جالپى حالىق سالاماتتىلىقپەن جارقىن ومىرگە قادام تاستادى

  • كەلۋ قاينارى: ىلە گازەتى
  • 05:38:49 17/08/2019

 

   − باس شۋجي شي جينپيڭنىڭ ويىنان كەتپەيتىن حالىق تۇرمىسى ىستەرىنىڭ «اۋىرعاندا ەمدەلە الۋ» تاراۋى

  

    [بەتاشار]

    «جالپى حالىقتىڭ سالاماتتىلىعى بولماسا، جاپپاي دوڭگەلەك داۋلەت بولمايدى» − باس شۋجي شي جينپيڭنىڭ سالاماتتى جۇڭگو قۇرىلىسى جونىندەگى وسى ماڭىزدى بايىمداۋى بۇكىل قوعامدا كۇشتى ۇندەستىك تۋدىردى.

    حالىق تۇرمىسىنداعى ارمان – تىلەكتەرگە جاۋاپ بەرىپ، ءداۋىر تىنىسىن يگەردى. «‹سالاماتتى جۇڭگو 2030› جوباسى پروگرامماسى» باسىلىپ تاراتىلعاننان «سالاماتتى جۇڭگو ارەكەتى (2019 − 2030 جىل)» جاريالانعانعا دەيىن پارتيانىڭ 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى سالاماتتى جۇڭگو قۇرىلىسىن ىلگەرىلەتۋ جونىندەگى كەلەلى شەشىمدەرى مەن ورنالاستىرۋلارىن جاساپ، اۋرۋ كورسەتۋ قيىن بولۋ، قىمباتقا توقتاۋ ماسەلەسىن كۇش سالا شەشىپ، حالىق بۇقاراسىنىڭ «اۋىرعاندا ەمدەلە الۋىنا» مۇمكىندىك جاساۋ جونىندە بەرگەن حالىق تۇرمىسى ۋادەسىن قۇلشىنا جۇزەگە اسىردى. سالاماتتى جۇڭگونىڭ شىت جاڭا كارتيناسى بىرتىندەپ سالىنۋدا.

  [ءبىرىنشى اڭگىمە]

    «15 مينۋتتىق ەمدەۋ شەڭبەرى» اۋىلداستاردىڭ ەمدەلۋىنە قولايلىلىق تۋدىردى

    قىستىڭ قاقاعان ايازىندا دا حالىقتىڭ قامىن جەدى.

    2014 – جىلى 12 – ايدا باس شۋجي شي جينپيڭ جياڭسۋدىڭ جىنجياڭ دانتوۋ رايونى شىيە قالاشىعى شيپاحاناسىنا كەلىپ، اۋىل – قىستاقتىڭ ەمدەۋ ءىسىنىڭ دامۋى مەن قىستاق تۇرعىندارىنىڭ اۋرۋ كورسەتۋ، ەمدەلۋ جاعدايىن ۇعىستى.

    «سول كەزدە كۇن قاتتى سۋىق ەدى، ءبىر قولىمدى عانا ۇسىندىم، ءبىر قولىم قالتامدا تۇردى، ءبىراق ول قوس قولىن ۇسىندى، مەن دەرەۋ تاعى ءبىر قولىمدى الىپ شىعىپ ۇسىندىم».

    سول كەزدە سوندا بولعان ۋي ديڭيۇي قاريانىڭ سەزىنگەنى تەك باس شۋجي شي جينپيڭنىڭ الاقانىنىڭ جىلۋى عانا ەمەس ەدى: «سول كۇنى باس شۋجي دەنساۋلىق جاعدايىمىزدى سۇراپ قانا قويماي، ءبىزدىڭ اۋرۋ كورسەتۋىمىزگە قولايلى جاعداي جاسالعان – جاسالماعانىنا، ەمدەۋ اقىسىنىڭ قىمبات – قىمبات ەمەستىگىنە، اۋىل – قىستاقتىڭ ەمدەۋ – دەنساۋلىق ساقتاۋ قىزمەتىنە رازى – رازى ەمەستىگىمىزگە دە نازار اۋداردى».

    4 جىلدان استام ۋاقىتتان كەيىن، ءدال قازىر 75 جاستاعى ۋي ديڭيۇي اۋىق – اۋىق شيپاحاناعا كەلىپ، اۆتوماتتى جابدىقتا قان قىسىمىن ولشەتىپ تۇرادى، باس شۋجيدىڭ تاپسىرماسىن ول ۇمىتقان ەمەس.

جاۋاپتى رەداكتور: جازيرا بولاتباي قىزى