شينجياڭ تەمىر جولىنىڭ جازعى جولاۋشى تاسىمال مولشەرى 10 ميلليون ادام − رەتتەن استى

  • كەلۋ قاينارى: شينجياڭ گازەتى تورابى
  • 10:58:17 04/09/2019

    ارتۋ شاماسى بۇكىل مەملەكەت بويىنشا ءبىرىنشى ورىندى يەلەدى

 

    ءتىلشىمىز لۋ فىڭباۋ، پراكتيكانت جاۋ شيڭمەي 9 - ايدىڭ 2 - كۇنى ۇرىمجىدەن حابارلايدى. جۇڭگو تەمىر جول ءۇرىمجى مەكەمەسى توبى شەكتى سەرىكتەستىگىنەن ۇعىسۋعا قاراعاندا، 8 - ايدىڭ 31 - كۇنى شينجياڭ تەمىر جولىنىڭ 62 كۇنگە جالعاسقان جازعى تاسىمالى تابىسپەن اياقتاپ، جولاۋشى تاسىمال مولشەرى 10 ميلليون 195 مىڭ ادام - رەتكە جەتىپ، بىلتىرعى سايكەس مەزگىلمەن سالىستىرعاندا %20.6 ارتىپ، ارتۋ شاماسى بۇكىل مەملەكەت بويىنشا ءبىرىنشى ورىندى يەلەگەن.

    جىل باسىنان بەرى، شينجياڭ تەمىر جولى ”قويمادا باسىلىپ جاتۋدى توقتاتۋ، قارقىندى جوعارىلاتۋ، قۇرىلىمدى رەتتەۋ، ءدال ۋاقىتقا كەپىلدىك ەتۋ، قىزمەت وتەۋدى كۇشەيتۋ“ سىندى جولاۋشى تاسىمالىن دامىتۋ وي جەلىسى جانە ”پويەزدى ويداعىداي جۇرگىزۋ، بەلەتتى ويداعىداي ساتۋ، قىزمەتتى ويداعىداي وتەۋ“ جالپى تۇلعالىق تالابى بويىنشا، جولاۋشىلار شوعىرى بازارىنىڭ وزگەرىسىمەن دالمە - ءدال ءتۇيىلىسىپ، تاسىمال ۇيىمدارىن اناعۇرلىم ساپالىلاندىرىپ، تاسىمال قۋاتىن شىعارىپ، قىزمەت وتەۋ ساپاسىن ءوسىرىپ، بيىلعى جازعى جولاۋشىلار تاسىمال مولشەرىنىڭ زور شامادا ارتۋىن جەبەگەن.

    شينجياڭ تەمىر جولى جولاۋشىلار پويەزدەرىنىڭ ءجۇرىس كەستەسىن تالاي رەت رەتتەپ، 5.77 جۇپ پويەزدى جاڭادان قوسىپ، 125 جۇپ پويەزدىڭ ءجۇرىس ۋاقىتىن قىسقارتىپ، 60 جۇپ جولاۋشىلار پويەزىنىڭ ءجۇرىس بولىگىن جانە ايالدايتىن بەكەتتەرىن ساپالىلاندىرىپ رەتتەگەن. قازىر شينجياڭ تەمىر جولىندا كۇنىنە 118.5 جۇپ جولاۋشىلار پويەزى ( 22.5 جۇپ موتورلى ۆاگون قۇراماسىن قامتيدى) قاتىنايدى، مۇنىڭ 89.5 جۇبى شينجياڭ ىشىندە قاتىنايدى، شينجياڭنان سىرتقا شىعاتىن پويەزدەر 29 جۇپقا جەتكىزىلدى، 2018 - جىلعى تاسىمال قۋاتىمەن سالىسىترعاندا %57.5 ارتقان.

    شينجياڭ تەمىر جولىنىڭ جولاۋشى تاسىمال بولىگى ۇزدىكىسىز كەڭەيىپ، قارامايلىدان شاۋەشەككە باراتىن تەمىر جول ىسكە قوسىلىپ، شينجياڭداعى تەمىر جول قاتىناماعان ەڭ سوڭعى ايماق تۇرعان قالانى تۇتاستىردى.

    ءۇرىمجى - جۇندۇڭ تەمىر جولىندا ءۇرىمجى مەن جۇندۇڭ اراسىندا جولاۋشىلار پويەزى قاتىناپ، جۇندۇڭ ەكونوميكالىق، تەحنيكالىق اشۋ رايونىنداعى بۇقاراعا جاڭا ءجۇرىس ءتاسىلىن ازىرلەدى.

    جاڭا لەنيا اشقاننان سىرت، شينجياڭ تەمىر جولى بيىل تاعى كۇنيۇي، حىجىڭ، دابانچىڭ، شيحۋ، شاۋەشەك، تەمىرتام، ءدوربىلجىن، جۇندۇڭ سياقتى جولاۋشى تاسىمال بەكەتتەرىن دە اشىپ، بۇكىل شينجياڭداعى جولاۋشى تاسىمال بەكەتتەرى 54كە جەتىپ، بەكەتتەردىڭ جالپىلاسۋ كولەمى اناعۇرلىم كەڭەيدى.

    جازعى تاسىمالدان بەرى، شينجياڭ تەمىر جولىنىڭ باسقارۋىنداعى ءارقايسى پويەز بەكەتتەرىنىڭ جولاۋشىلاردى جونەلتۋ مولشەرى جوعارى اينالىمدى ساقتادى، ۇرىمجىدەگى 2 جولاۋشى تاسىمال بەكەتىن مىسالعا الساق، 2 بەكەت 4 ميلليون 33 مىڭ ادام - رەت جولاۋشى جونەلتىپ، سايكەس مەزگىلدەگىدەن 506 مىڭ ادام - رەت ارتىق تاسىمالداپ، ارتۋ شاماسى %14.3 بولعان. ءۇرىمجى بەكەتىندە 8 - ايدىڭ 10 - كۇنى جولاۋشىلار ەڭ كوپ بولىپ، وسى كۇنى 81 مىڭ ادام - رەت جولاۋشى جونەلتىپ، جەكە ءبىر كۇندەگى جولاۋشى جونەلتۋ مولشەرىنىڭ جاڭا رەكوردىن جاراتقان.

جاۋاپتى رەداكتور: جازيرا بولاتباي قىزى