ۇمىتكەر، اشىق - جارقىن اماننيسا قايتىپ كەلدى

  • كەلۋ قاينارى: شينجياڭ گازەتى تورابى
  • 10:56:35 04/09/2019

    □ ءتىلشىمىز شيە حۇيبيان

 

    7 - ايدىڭ 18 - كۇنى قاس قارايىپ قالعان شاق، جاڭاءشار اۋدانىنىڭ جاڭ چيان كەشكى بازارى دۋماندانىپ جاتتى. اماننيسا ابدۇكەرىم بىرنەشە دوستارىمەن بىرگە قورالانا وتىرىپ تاماق ءىشىپ، اڭگىمە دۇكەن قۇرىپ، جايشا اڭگىمەلەسىپ وتىر. كوپشىلىك قىزمەتتەرىن ايتىسىپ، تۇرمىستارى جونىندە ءسوز قوزعادى، ولار اماننيسانىڭ وزگەرىسىن كوبىرەك تىلگە تيەك ەتتى.

    كوپشىلىك ”سۇلۋ“، ”وزىنە سەنىمدى“، ”اشىق - جارقىن“ دەگەن سوزدەرمەن الدىلارىندا وتىرعان اماننيسانى باعالاپ جاتىر. الايدا اماننيسانىڭ قاراۋىنشا، ول تەك اۋەلدەگى ءوزىن قايتا تاۋىپ، قالىپتى تۇرمىس كەشىرىپ جاتقان ەدى. اۋەلدەگى اماننيسا قانداي ەدى؟ قالايشا وزگەرىس تۋىلادى، ءتىلشى ونىمەن شۇيىركەلەسە وتىرىپ حيكاياسىن تىڭدادى.

    ■ كەزىندە ناعىز ءوزىن جوعالتىپ العان بولاتىن

    اماننيسا جاڭاءشار اۋدانىنىڭ ادامى، ۇيلەنگەننەن كەيىن قاشقار قالاسىنا كوشىپ بارىپ تۇرمىس كەشىردى. مىنەزى اشىق - جارقىن بولعاندىقتان، ول تەز ارادا سول جەردەگى ءبىر القا - مونشاق دۇكەنىنە ساتۋشى بولىپ ورنالاسىپ، ءتاپ - ءتاۋىر تابىس تاۋىپ جاتتى. كۇيەۋى تۇرعۇن ياسىن قۇرىلىس اترەتىندە جۇمىس ىستەيدى، وتباسىندا 2 بالاسى بار، تۇرمىسى وتە باقىتتى بولاتىن.

    2014 - جىلى مۇنىڭ بارلىعى دا وزگەردى. ءبىر كۇنى، اماننيسا بىرنەشە قىزمەتتەسىمەن بىرگە القا - مونشاق دۇكەنىنىڭ ماڭىنداعى اسحانادان تاماق ءىشىپ وتىرعاندا، بىرەۋ ونىڭ كوزىنە شۇقىپ تۇرىپ، ”سەن مۇسىلمانسىڭ، حانزۋلارمەن بىرگە تاماق ىشۋىڭە بولمايدى“ دەيدى. كەيىن، تاعى بىرەۋلەر اماننيسا قىزمەت ىستەيتىن ورىنعا بارىپ، زات ساتىپ العان بولىپ جاتىپ، وعان بەتپە - بەت ”اشىق - شاشىق كيىنەتىندەر ناعىز مۇسىلمان ەمەس، ولگەن سوڭ توزاققا تۇسەدى“ دەيدى. وتىرىك قايتالانا بەرسە شىن بولىپ شىعادى، ادامنىڭ تىلىنە اسپانداعى بۇلت اينالادى دەگەندەي، اماننيسا بىرتە - بىرتە ”سول ادامداردىڭ سوزىنە“ سەنەدى.

    سودان كەيىن، اماننيسا دۇكەندەگى حانزۋ قىزمەتتەستەرىنەن ادەيى بويىن اۋلاققا سالىپ، ءار كۇنى تۇستە ءتۇرلى سىلتاۋلار ايتىپ كوپشىلىكپەن بىرگە تاماقتانۋدان قاشقالاقتايدى. سومكەسىنە 2 پار كيىم سالىپ جۇرەدى، جۇمىس ورنىنا كەلگەندە جۇمىس كيىمىن كيسە، جۇمىستان تۇسكەننەن كەيىن ۇزىن كويلەك كيىپ، باسىنا جاۋلىق وراپ الادى.

جاۋاپتى رەداكتور: جازيرا بولاتباي قىزى