شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 10 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى: رەفورمانىڭ جۇيەلى، شوعىرلى، سايكەستى، جوعارى ءونىمدى بولۋىن كۇشەيتىپ، ءار جاقتاعى ءتۇزىمنىڭ اناعۇرلىم كەمەلدەنۋىن، اناعۇرلىم تۇلعالانۋىن ىلگەرىلەتەيىك

  • كەلۋ قاينارى: ىلە گازەتى
  • 04:22:24 11/09/2019

    

    لي كىچياڭ، ۋاڭ حۋنيڭ، حان جىڭ قاتىناستى

 

    شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 9 - ايدىڭ 9 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 10 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى ورتالىق بەلگىلەگەن ءتۇرلى رەفورما مىندەتتەرىن تياناقتاندىرۋداعى الدىڭعى مەزگىلدەگى ءتۇيىن − نەگىزدى بەكەمدەپ، تۇعىر سالۋ، تىرەۋ تۇرعىزىپ، ارقالىق جاساۋ، ورتا مەزگىلدەگى ءتۇيىن − جاپپاي ىلگەرىلەتۋ، مايەكتى قالىڭداتىپ، اۋقىم قالىپتاستىرۋ، قازىر كۇش سالۋ ءتۇيىنىن جۇيەلى دە شوعىرلى، سايكەستى دە جوعارى ءونىمدى بولۋعا قويىپ، وسى جىلداردا تۇزىلىستىك كەدەرگىلەردى، مەحانيزمدىك بوگەتتەردى شەشۋ، ساياساتتىق جاڭالىق اشۋ جاقتارىندا قول جەتكىزگەن رەفورما تابىستارىمىزدى بەكەمدەپ جانە تەرەڭدەتىپ، ءار جاقتاعى ءتۇزىمنىڭ اناعۇرلىم كەمەلدەنۋىن، اناعۇرلىم تۇلعالانۋىن ىلگەرىلەتۋ كەرەك.

    جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

    ءماجىلىس «وزىق جاساۋ كاسىبى مەن وسى زامانعى قىزمەت وتەۋ كاسىبىنىڭ تەرەڭدەي توعىسا دامۋىن ىلگەرىلەتۋ جونىندەگى اتقارۋ پىكىرىن»، «اناعۇرلىم جاقسى دامۋ ورتاسىن قالىپتاستىرىپ، حالىق باسقارۋىنداعى كاسىپورىنداردىڭ رەفورماسىن، دامۋىن قولداۋ جونىندەگى پىكىردى»، «ساۋدانىڭ جوعارى ساپالى دامۋىن ىلگەرىلەتۋ جونىندەگى جەتەكشى پىكىردى»، «ەڭبەككۇش پەن دارىندىلاردىڭ قوعامدىق جىلجۋىن ىلگەرىلەتۋ ءتۇزىلىس مەحانيزمى رەفورماسى جونىندەگى پىكىردى»، «ورتا، باستاۋىش مەكتەپ وقىتۋشىلارىنىڭ جۇگىن اناعۇرلىم جەڭىلدەتىپ، وقۋ - اعارتۋ، وقىتۋدىڭ تاماشا ورتاسىن اناعۇرلىم قالىپتاستىرۋ جونىندەگى ءبىرقانشا پىكىردى»، «ماڭىزدى اۋىل شارۋاشىلىعى ونىمدەرىمەن قامتاماسىز ەتۋ ستراتەگياسىن اتقارۋ جونىندەگى جەتەكشى پىكىردى»، «فينانس نەگىزدىك قۇرىلعىلارىن باقىلاۋ - باسقارۋ قىزمەتىن ءبىر تۇتاس جوسپارلاۋ جوباسىن»، «عىلىم - تەحنيكادا جاڭالىق اشۋدى كۇشەيتىپ، تىنىش جۇڭگو قۇرىلىسىنا دەم بەرۋ جونىندەگى پىكىردى»، «جاسىل تۇرمىس قۇرۋ ارەكەتى جالپى جوباسىن»، «مەملەكەت مەنشىگىندەگى فينانس كاپيتالى قارجىگەرلەرىنىڭ قىزمەت جاۋاپكەرشىلىگى جونىندەگى ۋاقىتشا بەلگىلەمەنى»، «سۋلياۋدىڭ لاستاۋىن جونگە سالۋدى اناعۇرلىم كۇشەيتۋ جونىندەگى پىكىردى» قاراپ ماقۇلدادى.

جاۋاپتى رەداكتور: گۇلدەن ماقسات قىزى