەلوسىنا باعا بەرىپ، تالداۋ جاسادى، وبلىسقا توتە قاراستى تاراۋلار مەن اۋدان، قالالارداعى تاراۋلاردىڭ جاۋاپتىلارى سوزگە شىقتى.

    وبلىستىق عىلىم - تەحنيكا مەكەمەسىنىڭ پارتگرۋپپا مۇشەسى، ورىنباسار مەكەمە باستىعى ەربول ماعاۋ ۇلى بىلاي دەدى: «بۇل ءبىر رەتكى ءوزىن تەكسەرۋ، ءوزىن بورشالاۋ، ءوزىن جوعارىلاتۋ ءماجىلىسى بولدى، بۇل دەلونىڭ تۋىلۋى - عىلىم - تەحنيكا تاراۋلارى ءۇشىن ەسكەرتۋ سيگنالى. بۇدان كەيىن عىلىم - تەحنيكا نىسانىن باسقارۋدا ءبىز جاپپاي تەكسەرىپ - زەرتتەپ، باقىلاۋ - باسقارۋدى كۇشەيتىپ، عىلىم - تەحنيكا نىسانىنىڭ اتقارىلۋ احۋالىن جان - جاقتى مەڭگەرەمىز، سونىمەن بىرگە، دەلودان ساباق الىپ، جاپپاي وڭاۋدى، تياناقتاندىرۋدى مىقتى يگەرەمىز، عىلىم - تەحنيكا باسقارۋ تاراۋلارى نىسانداردى باقىلاۋ - باسقارۋ مىندەتىن قاتاڭ اتقارىپ، نىسان ونىمدىلىگىن باعالاۋ مەن دارەجە بويىنشا تەكسەرۋ، باعالاۋ، جاۋاپكەرلىگىن قۋزاۋ قۇرىلىمىن بىرتىندەپ كۇشەيتەدى».

    قورعاس ەكونوميكالىق اشۋ رايونى قۇلجا باقشا رايونى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى جاڭ جيانجياڭ بىلاي دەدى:

    «قۇلجا باقشا رايونىنداعى بارشا پارتيا مۇشەلەرى مەن كادرلار تاربيەنى قابىلداپ، ساق تا سەرگەك بولىپ، عيبىرات الىپ، ساياسيدا ادال بولۋدى، ۇيىمعا بويسۇنۋدى، ارەكەتتە ءتارتىپ – ەرەجەنى دارىپتەۋدى تاباندىلىقپەن ىسكە اسىرۋى، پارمەندى ءتاسىل قولدانىپ قىزمەت قۇرىلىمىن كەمەلدەندىرۋى، ءتۇزىمدى اتقارۋ تەبىنىن كۇشەيتىپ، تانىمدى ايقىنداپ، تاربيەلەۋ مەن باسقارۋدى ورىنداپ، ءتارتىپ – ءتۇزىمدى اتقارۋدى، تەكسەرىپ، جاۋاپكەرلىگىن قۋزاۋدى تياناقتاندىرىپ، باقشا رايونىنىڭ پارتيا ستيلى مەن ساياسي ستيلىن جاقسارتۋدى ىلگەرىلەتۋى كەرەك».

جاۋاپتى رەداكتور: جازيرا بولاتباي قىزى