مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى شينجياڭعا كەلىپ «جۇڭحۋا حالىق رەسپۋبليكاسىنىڭ تۋىندايتىن ەنەرگيا زاڭى»نىڭ اتقارىلۋ جاعدايىن تەكسەردى

  • كەلۋ قاينارى: شينجياڭ گازەتى تورابى
  • 03:01:28 09/09/2019

    ءتىلشىمىز جاۋ جىيۇن 9 - ايدىڭ 6 - كۇنى ۇرىمجىدەن حابارلايدى. 9 - ايدىڭ 1 - كۇنىنەن 5 - كۇنىنە دەيىن، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى شىن يۋەيۋە مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسىن باستاپ شينجياڭعا كەلىپ، «جۇڭحۋا حالىق رەسپۋبليكاسىنىڭ تۋىندايتىن ەنەرگيا زاڭى»نىڭ اتقارىلۋ جاعدايىنا تەكسەرۋ جۇرگىزدى. اۆتونوميالى رايوندىق پارتكومنىڭ شۋجيى چىن چۋانگو قاتىستى قيمىلعا قاتىناستى.

    9 - ايدىڭ 1 - كۇنى تۇستەن كەيىن، زاڭنىڭ اتقارىلۋىن تەكسەرۋ گرۋپپاسى رايونىمىزدىڭ «جۇڭحۋا حالىق رەسپۋبليكاسىنىڭ تۋىندايتىن ەنەرگيا زاڭى»ن اتقارۋ جاعدايى جونىندە اۆتونوميالى رايوندىق حالىق ۇكىمەتىنىڭ جانە شينجياڭ ءوندىرىس - قۇرىلىس بيڭتۋانىنىڭ قىزمەت مالىمەتىن تىڭدادى ءارى اڭگىمە ءماجىلىسىن وتكىزدى. شىن يۋەيۋە بىلاي دەپ باسا دارىپتەدى: وسى رەتكى زاڭنىڭ اتقارىلۋىن تەكسەرۋدى وراي ەتىپ، شي جينپيڭنىڭ ەكولوگيالىق وركەنيەت يدەياسىن اناعۇرلىم ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ تۋىندايتىن ەنەرگيانىڭ دامۋى جونىندەگى ماڭىزدى بايىمداۋىنىڭ رۋحىن تەرەڭ ۇعىنىپ، تۋىندايتىن ەنەرگيانى اشۋدىڭ جانە ودان پايدالانۋدىڭ مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى، ەنەرگيامەن قامداۋ قۇرىلىمىن ساپالىلاندىرۋداعى، لاستانۋدان ساقتانۋ - تىزگىندەۋدەن قامال الۋ شايقاسىن ويداعىداي جۇرگىزۋدەگى، جاسىل، تومەن كومىرتەكتى دامۋدى جۇزەگە اسىرۋداعى ماڭىزدى ءمانىن جەتە تانىپ، پارتيا ورتالىق كوميتەتىنىڭ ەنەرگيا دامۋ ستراتەگياسى مەن تۋىندايتىن ەنەرگيانى دامىتۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تۋىندايتىن ەنەرگيا زاڭىن جان - جاقتى، ءونىمدى، دايەكتى اتقارىپ، تۋىندايتىن ەنەرگيا ءوندىرىسىن جانە ودان ۇتىمدى پايدالانۋدى جەدەلدەتۋ كەرەك.

    شىن يۋەيۋە شينجياڭنىڭ «جۇڭحۋا حالىق رەسپۋبليكاسىنىڭ تۋىندايتىن ەنەرگيا زاڭى»ن دايەكتى اتقارۋدا ىستەگەن قىزمەتتەرى مەن قول جەتكىزگەن ناتيجەلەرىن تولىق تۇراقتاندىردى. ول بىلاي دەپ اتاپ كورسەتتى: شينجياڭ ەلىمىزدىڭ جەل ەنەرگياسى، كۇن ەنەرگياسى ەڭ مول وڭىرلەردىڭ ءبىرى، ەلىمىزدىڭ ماڭىزدى ۋنيۆەرسال ەنەرگيا بازاسى، مەملەكەتتىڭ ەنەرگيا حاۋىپسىزدىگىن قامتاماسىز ەتۋ سىندى ستراتەگيالىق مىندەت ارقالاپ وتىر. جۋىق جىلداردان بەرى، اۆتونوميالى رايوندىق پارتكوم مەن ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرۋدە، تياناقتاندىرۋدا، «جۇڭحۋا حالىق رەسپۋبليكاسىنىڭ تۋىندايتىن ەنەرگيا زاڭى»ن مۇقيات دايەكتى اتقارۋدا، شينجياڭنىڭ تۋىندايتىن ەنەرگيانىڭ دامۋىن ىلگەرىلەتۋدە بەلسەندى ونىمدىلىكتەرگە قول جەتكىزدى. كەزەكتە زاڭنىڭ اتقارىلۋ بارىسىندا ءالى دە ءبىرسىپىرا ماسەلە ساقتالۋدا، وسى رەتكى زاڭنىڭ اتقارىلۋىن تەكسەرۋ ارقىلى، جاعداي مەن ماسەلەنى ءدال تاۋىپ، يگەرىپ، سەبەبىنە ىشكەرىلەي تالداۋ جاساپ، تۋىندايتىن ەنەرگيا كاسىبى سالاسىنىڭ ۇزدىكسىز اقاۋسىز دامۋىن ىلگەرىلەتۋ كەرەك.

    شينجياڭداعى كەزدەرىندە، زاڭنىڭ اتقارىلۋىن تەكسەرۋ گرۋپپاسى ءبىر ءبولىم ايماق، وبلىستارعا بارىپ ۇستىنەن تەكسەرۋ جۇرگىزدى ءارى تاراپتارمەن اڭگىمە ءماجىلىس وتكىزىپ، ولاردىڭ پىكىر - ۇسىنىستارىن تىڭدادى.

    مەملەكەتتىك حالىق قۇرىلتايى تۇراقتى كوميتەتىنىڭ، اۆتونوميالى رايوننىڭ جانە بيڭتۋاننىڭ باسشىلارىنان گاۋ حۋچىڭ، شوكىرات زاكىر، شاۋكەت يمىن، دوۋ شۋحۋا، جياۋ يۇڭ، شۇي حايرۇڭ، ەركىن تۇنياز، گۇلشات ابدىقادىر، ۋاڭ ميڭشان، ماڭلىك سەيىت، ياۋ شينميندار اتاۋلى قيمىلدارعا قاتىناستى.

جاۋاپتى رەداكتور: جازيرا بولاتباي قىزى