پاريج قاسيەتتى ءماريا انا شىركەۋىندە ورتتەن امان قالعان مۇراعاتتار

  • كەلۋ قاينارى: ىلە گازەتى
  • 04:48:57 09/08/2019

    پاريج قاسيەتتى ءماريا انا شىركەۋى - فرانسيانىڭ ەڭ ۋاكىلدىك سيپاتتى مادەني مۇرالار ەجەلگى ەسكەرتكىشى ءارى الەمدىك مۇراعاتتاردىڭ ءبىرى، فرانسيا مادەنيەتىنىڭ جاعراپيالىق بەلگىسى. 4 - ايدىڭ 15 - كۇنگى سۇراپىل ءورت اپاتى فرانسيانىڭ قابىرعاسىن قايىستىردى. جوندەۋ جۇمىسىنا بايلانىستى پاريج قاسيەتتى ءماريا انا شىركەۋىندەگى ءىشىنارا كوركەمونەر بۇيىمدارى مەن كوپتەگەن مىس مۇسىندەر جوتكەلىپ اكەتىلگەندىكتەن، سۇراپىل ءورت اپاتىنان امان قالعان. ەندەشە وسى رەتكى قاسيەتتى ءماريا انا شىركەۋىندەگى ءورت اپاتىندا قانشالىق مۇراعاتتار امان قالدى؟

    1. بايىرعى روزا گۇلى تەرەزەسى. شىركەۋدىڭ مالىمدەمەشىسى نەشە عاسىرلىق تاريحقا يە روزا گۇلى تەرەزەسىنىڭ سۇراپىل ورتتە بۇلىنبەگەندىگىن، دەسە دە، 19 - عاسىرداعى اتى ايگىلى بولماعان ءبىرسىپىرا اينەك تەرەزەلەردىڭ ۇقساماعان دەڭگەيدە بۇلىنگەندىگىن تۇراقتاندىردى.

    ۇعىسۋىمىزشا، قاسيەتتى ءماريا انا شىركەۋىنىڭ باتىس، وڭتۇستىك، سولتۇستىك جاقتارىنداعى سيمۆولدىق ءتۇس العان كولەمدى «جاننات گۇلى» رەڭدى سۋرەتتى تەرەزە - «روزا گۇلى تەرەزەسىنىڭ» تاريحى تىم ارىدا بولىپ، كەيبىرەۋىن قازبالاي بەرسەڭ 13 - عاسىرعا كەتەدى. مۇندا شىركەۋدىڭ باتىسىنداعى گۇلدى تەرەزە 19 - عاسىردا قايتالاي بەدەرلەنگەن، ەڭ كولەمدىسى سولتۇستىك جانە وڭتۇستىگىندەگى ەكى گۇلدى تەرەزە بولىپ، ديامەترى 13 مەترگە دەيىن جەتەدى.

    2. ءۇش دانا تۇتىكشەلى كەرناي. سۇراپىل ورتتەن امان قالعان شىركەۋدەگى ءۇش دانا تۇتىكشەلى كەرناي - شىركەۋدىڭ تاعى ءبىر ايگىلى كورىنىسى بولاتىن. شىركەۋ مالىمدەمەشىسىنىڭ ايتۋىنشا، تۇتىكشەلى كەرناي تەك جوعارى قىسىمدى سۋ بۇرىككىشتىڭ اسەرىنەن بولىمسىز زاقىمدالعان، سۇراپىل ءورت اپاتىنان ۇلىعاۋسار زاقىمعا ۇشىراماعان. قاسيەتتى ءماريا انا شىركەۋىندەگى ءۇش دانا تۇتىكشەلى كەرنايدىڭ ەڭ ۇلكەن بىرەۋى بەس قول ءتىل تاقتا، 109 پەرنە جانە 8 مىڭعا جۋىق دىبىس تۇتىكشەسىنەن قۇرالعان. 15 - عاسىردان باستاپ شىركەۋدەگى تۇتىكشەلى كەرناي ۇزدىكسىز ۇلعايتىلىپ جانە بايىتىلىپ، 17 - عاسىردا قازىرگىدەي كولەمگە جەتكەن. ونىڭ دىبىس تۇتىكشەلەرى قالايى جانە قورعاسىن قورىتپاسىنان جاسالعاندىقتان ىستىق پەن ىلعالدىڭ سۇراپىل وزگەرىسىنە ءتوزىمسىز كەلەدى.

    3. نەگىزگى قاقپا. فرانسيا اقپارات مەديالارىنىڭ حابارىنا قاراعاندا، قاسيەتتى ءماريا انا شىركەۋىنىڭ باتىس قاقپاسى (نەگىزگى قاقپا) ۇلكەن ورتتەن امان قالعان، نەگىزگى قاقپا سولدان وڭعا قاراي ايىرىم - ايىرىم «ءماريا انا قاقپاسى»، «تەرگەۋ قاقپاسى» جانە «كيەلى انا قاقپاسى» بولىپ بولىنەدى. قاقپاعا حريستيان ءدىنىنىڭ كلاسسيكالىق تۋىندىسى «ىنجىلدەگى» حيكايالار ويىپ جازىلعان.

    4. قاسيەتتى ءماريا انا شىركەۋىنىڭ نەگىزگى قۇرىلىمى. بۇل 13 - عاسىردا سالىنعان شىركەۋدىڭ جۇرت تەگىس بىلەتىن ەكى ساعاتتى مۇناراسى «امان قالعان»، ويتكەنى تاستان جاسالعان كۇمبەز قۇرىلىمى بۇل رەتكى سۇراپىل ورتتەن امان قالعان.

جاۋاپتى رەداكتور: جازيرا بولاتباي قىزى