شي جينپيڭ 4 – كەزەكتى جۇڭگو – اراب ەلدەرى كورمەسىنە قۇتتىقتاۋ حات جولدادى

  • كەلۋ قاينارى: ىلە گازەتى
  • 03:24:38 07/09/2019

    

    شينحۋا اگەنتتىگىنىڭ 9 – ايدىڭ 5 – كۇنى بەيجيڭنەن بەرگەن حابارى. 4 – كەزەكتى جۇڭگو – اراب ەلدەرى كورمەسى 9 – ايدىڭ 5 – كۇنى نيڭشيانىڭ يىنچۋانىندا اشىلدى. مەملەكەت ءتوراعاسى شي جينپيڭ قۇتتىقتاۋ حات جولداپ، ءماجىلىستىڭ اشىلعاندىعىن قىزۋ قۇتتىقتايتىندىعىن ءبىلدىردى.

    شي جينپيڭ بىلاي دەپ اتاپ كورسەتتى: جۋىق جىلداردان بەرى جۇڭگو مەن اراب ەلدەرى ەكى جاق ءداۋىردىڭ اعىمى مەن وزدەرىنىڭ دامۋ قاجەتىنە ساي، «ءبىر بەلدەۋ، ءبىر جولدى» بىرگە قۇرۋدى قول ۇستاسا وتىرىپ ىلگەرىلەتىپ، سۇبەلى ناتيجەگە قول جەتكىزدى.

    شي جينپيڭ بىلاي دەپ باسا دارىپتەدى: وتكەن جىلى 7 – ايدا مەن جۇڭگو – اراب ەلدەرى سەلبەستىك تالقى مىنبەرىنىڭ 8 – كەزەكتى مينيستر دارەجەلىلەر ءماجىلىسىنىڭ اشىلۋ سالتىندا جالپى بەتتىك سەلبەسكەن، بىرگە داميتىن، بولاشاققا بەت العان جۇڭگو – اراب ەلدەرى ستراتەگيالىق سەرىكتەستىك قارىم – قاتىناسىن ورناتقانىمىزدى جاريالاعان ەدىم. بۇل كەزەكتى كورمە ەكى جاقتىڭ ناقتى سەلبەستىكتى تەرەڭدەتۋىنە «ءبىر بەلدەۋ، ءبىر جولدى» بىرگە قۇرۋدىڭ جوعارى ساپالى دامۋىنا ءتيىمدى تۇعىر ورناتتى. ەكى جاقتىڭ وسى كەزدى ۇتىمدى پايدالانىپ، ورايدى مىقتاپ يگەرىپ، ءورىس اشىپ، كومەسكى كۇشتى اشىپ، جۇڭگو – اراب ەلدەرى ستراتەگيالىق سەرىكتەستىك قارىم – قاتىناسىنىڭ اناعۇرلىم زور دامۋىن جۇزەگە اسىرۋدى قول ۇستاسا ىلگەرىلەتىپ، جۇڭگو – اراب ەلدەرى حالىقتارىنا اناعۇرلىم زور باقىت جاراتۋىن ءۇمىت ەتەمىن.

جاۋاپتى رەداكتور: جازيرا بولاتباي قىزى