ەگىن شارۋاشلىعىنىڭ تيپىندە بۇرىلىس جاساپ، دارەجەسىن جوعارىلاتۋدى جەدەلدەتىپ، جوعارى ساپالى، جاسىل دامۋ جولىمەن ءجۇردى

  • كەلۋ قاينارى: ىلە گازەتى
  • 03:07:41 15/08/2019

   

 وبلىسقا توتە قاراستى ورىنداردا ەرەكشە ەگىمشىلىك شارۋالاردىڭ كىرىسىن ارتتىرۋداعى كورنەۋ تۇيىنگە اينالدى

    ءتىلشىمىز سۋ مين چاپچالدان حابارلايدى. چاپچال اۋدانى سەگىزسۇمىن اۋىلى قويىرسۇمىن قىستاعىنىڭ تۇرعىنى زىڭ شياۋشىڭنىڭ اتىزىنا ەككەن پاميدورى پىسىپ، سول جەردەن 8 تۇرعىندى جٷمىسقا قابىلداپ، پاميدوردى جيناي باستادى. 8 – ايدىڭ 5 – كۇنى ءتىلشى زىڭ شياۋشىڭنىڭ پاميدور اتىزىنىڭ جانىنا جاڭادان جينالعان پاميدوردى قۇلجا قالاسىنان بارعان كوكونىس ساۋداگەرلەرىنىڭ قوراپقا سالىپ، قۇلجا قالاسىنداعى كوكونىس تولايىم بازارىنا جەتكىزۋگە ازىرلەنىپ جاتقانىن كوردى. ۇعىسۋىمىزشا، بيىل وبلىسقا توتە قاراستى اۋدان، قالالار ساپالى، جاسىل ەگىن شارۋاشىلىعىن وركەندەتىپ، ونىمدىلىكتى ماڭداي الدى ورىنعا قويۋدان اۋىتقىماي، ەگىن شارۋاشىلىعىنىڭ تيپىندە بۇرىلىس جاساپ، دارەجەسىن جوعارىلاتىپ، جوعارى ساپالى، جاسىل دامۋ جولىمەن ءجۇرىپ، ەگىن شارۋاشىلىعىن جاسىلداندىرۋدى، ساپالىلاندىرۋدى، ەرەكشەلىككە يە ەتۋدى كورنەكتىلەندىرىپ، تاپشى بولىپ وتىرعان تۇرلەر مەن جاسىل، جوعارى ساپالى ەگىن شارۋاشىلىق ونىمدەرى ءوندىرىسىن زور كۇشپەن دامىتىپ، «ءبىر مۋ اتىزدىڭ ەكونوميكالىق ونىمدىلىگىن 10 مۋ جەردىكىنە تەڭەستىرۋ» سىندى جوعارى ونىمدىلىكتى جۇزەگە اسىرعان.

    وسىدان بۇرىن زىڭ شياۋشىڭ ءبيداي، جٷگەرى سياقتى ءداستۇرلى ەگىس داقىلدارىن ەگەتىن. 2014 _ جىلدان باستاپ ول ءوز ءۇيىنىڭ قۇلجا قالاسىنا جاقىن بولۋ ابزالدىعىن ەسكەرىپ، قۇلجا قالاسىنداعى تۇرعىنداردىڭ كوكونىس قاجەتسىنۋ مولشەرىنىڭ جوعارى ەكەنىن مولشەرلەپ، 20 مۋ ەگىستىك جەرىنە كوكونىس ەگە باستايدى. زىڭ شياۋشىڭ بىلاي دەدى: «ءار جىلى پاميدور پىسقاندا كوكونىس ساۋداگەرلەرى وزدىكتەرىنەن مەنىمەن حابارلاسىپ، ءبىر كۇندە 3 – 4 توننا، قاۋىرت كەزدە 10 توننادان استام پاميدور ساتىپ الادى. سوندىقتان ەككەن كوكونىستەردى ساتا الماي قالۋدان الاڭدامايمىن».

    زىڭ شياۋشىڭنىڭ تانىستىرۋىنشا، ەندى بازارعا سالىناتىن بۇل 13 مۋ جەردەگى پاميدور ءبىرشاما جاي پىساتىن كوكونىس ءتۇرى بولىپ، مۋ باسىندىق ءونىمى 10 توننادان اسادى ەكەن. ال 7 مۋ جەردەگى ەرتە پىسقان پاميدوردى ساتىپ بولىپ، مۋ باسىندىق ورتاشا پايداسى 20 مىڭ يۋاننان اسىپتى. 7 مۋ جەردەگى پاميدوردى ساتىپ بولعان سوڭ، ول بۇل جەردى دەرەۋ اۋدارىپ، ورنىنا قىزىلبۇرىش ەگىپتى، مەجەمەن «1 – قازاننان» كەيىن بۇل قىزىلبۇرىش بازارعا سالىنادى ەكەن. زىڭ شياۋشىڭ تىلشىگە :« قىزىلبۇرىش 10 - ايدا بازارعا سالىنسا، ودان ەنگەن كىرىسكە الدىڭعى جٶلى ەككەن پاميدورتى ساتقان اقشانى قوسقاندا، ءبىر مۋ جەردەن ەنگەن كىرىس 10 مىڭ يۋاننان اسادى، ەرەكشە ەگىنشىلىك بۇقارانى اۋقاتتانۋ جٶلىنا باستادى» دەدى.

    چاپچال اۋدانى چاپچال قالاشىعى انديڭ قىستاعىنداعى مىڭحور كوكونىس كاسىپتىك سەلبەستىك كووپەراتيۆىنىڭ 3 ۇلكەن جىلىجايىنداعى ءجۇزىم پىسىپ، بازارعا سالىنۋ الدىندا تۇر. كووپەراتيۆتىڭ القاسى ۋان داچۇننىڭ تانىستىرۋىنشا، جىلىجايداعى ءجٷزىم جاي پىساتىن جۇزىمگە قاراعاندا ءبىر ايدان استام ۋاقىت بۇرىن بازارعا سالىناتىندىقتان، باعاسى دا 10 يۋانعا جۋىق جوعارى بولادى ەكەن، قازىر ءار كۇنى كوكونىس تولايىم ساۋداگەرلەرى 200 كيلوگرامنان استام ءجٷزىم ساتىپ الىپ جاتىپتى. بۇل كووپەراتيۆ جالپى 13 جىلىجايعا ءجٷزىم ەككەن، قازىر 3 جىلىجايداعى ءجۇزىم پىسىپ بازارعا سالىنعان، ءاربىر جىلىجايدان ەكى جارىم توننا ءجٷزىم الىناتىندىعى مەجەلەنۋدە.

جاۋاپتى رەداكتور: جازيرا بولاتباي قىزى