ەرگۇل وتباسىنىڭ تۇرمىسى بارعان سايىن جاقساردى

  • كەلۋ قاينارى: ىلە گازەتى
  • 03:48:45 23/08/2019

    جايماسى بىرنەشە اي اشىلعاننان بەرى كۇنىنە مىڭ يۋاننان استام ساۋدا جاساسا، وزىندىك قۇندى شىعارىپ تاستاعاندا 500 يۋان كىرىس كىرگىزۋگە بولادى ەكەن. «ەسىك الدىندا اقشا تابامىن دەپ ويلاماپپىن، ساۋدام كۇسەت بولۋدا. وسىنىڭ ٴبارى لي شينحۋا مەن قىستاقتا تۇراتىن قىزمەت اترەتىنىڭ كومەگىنىڭ ارقاسى، مەن ولارعا شىنايى العىس ايتامىن» - دەيدى ءيۇسىپ اعىنان اقتارىلىپ.

    تۋىس ـ تۋعاندارىنىڭ ارالاسۋى بارعان سايىن قويۋلاسا باستادى. لي شينحۋا ارتقى تىرەك ورنىنىڭ باسشىسى رەتىندە، ٴار جولى مال شارۋاشىلىق قىستاعىنا بارىپ تەكسەرۋ ـ زەرتتەۋ جۇرگىزىپ، ارىپ – شارشاسا دا ەرگۇلدىڭ ۇيىنە بارىپ جاعدايىن ۇعىسقاننان كەيىن عانا كوڭىلى جاي تاباتىن – دى.

    «وسىنشاما ۇلكەن اۋلا بوس تۇر، اۋلا شارۋاشىلىعىن دامىتۋدا قىزىل بۇرىش، پاميدور، بۇرشاق سياقتى كوكونىستەر مەن جەمىس اعاشتارىن ەگىپ، قورادا تاۋىق باعىپ وزدەرىڭنىڭ جەگەندەرىڭنەن باسقاسىن ساتۋ ارقىلى ەكونوميكالىق كىرىستەرىڭدى ارتتىرۋلارىڭا بولادى». لي شينحۋانىڭ جوباسى مەن كومەگىندە، ەرگۇل وتباسىنىڭ اۋلاسى كىرىستى ارتتىرۋدىڭ جاڭا تۇيىنىنە اينالىپ، كوكونىس پەن جۇمىرتقا ٴوزىن - ٴوزى قامداۋعا كەپىلدىك ەتىپ قالماستان، قالعان بولەگىن بازارعا اپارىپ ساتا الاتىن بولدى.

    «بىلتىر جازدا وتباسىمىز كوكونىس ساتىپ العان جوق، تەك پاميدور مەن قىزىل بۇرىشتان 800 يۋاننان استام كىرىس تاپتىق، جۇمىرتقادان مىڭ يۋاننان استام كىرىس كىرگىزدىك، بيىل باعىلعان 100 تاۋىقتىڭ جەتىلۋى جاقسى، 10 - ايدا بازارعا شىعارىلادى، كوكونىس ءتۇرى بىلتىرعىدان كوپ، كىرىسىمىز ەسەلەپ ارتتى››، ـ دەدى ەرگۇل تۋىسى لي شينحۋامەن اڭگىمەسىندە.

    ٴبىر ادامنىڭ تۋىستاسۋى ٴبىر وتباسىنىڭ تۋىستاسۋىنا جول اشادى دەگەندەي، 2018 ـ جىلى 2 ـ ايدىڭ 15 ـ كۇنى ەسكىشە كالەندار بويىنشا شاعاننىڭ 30 ـ كۇنى لي شينحۋا ۇرىمجىدەن ەندى عانا قۇلجاعا جەتكەن جۇبايى شىن شۇيحۇيدى ەرتىپ ەرگۇلدىڭ وتباسىنداعىلارمەن بىرگە كوكتەم مەرەكەسىن وتكىزدى. شىن شۇيحۇي ەرگۇلدىڭ ەكى قىزىن نەمەرە قىزىنداي كورىپ، ولارعا سومكا، ساباقتان سىرتقى پايدالانىلاتىن كىتاپ، كيىم – كەشەكتەر سياقتى تارتۋ ـ تارالعى الا كەلىپ، ولاردىڭ جاقسى ۇيرەنىپ، بولاشاقتا قوعامعا جارامدى ادام بولۋعا شابىتتاندىرادى.

    ەرگۇل وتباسى ءبىر ءۇيلى جاننىڭ وزدەرى ءۇشىن الىستان ات تەرلەتىپ كەلگەنىنە شىنايى ريزاشىلىعىن ءبىلدىرىپ، ولارعا قوشامەت ەتىپ داستارقان تولى ٴدامدى تاعامدار ازىرلەپ، كوپشىلىك بىرگە وتىرىپ، وتكەن ىستەردى اڭگىمەلەپ، جاڭا جىلدىق ويلارىن ايتىسىپ، مارە – سارە بولدى.

جاۋاپتى رەداكتور: گۇلدەن ماقسات قىزى