ەرگۇل وتباسىنىڭ تۇرمىسى بارعان سايىن جاقساردى

  • كەلۋ قاينارى: ىلە گازەتى
  • 03:48:45 23/08/2019

    «ەرگۇل، الدىمەن سەن ءپينيىن جازۋعا قانىق بول، ءارىپ ءتىزۋ قارقىنىڭدى تەزدەت، سوندا سەن ادەمى كەستەلى سۋرەت، تەلە كەسكىن ماتەريالدارىن توردان تۇسىرە الاسىڭ» دەدى لي شينحۋا. 2017 ـ جىلى 3 ـ ايدىڭ 9 ـ كۇنى ەرگۇل ءۇشىن ەستەن كەتپەيتىن ءارى قۋانىشى قوينىنا سيماعان كۇن ەدى، ۇزاق جىلدان بەرگى ارمانىم ىسكە استى دەدى تىلشىگە قۋانىشى قوينىنا سيماعان ەرگۇل. ول ءوز ۇيىندەگى ءبىر دانا كومپيۋتەر مەن ءارىپ باسۋ ماشيناسىن ۇستەلگە قويدى، لي شينحۋا ەرگۇلگە كومپيۋتەردى قالاي ىستەتۋ، تورداعى تاماشا كەستە سۋرەتتەرىنەن قالاي پايدالانۋ جونىندە كەڭەس بەرىپ، ونىڭ كەستەشى بولۋ ارمانىن ىسكە اسىرۋعا باۋلىدى.

    قارشادايىنان اناسىنىڭ باۋلۋىندا ەرجەتكەن ەرگۇل كەستە تىگۋگە ەرەكشە قىزىعاتىن، ول كەستەلى بۇيىم تىگۋ ارقىلى وتباسىنىڭ كىرىسىن ارتتىرۋدى ويلادى، ءبىراق كەستە تۋىندىلارىنىڭ ۇلگىسى كونە بولعاندىقتان، الارمانداردىڭ قارسى الۋىنا يە بولماي كەلگەن ەدى. ونىڭ كومپيۋتەر ۇيرەنىپ، كەستەلى بۇيىمنىڭ دارەجەسىن جوعارىلاتقىسى كەلەتىن ويى لي شينحۋانىڭ قۇپتاۋىنا يە بولدى. سونىمەن لي شينحۋا كوپ وتپەي وعان كومپيۋتەر اكەلىپ بەرىپ، كومپيۋتەردى قالاي ىستەتۋدى ۇيرەتتى.

    ەرگۇل قازاق ۇلتىنىڭ ٴداستۇرلى كەستەشىلىك مادەنيەتىن توراپتاعى كەستەشىلىك تۋىندىلارىمەن ۇشتاستىرىپ، جاڭاشا، نازىك كەستەشىلىك فاكتورلارمەن توعىستىرىپ، ٴونىمنىڭ ساپاسىن، دارەجەسىن جوعارىلاتتى. ونىڭ ۇيىندەگى مارجان گۇل قۇمىراسى، سىرماق، كەستەلى تاۋ - وزەن سۋرەتى، ۇلتتىق ەرەكشەلىككە يە كيىم - كەشەك سياقتى ٴتۇرلى - ٴتۇستى كەستەلى تۋىندىلارى مەن تۇرمىستىق كەستەلى بۇيىمدارى كوزدىڭ جاۋىن الادى، ٴار ايدا مىڭ يۋاننان استام كىرىسكە قول جەتكىزگەن ەرگۇل لي شينحۋاعا شىن جۇرەكپەن العىس ايتتى.

    ءيۇسىپ ءبىرتوعا، كەم ءسوزدى جىگىت. ادەتتە قارا جۇمىس ىستەپ اقشا تابادى. 2018 ـ جىلى 9 ـ ايدا قىستاقتا تۇراتىن قىزمەت اترەتى قىستاق «ەكى كوميتەتىمەن» كەدەيلەردى سۇيەمەلدەۋ، شارۋاشىلىق قۇرۋ، حالىققا قولايلى بولۋ سىندى ٴبىر تۇلعالانعان بازار قۇرادى. ءيۇسىپتىڭ جاۋبۇيرەك پىسىرۋ تەحنيكاسىنىڭ جاقسى ەكەنىن بىلگەن لي شينحۋا ونى قىستاقتاعى بازاردان پايدالانىپ، ءوز الدىنا شارۋاشىلىق قۇرىپ، ەكونوميكالىق كىرىستى ارتتىرۋعا شابىتتاندىردى.

    «قالاي بولار ەكەن؟ مەن بۇرىن تەك اسحاناعا كومەكشى بولىپ ىستەگەنمىن، قاريدارلار مەن قاقتاعان جاۋبۇيرەگىمنىڭ ءدامىن تاتارما ەكەن؟»، دەدى ءيۇسىپ. ‹‹قاقتاپ پىسىرۋدىڭ وزىندىك قۇنى جوعارى ەمەس، شيكىزات ساتىپ العان اقشانى سول كۇنى قايتارىپ الۋعا بولادى. ونىڭ ۇستىنە، ٴبىزدىڭ بازارىمىز ارناۋلى كەدەيلەردى سۇيەمەلدەۋ، شارۋاشىلىق قۇرۋ جايماسىن قۇرىپ وتىر، بازار ءۇيىڭنىڭ الدىندا عانا، سىناپ كورەلىك، ساۋداڭنىڭ جاقسى بولماسىنا كىم كەپىل››، ـ دەدى لي شينحۋا ونى جىگەرلەندىرىپ.

    كەلەسى كۇنى لي شينحۋا مەن قىستاقتا تۇراتىن قىزمەت اترەتىنىڭ كومەگىندە ءيۇسىپ جاۋبۇيرەك ساتۋ جايماسىن ٴساتتى اشتى. سول كۇنى ءيۇسىپتىڭ قالتاسىندا نە بارى 300 يۋان عانا اقشا بار ەدى.

جاۋاپتى رەداكتور: گۇلدەن ماقسات قىزى