قاجىرلىلىقپەن ءۇن - ءتۇنسىز قىزمەت ىستەپ، جارامدى ادام تاربيەلەۋدەن جازبادى

  • كەلۋ قاينارى: ىلە گازەتى
  • 03:35:18 10/09/2019

 

    - قۇلجا اۋداندىق 2 - باستاۋىش مەكتەپتىڭ وقىتۋشىسى ۋ جىنمەي تۋرالى

    گو جۇن (ءوز ءتىلشىمىز)

    «ءار جولى مىنبەگە شىعىپ، بالالاردىڭ بىلىمگە قۇشتار قوس جانارىنا نازار سالسام، مەندە ۇيرەنگەندەرىمدى ولارعا قالتقىسىز ارناۋ قوزعاۋشى كۇشى تۋىنداپ، رۋحتانا تۇسەمىن» دەدى قۇلجا اۋداندىق 2 – باستاۋىش مەكتەپتىڭ وقىتۋشىسى ۋ جىنمەي ءوزىنىڭ وقىتۋ قىزمەتىن تىلگە تيەك ەتكەندە قۋانىشتان جايراڭ قاعىپ. 28 جىلدىق وقىتۋ ستاجىنا يە ءتىل – ادەبيەت وقىتۋشىسى بولعان ول اۆتونوميالى وبلىس، قۇلجا اۋدانى جاعىنان تالاي رەت ۇزدىك وقۋ – اعارتۋ قىزمەتكەرى بولىپ باعالاندى. ونىڭ عىلمي ماقالالارى مەن ارناۋلى عىلمي زەرتتەۋلەرى مەملەكەت جاعىنان ماداقتالدى جانە تۇراقتاندىرىلدى.

    شاعىن مىنبەدە سۇيىسپەنشىلىك شۋاعىن شاشتى

    ۋ جىنمەي 2 – باستاۋىش مەكتەپتىڭ وقىتۋ ءبولىمى مەڭگەرۋشىسى مىندەتىن وتەۋمەن بىرگە، 3 – جىلدىق 3 - كلاستىڭ ءتىل – ادەبيەت وقىتۋشىسى بولدى. 9 – ايدىڭ 2 – كۇنى وقۋ باستالعان العاشقى كۇنى تۇستەن بۇرىنعى 2 – ساعاتتىق ساباقتا ول ساباقحاناعا كىرىپ، مىنبەنىڭ الدىنا باردى، بالالار وقىتۋشىعا نازار سالىپ، زەيىنىن شوعىرلاندىردى.

    «ۋ مۇعالىم ساباق وتكەندە وتە قاتاڭ، ال ساباقتان تۇسكەننەن كەيىن بىزبەن دوسىمىز سياقتى اڭگىمەلەسەدى، ونىڭ ساباق ءوتۋ ءادىسى باسقا وقىتۋشىلاردان وزگەشە، بار سۇيىسپەنشىلىگىمەن ساباق وتەدى، تۇسىنبەگەن ماسەلەلەردى سۇراعانىمىزدا، قاراپايىم بىرنەشە اۋىز سوزبەن – اق ءتۇسىندىرىپ بەرەدى، ۋ مۇعالىم ساباقتى وتە جاقسى وتەدى، ول كىسىنى جاقسى كورەمىز» دەدى وقۋشىسى ۋاڭ چىڭرۇي.

    9 جاستاعى چياۋ سى - يۇي ۋ مۇعالىمدى شەشەسى سياقتى كورەدى. «مەن الدىڭعى وقۋ ماۋسىمىندا اۋىلداعى باستاۋىش مەكتەپتەن ەندى عانا اۋىسىپ كەلگەنىمدە جاڭا ورتاعا ۇيلەسە المادىم، ساباقتا سۇراۋعا جاۋاپ بەرۋدى دە ۇناتپايتىنمىن، ۋ مۇعالىم مەنى ۇنەمى شابىتتاندىرىپ وتىردى، كەيدە سۇراۋعا جاۋاپ بەرىپ بولعاننان كەيىن ۋ مۇعالىم <جارايسىڭ!> دەپ مەنى ماقتايتىن، مەن سۇراۋعا جاۋاپ بەرۋگە بارعان سايىن قىزىعا باستادىم، قازىر تاپسىرمانى بۇرىنعىدان دا تەز ورىندايتىن بولدىم» دەدى چياۋ سى - يۇي.

    ۋ جىنمەي بىلاي دەدى: وقىتۋشىلىق كاسىپتى تاڭداعاننان باستاپ، بالالارعا سۇيىسپەنشىلىگىم مەن كاسىپكە قۇرمەتىمدى كوكەيىمە تەرەڭ ۇيالاتتىم. ويتكەنى پارتيا ءۇشىن ادام تاربيەلەۋ، مەملەكەت ءۇشىن دارىندى باۋلۋ اۋىر جۇگىن ارقالاپ وتىرعانىمدى انىق بىلەمىن، جاستىق زەيىن – زەردەمدى وقىتۋ ىستەرىنە ارناپ، باستان – اياق ۇلەس قوسۋعا كۇش سالامىن.

جاۋاپتى رەداكتور: جازيرا بولاتباي قىزى