شينجياڭ تەمىر جولىنىڭ بيىلعى زات تاسىمال مولشەرى 100 ميلليون توننادان استى

  • كەلۋ قاينارى: شينجياڭ گازەتى تورابى
  • 03:17:25 09/09/2019

    بىلتىرعىدان 51 كۇن بۇرىن ورىندالدى

    

    ءتىلشىمىز لۋ فىڭباۋ، پراكتيكانت جيا فاڭ 9 - ايدىڭ 6 - كۇنى ۇرىمجىدەن حابارلايدى. 9 - ايدىڭ 6 - كۇنى ساعات 11، شىحىزى ۆوكزالىنا باراتىن جۇك پويەزىنىڭ ءۇرىمجى باتىس ۆوكزالىنان اتتانۋىمەن، شينجياڭ تەمىر جولىنىڭ بيىلعى زات جونەلتۋ مولشەرى 100 ميلليون توننادان اسىپ، بىلتىرعىدان 51 كۇن بۇرىن ورىندالدى.

    سوڭعى جىلداردان بەرى شينجياڭ تەمىر جولى زات قاينارىندىق ساتۋدى كۇشەيتۋ، تاسىمالعا ۇيىمداستىرۋدى ساپالىلاندىرۋ سياقتى بۋىنداردان كىرىسىپ، كومىر، مەتال رۋداسى، مەتالويت رۋداسى، اۋىل شارۋاشىلىق قوسىمشا ونىمدەرى سياقتى ءتۇيىندى تاسىمال نىساندارىن اتقارۋدى مىقتى يگەرىپ، الدىڭعى جارتى جىلدا زات جونەلتۋ مولشەرىنىڭ ارتۋ شاماسى بۇكىل ەلدەگى تەمىر جولداردىڭ ىشىندە ءبىرىنشى ورىندى يەلەدى.

    جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى زات تاسىمال ءبولىمىنىڭ ورىنباسار مەڭگەرۋشىسى گاۋ لەي بىلاي دەپ تانىستىردى: 2017 - جىلى شينجياڭ تەمىر جولى 7 زات اينالىم بازاسىن قۇرىپ، 2018 - جىلى 19 زات اينالىم بازاسى مەن زات تاسىمال قۇرىلعىلارىن كۇشەيتۋ ينجەنەرياسىن تامامداپ، بيىل 5 تۇردەگى زات اينالىم بازاسى قۇرىلىسى مەن يقۋاتتى كۇشەيتۋ نىسانىن ىلگەرىلەتۋدە. سونىمەن بىرگە، تاعى ءۇرىمجى باتىس ۆوكزالىن، تۇرپان ۆوكزالىن، قۇمىل شىعىس ۆوكزالىن، كورلا ۆوكزالىن جاڭالاۋدى، سونداي - اق ءۇرىمجى سولتۇستىك ۆوكزالىنان جياڭجۇنمياۋعا دەيىنگى، جىڭنان قورعاسقا دەيىنگى جەلىدە بەكەت كوبەيتۋ سياقتى يقۋاتتى كەڭەيتىپ، جاڭالاۋ نىسانىنان 18ىن اياقتاتتى.

    بيىل جىل باسىنان بەرى، شينجياڭ تەمىر جولى تاسىمال سۇرانىسىنا ساي، كومىر، بولات - تەمىر، حيميا ونەركاسىبى، اۋىل شارۋاشىلىق قوسىمشا ونىمدەرى سىندى 4 بولىك نىسان گرۋپپاسىن قۇرىپ، بولىكتەر بويىنشا نىسانداردى اتقارۋدى ىلگەرىلەتىپ، زات قاينارى مەن تاسىمال بايلىعىن بىرىكتىرىپ، ساپالىلاندىرۋدى جۇزەگە اسىرىپ، قاريدارلارعا ”تاپسىرىس بەرۋ، ۇلگىسى“ندەگى زات جەتكىزۋ بويىنشا قىزمەت وتەدى. سولتۇستىك شينجياڭنىڭ قالالار ارا زاتتى جەدەل جەتكىزۋ كەزەكشى پويەزدارى 4 - ايدىڭ 20 - كۇنىنەن باستاپ قاتىناعاننان كەيىن زات توپتاۋدى، پويەزعا تيەۋدى، اينالىمدى، جەتۋدى، زات الۋدى ءبىر تاۋلىكتە ورىنداۋدى جۇزەگە اسىرىپ، قاريدارلاردىڭ جوعارى ءونىمدى زات جەتكىزۋ سۇرانىسىن قاناعاتتاندىرىپ، كۇنىنە ءبىر پويەزدىڭ ۇدايىلانعان قاتىناۋىن جۇزەگە اسىردى.

    شينجياڭ ىشىندەگى كومىر تاسىمالىن مىقتى يگەرۋمەن بىرگە، شينجياڭ تەمىر جولى تاراۋلارىنىڭ ساتۋ تۇعىرىن دا بەلسەنە ورناتىپ، كومىردى شينجياڭنان سىرتقا جەتكىزۋ سەرپىنىن ارتتىردى. 6 - ايدان بەرى ۇرىمجىدەن لانجوۋعا دەيىنگى كومىردى توتە جەتكىزەتىن پويەزدان كۇنىنە 9ى، شينجياڭنان چىڭدۋ، كۇنميڭ باعىتىنا كومىر جەتكىزەتىن پويەزدان كۇنىنە ورتا ەسەپپەن 7سى قاتىناپ، شينجياڭنان سىرتقا جەتكىزىلەتىن كومىر تاسىمال مولشەرى بىلتىرعى سول تۇستاعىدان %37.3 ارتتى.

جاۋاپتى رەداكتور: جازيرا بولاتباي قىزى