شىحىزى داشۋەسى مەكتەپ قۇرىلعاندىعىنىڭ 70 جىلدىعىن قۇتتىقتادى

  • كەلۋ قاينارى: شينجياڭ گازەتى تورابى
  • 03:45:55 11/09/2019

 

   ءتىلشىمىز جاڭ شياۋيان 9 - ايدىڭ 8 - كۇنى شىحىزىدان حابارلايدى. 9 - ايدىڭ 8 - كۇنى شىحىزى داشۋەسى مەكتەپ قۇرىلعاندىعىنىڭ 70 جىلدىعىن اتاپ ءوتۋ جينالىسىن وتكىزدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى سۇن جينلۇڭ قاتىناستى ءارى ءسوز سويلەدى، بەيجيڭ داشۋەسىنىڭ باستىعى حاۋ پيڭ قاتىناستى ءارى لەبىز ءبىلدىردى.

    جينالىستا جۇڭگو جوعارى وقۋ - اعارتۋ عىلمي قوعامىنىڭ شىحىزى داشۋەسى قۇرىلعاندىعىنىڭ 70 جىلدىعىنا جولداعان قۇتتىقتاۋ حاتى وقىلدى.

    سۇن جينلۇڭ بيڭتۋان پارتكومى اتىنان شىحىزى داشۋەسى قۇرىلعاندىعىنىڭ 70 جىلدىعىن قۇتتىقتادى ءارى وقىتۋشىلار مەرەكەسى كەلۋ قارساڭىندا شىحىزى داشۋەسىندەگى بارلىق وقىتۋشى - قىزمەتكەرلەرگە، سونداي - اق بيڭتۋانداعى قالىڭ وقىتۋشىلار مەن وقۋ - اعارتۋ قىزمەتكەرلەرىنە ىقىلاستى سالەم جولدادى. سۇن جينلۇڭ بىلاي دەپ اتاپ كورسەتتى: 70 جىلدان بەرى، شىحىزى داشۋەسى پارتيانىڭ باسشىلىعىندا، ءارقايسى جاقتىڭ زور كۇشپەن قولداۋىندا، باستان - اياق پارتيانىڭ وقۋ - اعارتۋ باعىتىنا تاباندى بولىپ، سوتسياليستىك مەكتەپ باسقارۋ بەتالىسىنا تاباندى بولدى، مەكتەپ باسقارۋ بورىشىن ەستە بەرىك ساقتادى، ءار ءتۇرلى پاندەر بويىنشا تاربيەلەنگەن 180 مىڭنان استام وقۋشى وقۋ تاۋىستى، بۇلاردىڭ باسىم كوپ ساندىسى بيڭتۋاندا، شينجياڭدا قالىپ قىزمەت ىستەپ، بيڭتۋان ءۇشىن جاۋاپكەرشىلىگىن، بورىشىن ادا ەتىپ، جەرگىلىكتى ورىننىڭ ەكونوميكالىق، قوعامدىق دامۋى ءۇشىن اقىل - پاراساتتىق تىرەك جانە دارىندى كەپىلدىگىن ازىرلەدى.

    سۇن جينلۇڭ بىلاي دەپ باسا دارىپتەدى: جاڭا تاريحي باستامادا شىحىزى داشۋەسى اۋەلگى ماقساتتى ۇمىتپاي، بورىشتى ەستە بەرىك ساقتاپ، ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ باعدارىن اناعۇرلىم كۇشەيتىپ، ونەگە كورسەتىپ ادام تاربيەلەۋدى نەگىز ەتىپ، وتاندى، شينجياڭدى سۇيەتىن، جاۋاپكەرشىلىك ارقالاپ، ۇلەس قوساتىن سوتسياليزمنىڭ قۇرىلىسشىلار مەن ءىزباسارلارىن زور كۇشپەن باۋلۋ كەرەك. مەكتەپ باسقارۋدىڭ دۇرىس ساياسي بەتالىسىن مىقتاپ يگەرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتۋمەن ۇشتاستىرىپ، شينجياڭ قىزمەتىنىڭ باس نىساناسىن ارقاۋ ەتۋدەگى، بيڭتۋان جاۋاپكەرشىلىگىن، بورىشىن وتەۋ سىندى وسى كەلەلى ساياسي مىندەتتى كوزدە ۇستاپ، پارتيا مەن مەملەكەت ىستەرىنىڭ دامۋىنا قاجەتتى ۇزدىك دارىندىلاردى زور كۇشپەن باۋلۋ، سانالى تۇردە شەكارا وڭىردە تامىر تارتىپ، شەكارا وڭىرگە ءوزىن ارنايتىن جارامدى دارىندىلاردى زور كۇشپەن باۋلۋ كەرەك. شينجياڭ مەن بيڭتۋاننىڭ بايتاق دالاسىندا داشۋە قۇرۋدى تياناق ەتۋگە تاباندى بولىپ، بيڭتۋاننىڭ دارىندى جيناپ، دارىندى ەنگىزۋ ”كولشىگىن“ جانە ”وتكەرمەلەۋ بەكەتىن“ قۇرىپ، جوعارى ساپالى دامۋ ءۇشىن ۇزدىكسىز اقىل - پاراسات جانە كۇش - قۋات ارناۋ كەرەك.

جاۋاپتى رەداكتور: جازيرا بولاتباي قىزى