تاۋ قويناۋىنداعى شارلاۋ جولى

  • كەلۋ قاينارى: ىلە گازەتى
  • 04:24:02 11/09/2019

    

    ءتىلشىمىز يان ليڭ

 

    المالى شەكارا قورعانىس ليانىنا بارعان ەكەنسىڭ جاپا – ماشاقاتى كوپ داساۋپو قاراۋىلىنا سوقپاي كەتۋىڭىزگە بولمايدى. «داساۋپو قاراۋىلى انەۋ قارا تۇمسىقتى اينالعاندا» دەدى جاۋىنگەر ياڭ حىڭ بايلانىس ءبولىمىنىڭ 2 - قاباتىنداعى تەرەزەنىڭ جانىندا تۇرىپ شەتكەرىدەگى تاۋ شوقىسىن نۇسقاي سويلەپ.

    راسىندا «وسى جەر دەگەنى كوش جەر» دەگەندەي كورەر كوزگە مۇندا تۇرعانداي كورىنگەنىمەن، جۇرسەڭ تاۋسىلار ەمەس. تاۋ اراسىنداعى شارلاۋ جولىمەن اينالىپ ورلەپ كەلەمىز، ءيىر – قيىر تاۋ جولى تاۋسىلار ەمەس، جولدىڭ ەكى جاعالاۋىنداعى شالعىندى تاۋ بەتكەيىندەگى ۇلكەن جابايى ورىك اعاشىنىڭ بۇتاقتارىندا التىنداي ساپ – سارى ورىكتەر سامسىپ تۇر.

    المالى شەكارا قورعانىس ليانى جۇڭگو - قازاقستان شەكاراسىنا ورنالاسقان. اۆتوموبيل كۇدىرلى شارلاۋ جولىندا تەربەلە ىلگەرىلەپ كەلەدى، ەكى جاعىمىز بۇيراتتى ادىرلار مەن قۇبا ءتۇزدى ارالاس جەر بەدەرى، جىل بويى كۇننىڭ قاقتاپ، بوران – شاشىننىڭ جەمىرۋىمەن كەيبىر تاۋ شوقىلارى بيىكتەگى بايىرعى قالا قورعاندارىنداي كورىنەدى. قارسى الدىمىزداعى تەرەڭ اڭعاردا يرەلەڭدەپ وزەن اعىپ جاتىر، وزەننىڭ قارسى جاعى نايزاداي تىك جالاما جارتاس.

    8 ـ ايدىڭ 4 ـ كۇنى المالى شەكارا قورعانىس ليانىنا كەلگەنىمىزدە ەكى قاباتتى جاڭا عيماراتتى كورىپ، ءارى – ءسارى بولىپ تۇرعانىمدا: «مىناۋ جاڭاسى، كونە كازارما ارتىندا» دەدى المالى شەكارا قورعانىس ليانىنىڭ ورىنباسار جەتەكشىسى لي جى - يۋان. ايتىپ - ايتپاي، جاڭا عيماراتتىڭ ارتىنا اينالعان ەدىك، كونە عيماراتتىڭ توبەسىندەگى «ٴتوراعا ماۋزىدۇڭنىڭ جاۋىنگەرلەرى پارتيانىڭ سوزىنە قۇلاق اسادى» دەگەن ءبىر جول قىزىل جازۋ ويىمدى قاس قاعىمدا 20 جىلدىڭ الدىنا ءبىر – اق اپاردى.

    ول كەزدە شالعاي تاۋ قويناۋىنداعى المالىعا سۋ، توك جەتكىزىلمەگەن، قىستا اق قار قىمتانىپ جاتاتىن. سىرتپەن حابار – بايلانىس جاساعاندا سيگنال ناشار بولعاندىقتان ۇنەمى تەلەفون ءۇزىلىپ قالاتىن. وسىدان بارىپ كوماندير – جاۋىنگەرلەردىڭ قالىڭدىق تابۋى دا اياقسىز قالىپ جاتاتىن.

    لي جى - يۋان بىلاي دەدى: 2001 - جىلدان كەيىن المالى شەكارا قورعانىس ليانىنە سۋ، توك جەتكىزىلدى، كەيىن تاعى شارلاۋ تاس جولى دا سالىندى. قازىر كازارمانىڭ ىشكى - سىرتقى ٴتۇرلى وسىزاماندانعان قۇرىلعىلارى ٴوزارا ۇشتاستىرىلىپ، شەكارانى باسقارۋ - مەڭگەرۋ قابىلەتى بارىنشا جوعارىلاتىلدى.

جاۋاپتى رەداكتور: گۇلدەن ماقسات قىزى