اۆتونوميالى رايوندىق حالىق قۇرىلتايى تۇراقتى كوميتەتىنىڭ باسشىلىق القاسى نەگىزگى تاقىرىپتىق تاربيەسىنىڭ تەكسەرۋ - زەرتتەۋ جەتىستىكتەرى جونىندە اۋىس - كۇيىس جاسادى

  • كەلۋ قاينارى: شينجياڭ گازەتى تورابى
  • 10:06:18 11/08/2019

  

  ماسەلەلەردى تاۋىپ، رەتتەۋ - تۇزەتۋدى مىقتى يگەرىپ، جاڭا داۋىردەگى حالىق قۇرىلتايى قىزمەتىنىڭ دەڭگەيىن جاپپاي جوعارىلاتايىق

 

    تىلشىمىز لياڭ ليحۋا 8 - ايدىڭ 9 - كۇنى ۇرىمجىدەن حابارلايدى. 8 - ايدىڭ 7 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ باسشىلىق القاسى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ ءماجىلىسىن اشتى.

    اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن ءماجىلىستى باسقاردى ءارى ءسوز سويلەدى.

    ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ باسشىلىق القاسى پارتيا ورتالىق كوميتەتىنىڭ ورنالاستىرۋلارى، تالاپتارى بويىنشا، نازاردى اۆتونوميالى رايون سارالاپ شىققان تەكسەرۋ - زەرتتەۋ تۇيىندەرىنە شوعىرلاندىرىپ، وزدەرى جاۋاپتى بولىپ باسقاراتىن سالالارمەن بىرلەستىرىپ، نەگىزگى ساتىعا ىشكەرىلەي بارىپ، بۇقارامەن ىشكەرىلەي ارالاسىپ، ءبىرىنشى شەپكە ىشكەرىلەي بارىپ، تەكسەرۋ - زەرتتەۋدى كەڭ كولەمدە ورىستەتىپ، پىكىرلەردى، ۇسىنىستاردى تىڭداپ، كورنەكتى ماسەلەلەردى كۇش سالا تاۋىپ، شەشىپ، نەگىزگى تاقىرىپتىق تاربيەنىڭ تىڭعىلىقتى، ىشكەرىلەي ورىستەتىلۋىن ىلگەرىلەتتى.

    ماجىلىستە اۆتونوميالى رايوندىق حالىق قۇرىلتايى تۇراقتى كوميتەتى باسشىلىق القاسىنىڭ مۇشەلەرى ماسەلەنى باعدار ەتۋدەن جازباي، تەكسەرۋ - زەرتتەۋدە بايقالعان كورنەكتى ماسەلەلەرمەن جانە ءىس جۇزىندىك جاعدايلارمەن بىرلەستىرىپ، ماسەلەنىڭ ءتۇپ تامىرىنا تالداۋ جاساپ، شەشىم ەتۋ وي جەلىسىن ورتاعا قويىپ، تەكسەرۋ - زەرتتەۋ جەتىستىكتەرىن قىزمەت دەڭگەيىن جوعارىلاتۋدىڭ ناقتى شاراسىنا اينالدىردى. كوپشىلىك بۇگىنگى اۋىس - كۇيىس جاساۋ ارقىلى يدەيانى بىرلىككە كەلتىرىپ، ورتاق تانىم ۇيىستىرۋ ماقساتىنا جەتكەندىگىن، ماسەلەنى شەشۋگە پايدالى بولعانىن، قىزمەتتى كۇشەيتۋگە جانە جاقسارتۋعا پايدالى بولعانىن ءبىلدىردى.

    شاۋكەت يمىن بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، شىن مانىندە ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، نازاريامەن قارۋلانۋدى ويداعىداي يگەرۋدى ماڭىزدىنىڭ ماڭىزدىسى ەتىپ، ونى نەگىزگى تاقىرىپتىق تاربيەنىڭ جالپى بارىسىمەن ساباقتاستىرىپ، ۇيرەنۋدىڭ، دايەكتىلەندىرۋدىڭ تەرەڭدەۋىن، جۇرەككە ۇيالاۋىن، ناقتىلانۋىن ىلگەرىلەتۋ كەرەك. تەكسەرۋ - زەرتتەۋ سىندى نەگىزگى تاقىرىپتىق تاربيەنىڭ وسى ءبىر جولىن مىقتاپ يگەرىپ، تەكسەرۋ - زەرتتەۋدى نەگىزگى تاقىرىپتىق تاربيەنىڭ جالپى بارىسىمەن ساباقتاستىرىپ، ىشكەرىلەي تەرەڭدەتىپ، ماسەلەلەردى اناعۇرلىم اداقتاۋعا، پارىقتاردى ءدال تابۋعا، اعاتتىقتاردى تۇزەتىپ، بەتالىستى دۇرىستاۋعا، قىزمەتتى جاقسارتۋعا، دەڭگەيدى جوعارىلاتۋعا نەگىز قالاۋ كەرەك.

جاۋاپتى رەداكتور: جازيرا بولاتباي قىزى