وقىتۋشىلار مەرەكەسى بەلگىلەنگەن 35 جىلدا وقىتۋشىلاردىڭ سانى %79 ارتىپ، قازىر 16 ميلليون 730 مىڭنان استى

  • كەلۋ قاينارى: ىلە گازەتى
  • 03:48:27 07/09/2019

 

   شينحۋا اگەنتتىگىنىڭ ءتىلشىسى حۋ حاۋدىڭ 9 - ايدىڭ 3 - كۇنى بەيجيڭنەن بەرگەن حابارى. 35 – رەتكى وقىتۋشىلار مەرەكەسى قارساڭىندا وقۋ – اعارتۋ مينيسترلىگى اقپار جاريالاۋ ءماجىلىسىن اشىپ، 35 جىلدان بەرى ەلىمىزدىڭ وقىتۋشىلار قوسىن قۇرىلىسىنىڭ قارىشتاپ دامىعاندىعىن تانىستىردى. قازىر بۇكىل ەل بويىنشا ءار دارەجەلى، ءار سالاداعى ارناۋلى وقىتۋشى 16 ميلليون 738 مىڭ 300 ادام بولىپ، 1985 - جىلعى 9 ميلليون 319 مىڭ ادامنان %79 ارتقان. وقۋ ـ اعارتۋ مينيسترلىگى وقىتۋشىلار قىزمەتى مەكەمەسىنىڭ باستىعى رىن يوۋچۇن بىلاي دەدى: وقىتۋشىلار مەرەكەسى 1985 ـ جىلى بەلگىلەنىپ، قازىرگە دەيىن 35 جىل بولدى. ۇزاق جىلداردان بەرى ەلىمىزدىڭ وقىتۋشىلار قوسىنى كولەمى زور دارەجەدە ارتۋمەن بىرگە، تۇلعالىق ساپاسى جاعىنان كورنەكتى جوعارىلادى. وقۋ تاريحى جاعىندا، 1985 - جىلمەن سالىستىرعاندا، باستاۋىش، ورتالاۋ مەكتەپتەرىندەگى تولىق كۋرس جانە ودان جوعارى ماعلۇماتقا يە وقىتۋشىلار سالىستىرماسى جەكە - جەكە 61.59 پايىز، 80.59 پايىز ارتتى. ۇستازدىق ءمورال، ۇستازدىق ستيل قۇرىلىسى تۇزىمدەنۋ، زاڭمەن جونگە سالۋ ارناسىنا ءتۇستى.

    اۋىل ـ قىستاق وقىتۋشىلار قوسىن قۇرىلىسى جاعىندا، «ەرەكشە قىزمەت ورنى جوسپارىن» شىنايى اتقارىپ، 2012 ـ جىلدان بەرى ورتا، باتىس بولەكتەگى ولكەلەر جيىنى 510 مىڭ ەرەكشە قىزمەت ورنى وقىتۋشىسىن قابىلداپ، اۋىل ـ قىستاق وقۋ ـ اعارتۋىنا ۇزدىكسىز «جاڭا قان» جۇگىرتىپ، اۋىل ـ قىستاق وقىتۋشىلار قوسىنى قۇرىلىمىن ساپالىلاندىردى. 10 مىڭ وقىتۋشىنىڭ وقۋ ـ اعارتۋعا كومەكتەسۋ جوسپارى، «ءۇش رايون» دارىندىلارىن قولداۋ جوسپارىنىڭ وقىتۋشىلار ارناۋلى جوسپارى سياقتىلارمەن «ءۇش رايون، ءۇش وبلىس» سىندى كەدەي وڭىرلەرگە 250 مىڭعا جۋىق وقىتۋشى تولىقتانىپ، ءار جىلى تىرەكتى وقىتۋشىلار سانى 10 مىڭ ادام (رەتكە) جەتتى.

    رىن يوۋچۇن بىلاي دەدى: 35 جىلدان بەرى ەلىمىزدەگى وقىتۋشىلاردىڭ ورنى كورنەكتى جوعارىلاپ، « قۇرمەتتەلەتىن، ءمان بەرىلەتىن» بولدى. وقىتۋشىلاردىڭ ەڭبەكاقى مولشەرى 20 - عاسىردىڭ 80 - جىلدارىنان بۇرىن تۇتاس حالىق شارۋاشىلىعى سالاسى بويىنشا ەڭبەكاقى مولشەرىندە سوڭىنان ساناعاندا ءۇشىنشى ورىندا بولسا، ال قازىر مەملەكەتتەگى 19 ۇلكەن سالا بويىنشا 7 - ورىنعا كوتەرىلىپ وتىر. وقىتۋشىلاردىڭ عىلمي اتاق ساياساتىن رەتتەۋ جانە كەمەلدەندىرۋ ارقىلى ورتا، باستاۋىش مەكتەپتەردىڭ جوعارى دارەجەلى كاسىپتىك اتاق الۋ قۇرىلىمى اناعۇرلىم ۇيلەسىمدى رەتتەلىپ، ورتا، باستاۋىش مەكتەپ وقىتۋشىلارىنىڭ ۇزاق ۋاقىت وقىتۋمەن، ءومىر بويى وقىتۋمەن شۇعىلدانۋ بەلسەندىلىگى جەبەلۋدە.

جاۋاپتى رەداكتور: جازيرا بولاتباي قىزى