نيڭبو قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى

  • كەلۋ قاينارى: شينجياڭ گازەتى تورابى
  • 08:53:04 06/09/2019

    چىن چۋانگو، جىڭ شانجيە، شوكىرات زاكىر، لي پىڭشين قيمىلعا قاتىناستى

    

    تىلشىلەرىمىز ياۋ تۇڭ، ۋاڭ شيڭرۇي، لي ياڭ 9 - ايدىڭ 4 - كۇنى ۇرىمجىدەن حابارلايدى. 9 - ايدىڭ 2 - كۇنىنەن 4 - كۇنىنە دەيىن جىجياڭ ولكەلىك پارتكومنىڭ ورىنباسار شۋجيى، نيڭبو قالالىق پارتكومنىڭ شۋجيى جىڭ شانجيە نيڭبو قالاسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتارلىلار قيمىلعا قاتىناستى.

    9 - ايدىڭ 2 - كۇنى تۇستەن كەيىن اۆتونوميالى رايون نيڭبو قالاسىنىڭ پارتيا، ۇكىمەت ۋاكىلدەر ۇيىرمەسىمەن ۇرىمجىدە قىزمەت كەڭەسىن وتكىزدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل رايونداعى ءار ۇلت حالقى اتىنان نيڭبو قالاسى پارتيا، ۇكىمەت ۋاكىلدەر ۇيىرمەسىنىڭ شينجياڭعا تەكسەرۋگە كەلگەندىگىن قىزۋ قارسى الدى، جىجياڭ ولكەسى مەن نيڭبو قالاسىنىڭ ۇزاق ۋاقىتتان بەرى شينجياڭعا زور قولداۋ جانە قالتقىسىز كومەك كورسەتكەنىنە شىن ىقىلاسپەن العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، نيڭبو قالاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ جىجياڭ جانە نيڭبو قىزمەتى جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ەكونوميكالىق، قوعامدىق دامۋدا جاڭا جەتىستىكتەرگە قول جەتكىزىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز نىعايتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە مىعىم نەگىز قالادى. ءبىز شىن جۇرەكتەن قۇتتىقتايمىز.

    چىن چۋانگو بىلاي دەدى: جىجياڭ ولكەلىك پارتكوم، ولكەلىك ۇكىمەت جانە نيڭبو قالالىق پارتكوم، قالالىق ۇكىمەت باس شۋجي شي جينپيڭنىڭ تاپسىرماسىن باستان - اياق ەستە بەرىك ساقتاپ، شينجياڭعا كومەكتەسۋ قىزمەتىن ماڭىزدى ورىنعا قويىپ، جالپى جاعداي قىزمەتىنە ەنگىزىپ، شىنايى يگەرىپ، ناقتى ىستەۋگە تاباندى بولىپ، شىنايى سۇيىسپەنشىلىگىن، ادال نيەتىن ارناپ، باعىتتامالى كومەكتەسۋدى جان - جاقتى ورىستەتىپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى، ءار ۇلت حالقى بۇعان العىس ايتادى. شينجياڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ”دى ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، نيڭبونىڭ وزىق تاجىريبەلەرىن كىشى پەيىلدىلىكپەن ۇيرەنىپ جانە ودان تولىق ۇلگى الىپ، سەلبەسۋدى، اۋىس - كۇيىستى كۇشەيتىپ، ارتىقشىلىقتارمەن ءبىر - ءبىرىن تولىقتاۋدى جەبەپ، تەڭ يگىلىككە كەنەلە دامۋدى ىسكە اسىرىپ، شينجياڭعا كومەكتەسۋدىڭ جان - جاقتى ءونىمىن مۇمكىندىگىنشە ساۋلەلەندىرىپ، ورنىقتىلىق، دامۋ ءتۇرلى قىزمەتتەرىن تىڭعىلىقتى ىلگەرىلەتىپ، جۇڭگوشا سوتسياليستىك شينجياڭ قۇرۋعا قۇلشىنىپ، ۇزدىك ناتيجەلەرمەن جاڭا جۇڭگو قۇرىلعاندىعىنىڭ 70 جىلدىعىن قۇتتىقتايدى.

جاۋاپتى رەداكتور: جازيرا بولاتباي قىزى