شي جينپيڭ بۇكىل ەلدەگى اۋىل شارۋاشىلىعىنا قاتىستى جوعارى مەكتەپتەردىڭ قالىڭ وقىتۋشى - وقۋشىلارىنا جاۋاپ حات جازىپ، تىلەك ءبىلدىردى

  • كەلۋ قاينارى: شينجياڭ گازەتى تورابى
  • 02:58:30 09/09/2019

    ونەگە كورسەتىپ، ادام تاربيەلەۋدى ءتۇبىرلى نەگىز، اۋىل شارۋاشىلىعىن قۇدىرەتتەندىرۋدى، اۋىل شارۋاشىلىعىن گۇلدەندىرۋدى ءوز مىندەتى ەتۋ كەرەك

    جاۋاپ حات

    بۇكىل ەلدەگى اۋىل شارۋاشىلىعىنا قاتىستى جوعارى مەكتەپ شۋجيلەرىنىڭ، باستىقتارىنىڭ جانە ماماندارىنىڭ ۋاكىلدەرىنە:

    سالەمەتسىزدەر! جازعان حاتتارىڭىزدى تاپسىرىپ الدىم. جاڭا جۇڭگو قۇرىلعان 70 جىلدان بەرى، بۇكىل ەلدەگى اۋىل شارۋاشىلىعىنا قاتىستى جوعارى مەكتەپتەر مەكتەپ باسقارۋ بورىشىن ەستە بەرىك ساقتاپ، دارىندىلاردى دەن قويا جەتىلدىرىپ، عىلمي زەرتتەۋدە جاڭالىق اشۋدى كۇشەيتىپ، اۋىل شارۋاشىلىعى، اۋىل - قىستاق، شارۋالار ىستەرىنىڭ دامۋىنا بەلسەندى ۇلەس قوستى.

    جۇڭگونىڭ وسىزاماندانۋى اۋىل شارۋاشىلىعىن، اۋىل - قىستاقتى وسىزاماندىرۋدان ايرىلا المايدى، اۋىل شارۋاشىلىعىن، اۋىل - قىستاقتى وسىزامانداندىرۋدىڭ تەتىگى عىلىم - تەحنيكادا، دارىندىلاردا.

    جاڭا داۋىردە اۋىل - قىستاق − ۇمىتكە تولى القاپ، ءىس تىندىرىپ، شارۋاشىلىق قۇراتىن كەڭ ساحنا، ەلىمىزدە اۋىل شارۋاشىلىعى، ورمان شارۋاشىلىعى جوعارى دارەجەلى اعارتۋىنىڭ بولاشاعى زور. سىزدەردىڭ ۇزدىكسىز ونەگە كورسەتىپ، ادام تاربيەلەۋدى ءتۇبىرلى نەگىز، اۋىل شارۋاشىلىعىن قۇدىرەتتەندىرۋدى، اۋىل شارۋاشىلىعىن گۇلدەندىرۋدى ءوز مىندەتتەرىڭىز ەتىپ، اناعۇرلىم كوپ عىلىم - تەحنيكا جەتىستىكتەرىن جاراتىپ، اۋىل شارۋاشىلىعىن بىلەتىن، اۋىل شارۋاشىلىعىن سۇيەتىن اناعۇرلىم كوپ جاڭاشا دارىندىلاردى باۋلىپ، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ، مەملەكەتتىڭ استىق حاۋىپسىزدىگىنە شىنايى كەپىلدىك ەتۋ، سان ميلليونداعان شارۋانىڭ تۇرمىس دەڭگەيىن جانە يدەيالىق، ءمورالدىق ساپاسىن جوعارىلاتۋ، تاۋ، سۋ، ورمان، اتىز، كول، جايلىم جۇيەسىن جونگە سالۋدى جەبەۋ ءۇشىن، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، اۋىل - قىستاقتى جاپپاي گۇلدەندىرۋدى ىلگەرىلەتۋ ءۇشىن ۇزدىكسىز تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىن.

    شي جينپيڭ

    2019 - جىلى 9 - ايدىڭ 5 - كۇنى

    (شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى)

 

جاۋاپتى رەداكتور: جازيرا بولاتباي قىزى