«التىن كۇزدەگى وقۋعا كومەك بەرۋ» قيمىلى وتباسىندا قيىنشىلىعى بار22 ستۋدەنتتىڭ ارمانعا قانات قاعۋىنا دەم بەردى

  • كەلۋ قاينارى: ىلە گازەتى
  • 03:52:38 25/08/2019

    ماۋليدا قازىر مۇھاجىرلار داشۋەسىنىڭ 3 – جىلدىعىندا وقىپ جاتىر. ول بىلاي دەدى: «رايون ىشىندەگى ورتالاۋ مەكتەپ پەن ىشكى ولكەدەگى شينجياڭ ورتا مەكتەبىندە وقىعان كەزىمدە، پارتيا مەن ۇكىمەت بىزگە تاماشا وقۋ شارت – جاعدايىن جاراتىپ بەردى، جوعارى مەكتەپكە قابىلدانعان سوڭ ءار جىلعى 6 مىڭ يۋاندىق وقۋ قاراجاتىن تاپسىرۋدا دا مەملەكەتتىڭ وقۋعا كومەك بەرۋ قارجىسىنان يگىلىكتەنىپ، ءوزىم تەك ايلىق تۇرمىس قاراجاتىمدى عانا ۇستىمە الدىم. بۇگىن تاعى ءبىر رەت كومەك قاراجاتقا يە بولىپ، وقۋ باستاۋ الدىنداعى الاڭداۋشىلىقتان ارىلدىم، بۇل وتە قاجەتتى كەزدە جاسالعان كومەك بولدى، مەن قازىرگى تاماشا ۇيرەنۋ ورايىن مىقتى يگەرىپ، قۇلشىنا ۇيرەنىپ، ءبىلىمدى، قوعامعا جارامدى ازاماتشا بولۋعا قۇلشىنامىن».

    وبلىستىق قىزىل كرەست قوعامى پارتگرۋپپاسىنىڭ شۋجيى، ۇنەمىلىك ىستەرگە جاۋاپتى ورىنباسار باستىعى لو جىتۇڭنىڭ تانىستىرۋىنشا، وبلىستىق قىزىل كرەست قوعامىنىڭ جىل باسىنداعى جوسپارىندا بۇل قوعام بيىل وتباسىندا قيىنشىلىعى بار 40 وقۋشىعا كومەك بەرۋدى جوسپارلاعان. «التىن كۇزدەگى وقۋعا كومەك بەرۋ» قيمىلى - حالىق تۇرمىسىنا نازار اۋدارىپ، وقۋ – اعارتۋعا كوڭىل ءبولىپ، جەتكىنشەكتەرگە مەيىر باعىشتاۋدى باستى ماقسات ەتكەن ءمورالدىق ينجەنەريا، سونداي – اق، مەيىر – ماحابباتتى كورنەكتىلەندىرىپ، جۇرت جۇرەگىن جىلىتاتىن، سەنىمدى ۇيىستىراتىن حالىق تۇرمىسى ينجەنەرياسى. ءبىز قىزىل كرەست قوعامىنىڭ وقۋعا كومەك بەرۋ كۇشەمەلىلىگىن ارتتىرىپ، پارتيا مەن ۇكىمەتتىڭ قامقورلىعىن قيىنشىلىعى بار بۇقاراعا تولىق جەتكىزۋىمىز، ولار ءۇشىن ناقتى جۇمىستاردى، ىزگى جۇمىستاردى تىندىرىپ، قيىنشىلىعىن شەشۋىمىز، كومەك قارجاتقا يە بولعان وقۋشىلار قوعامداعى ءار سالانىڭ قامقورلىعىن رۋحاني قوزعاۋشى كۇشكە اينالدىرىپ، اسقاق ارمان – مۇرات ورناتىپ، قۇلشىنا ۇيرەنىپ، تاماشا ناتيجەلەرىمەن قوعامعا جاۋاپ قايتارۋى كەرەك».

    ۇعىسۋىمىزشا، ىلە وبلىستىق ۋىنجوۋلىق ساۋداگەرلەر قوعامى، شينجياڭ جينماۋ ساۋدا شەكتى سەرىكتىگىنىڭ ىلە بولىمشە سەرىكتىگى بيىل 4 – ايدان باستاپ چاپچال اۋدانى ءتورتسۇمىن اۋىلى لاڭقا قىستاعى، قۇلجا قالاسى حانبيڭ اۋىلى حانبيڭ قىستاعى، ىلە وزەنىنىڭ وڭتۇستىك جاعالاۋىنداعى جاڭا رايون 6 – ليانى سياقتى ورىندارعا كومەك بەرىپ، كيىم – كەشەك زاۆودىن قۇرۋ، وقۋعا كومەك بەرۋ نەمەسە ۇزاق مەرزىمدىك وقۋعا كومەك بەرىپ، كەدەيلەردى سۇيەمەلدەۋ كەلىسىمىن جاساسۋ سياقتى فورمالارمەن جەرگىلىكتى ورىنداعى ايەلدەردى، قىستاق تۇرعىندارىن ۇيىنە جاقىن ماڭىنان كاسىپتەندىرگەن جانە كەدەي وتباسىنداعى بالالاردىڭ وقۋ ماسەلەسىن شەشكەن. قازىرگە دەيىن مەيىر باعىشتاۋ كاسىپورىندارى 210 مىڭ يۋان جىلۋ اتاپ، قوعامدىق يگىلىك قيمىلىن ورىستەتۋ ارقىلى قوعامداعى قيىنشىلىعى بارلارعا كومەكتەسىپ، مەيىر باعىشتاعان.

  

جاۋاپتى رەداكتور: گۇلدەن ماقسات قىزى