شينجياڭدا اۋرۋ سەبەبىنەن كەدەيلەسكەندەر بارىنشا ازايدى

  • كەلۋ قاينارى: ىلە گازەتى
  • 03:25:24 05/09/2019

    شينحۋا اگەنتتىگىنىڭ 8 ـ ايدىڭ 26 ـ كۇنى بەيجيڭنەن بەرگەن حابارى (تىلشىلەر پان يىڭ، ۋاڭ بيڭياڭ). مەملەكەتتىك دەنساۋلىق ساقتاۋ، سالاماتتىق كوميتەتىنىڭ 8 ـ ايدىڭ 26 ـ كۇنگى اقپار جاريالاۋ ماجىلىسىندە اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى ٴمۇتالىپ روزى شينجياڭدا «سالاماتتىق جاعىنان كەدەيلەردى سۇيەمەلدەۋ» قيمىلى ورىستەتىلگەننەن بەرى كورنەكتى ناتيجەگە قول جەتكىزىلگەنىن، 8 - ايدىڭ باسىنا دەيىن شينجياڭدا اۋرۋ سەبەبىنەن كەدەيلەسكەندەر 40 مىڭ وتباسى، 149 مىڭ ادام ەكەنىن، 2018 ـ جىلدىڭ سوڭىنداعىدان 22 مىڭ وتباسى، 87 مىڭ ادام ازايعاندىعىن ايتتى.

    جاقىنعى جىلداردان بەرى شينجياڭدا سالاماتتىق جاعىنان كەدەيلەردى سۇيەمەلدەۋدىڭ «3 ٴبىر توپ» ارەكەت جوسپارى ىشكەرىلەي اتقارىلىپ، كەدەيلەردىڭ ەمدەلۋىنە كەپىلدىك ەتىلدى. سونىمەن بىرگە، سالماقتى ناۋقاستى ارناۋلى ەمدەۋ قىزمەتى جاپپاي ىلگەرىلەتىلىپ، كەدەي جان سانىنىڭ ارناۋلى ەمدەلەتىن سالماقتى ناۋقاس ءتۇرى 32 گە كوبەيتىلدى.

    شينجياڭدا جالپى 35 كەدەي اۋدان بار، مۇنىڭ ىشىندە 22 اۋىر كەدەي اۋدان وڭتۇستىك شينجياڭداعى قاشقار، حوتان، اقسۋ ايماقتارىندا جانە قىزىلسۋ قىرعىز اۆتونوميالى وبلىسىندا. مەملەكەت بويىنشا «ٴۇش ايماق، ٴۇش وبلىستاعى» اۋىر كەدەي رايوندارىنىڭ ٴبىرى بولعان وڭتۇستىك شينجياڭداعى 4 ايماق، وبلىستا وكپە تۋبەركۋلەزى اۋرۋى اسقىنعاندىقتان بۇرىن ٴار ۇلت بۇقاراسىنىڭ اۋرۋ سەبەبىنەن كەدەيلەسۋىندەگى ماڭىزدى فاكتوردىڭ بىرىنە اينالعان.

    ءتىلشىنىڭ ۇعىسۋىنشا، كەدەي ناۋقاستاردىڭ «اۋرۋ كورسەتۋى قيىن بولۋ»، ٴتىپتى «ەمدەلە الماۋ» ماسەلەسىن شەشىم ەتۋ ٴۇشىن 2018 – جىلدان باستاپ شينجياڭدا ەرەكشە ەمدەۋ قامتاماسىزداندىرۋ ساياساتى اتقارىلىپ، تۋبەركۋلەز اۋرۋىنا شالدىققان ناۋقاستاردىڭ بولنيتساعا جاتىپ ەمدەلۋ اقىسىن ەسەپتەن كوتەرۋ سالىستىرماسى ٴىس جۇزىندىك جۇمسالعان قارجىنىڭ %90 ىنە جەتىپ، امبۋلاتوريادا ەمدەلگەندە %100 ەسەپتەن كوتەرىلەتىن بولدى. سونىمەن بىرگە دارىگە ٴتوزىمدى تۋبەركۋلەز اۋرۋىنا شالدىققان ناۋقاستاردىڭ ەمدەلۋ قاراجاتىن سالماقتى ناۋقاستاردى ٴبىرتۇتاس جوسپارلاۋعا جانە ەمدەۋگە كومەك قاراجاتىنا ەنگىزدى، وسى شارالار ارقىلى شينجياڭداعى تۋبەركۋلەز اۋرۋىنا شالدىققان ناۋقاستار دەركەزىندە، ٴونىمدى ەمدەۋدەن جانە قىزمەت وتەۋدەن يگىلىكتەندى. الدا 1 - 2 جىل ۋاقىتتا شينجياڭنىڭ تۋبەركۋلەز اۋرۋىنا شالدىعۋ مولشەرى نەگىزىنەن بۇكىل ەلدىڭ ورتاشا ورەسىنە جاقىنداتىلادى نەمەسە جەتكىزىلەدى.

جاۋاپتى رەداكتور: جازيرا بولاتباي قىزى