ۇمىتكەر، اشىق - جارقىن اماننيسا قايتىپ كەلدى

  • كەلۋ قاينارى: شينجياڭ گازەتى تورابى
  • 10:56:35 04/09/2019

    بىرتە - بىرتە، اماننيسا تۇڭعيىققا باتا بەردى، ول ەندىگىدە وتباسىنداعىلاردان ”نەنى ىستەۋگە بولادى، نەنى ىستەۋگە بولمايدى“ دەگەندى تالاپ ەتە باستايدى. 2016 - جىلى اماننيسانىڭ ءسىڭلىسى ىشكى ولكەدەن داشۋە ءبىتىرىپ كەلىپ قاشقار قالاسىندا قىزمەت ىستەيدى، ءسىڭلىسى قۇددى نەشە جىلدىڭ الدىنداعى اماننيسا سياقتى، ءسانقوي، كورىكتى، وجەت تە اشىق - جارقىن جۇرگەن - دى. ”ءبىراق بۇل ناعىز مۇسىلماننىڭ بەينەسى ەمەس“. اماننيسا ءسىڭلىم سىرتقا شىققاندا ۇزىن كويلەك كيۋى، باسىنا جاۋلىق وراۋى، حانزۋلارمەن بارىس - كەلىس جاساماۋى ءتيىس دەگەن قاتە تانىمدا بولادى.

    ءبىر جولى، قىزمەتتەن ءتۇسىپ جاڭاءشار اۋدانىنداعى توركىنىنە بارعاندا، شەشەسى عۇنچام توحتى ءوزىن وراپ - شىمقاپ العان اماننيسانى كورگەننەن كەيىن، ەڭىرەپ جىلاپ جىبەرەدى. عۇنچام: ”قىزىم - اۋ، ساعان نە بولعان، نەگە بۇلايشا كيىنىپ العانسىڭ؟ بۇل ءبىزدىڭ ۇيعۇر ۇلتىنىڭ كيىمى ەمەس قوي...“ دەيدى. كەيىن، شەشەسىنىڭ شىن ىقىلاسىمەن اقىل - كەڭەس ايتۋىندا، 2018 - جىلى اماننيسا جاڭاءشار اۋدانى كاسىپتىك شەبەرلىككە تاربيەلەۋ - باۋلۋ ورتالىعىنا كەلەدى، بۇل ارادا، ول بىرتە - بىرتە اۋەلدەگى ءوزىن تاپتى.

    ■ساحنادان وزىنە دەگەن سەنىمدى تاپتى

    باۋلۋ ورتالىعىندا، مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن ۇيرەنۋ ارقىلى اماننيسا ءوزىنىڭ ءدىني ۇشقارى يدەيامەن جۇعىمدالعاندىعىن تانىپ جەتتى. ”مەن بىرتە - بىرتە نەنىڭ ءدىني ۇشقارى يدەيا ەكەندىگىن، نەنىڭ ۇيعۇر ۇلتىنىڭ عۇرىپ - ادەتى ەكەندىگىن انىق اجىراتتىم“. اماننيسا سول ادامداردىڭ وتىرىك سوزىنە ەندىگارى سەنبەيتىندىگىن ايتتى.

    يدەيا جاعىنداعى ”ۋلى وسپە“نى سىلىپ تاستاعاننان كەيىن، اماننيسا ءوزىنىڭ ءومىرىن قايتا باستان جوسپارلادى. ”بۇرىن سپورتتى جاقسى كورەتىنمىن، ءان ايتىپ، ءبي بيلەۋدى ۇناتاتىنمىن، ءدىني ۇشقارى يدەيامەن جۇعىمدالعاننان كەيىن، ءبىرشاما ۇزاق ۋاقىت ءان ايتىپ، ءبي بيلەمەي كەتتىم“، - دەيدى ول. اماننيسا باۋلۋ ورتالىعىنداعى ءبي كلاسىنا تىزىمدەلدى. ”كلاستا كاسىپتىك مۇعالىم ءبىزدى ناقپا - ناق تاربيەلەيدى، العا باسۋىم تەز بولىپ، بيلەگەن سايىن بيگە قىزىعا ءتۇستىم“. بۇلاردى ايتقاندا، اماننيسا قاتتى تولقىدى، ول ءوزىنىڭ ساباقحانادا ءبي مۇعالىمىمەن ءاربىر ارەكەتتى، ءتىپتى، ميميكالاردى قايتا - قايتا تالقىلايتىندىعىن ءارى ساباقتان سىرتقى ۋاقىتتا ۇنەمى قايتالاي جاتتىعۋ جاسايتىندىعىن ايتتى. كەيىن، ول كلاسىنداعى ەڭ مىقتى ءبيشىنىڭ ءبىرى بولىپ شىقتى.

    وقۋ بىتىرگەننەن كەيىن، اماننيسا جاڭاءشار اۋداندىق كونە ساز جاڭاءشار كونسەرت اترەتىنە كەلىپ، ءبي ارتيسى بولۋ ارمانى ورىندالدى. كونسەرت اترەتى ەڭ قاربالاس بولعان كەزدەردە كۇنىنە 4 − 5 رەت كونسەرت قويادى، ”ءبىراز جاپالى بولعانىمەن، ءبىراق كوڭىلىم توق جۇرەدى“. اماننيسا: ساحناعا شىعىپ كونسەرت قويىپ، كورەرمەندەر قىزۋ قول سوعىپ قوشامەت كورسەتكەن ساتتە مول تابىس سەزىمىنە بولەنەمىن، - دەدى.گۇلرانا ءمۇتالىپ كونە ساز جاڭاءشار كونسەرت اترەتىنىڭ جاۋاپتىسى. ول تىلشىگە: اماننيسا ءار كۇنى ەرتە كەلىپ، كەش قايتادى، ول بار ىقىلاسىمەن بيلەيدى، بۇدان ونىڭ جان دۇنيەسىندەگى بيگە دەگەن قۇشتارلىعىن سەزىنۋگە بولادى، - دەدى.

    ”مەن ءبي بيلەۋدى ەرەكشە ۇناتامىن، كوڭىل كۇيىمدەگى اسەرىمدى قالاي جەتكىزەرىمدى بىلمە الماي تۇرمىن، قازىرگى مەن ناعىز ءوزىم شىعارمىن...“. اماننيسا ءسوزىن تامامداي بەرە سىق - سىق كۇلدى.

جاۋاپتى رەداكتور: جازيرا بولاتباي قىزى