تاۋ قويناۋىنداعى شارلاۋ جولى

  • كەلۋ قاينارى: ىلە گازەتى
  • 04:24:02 11/09/2019

    2006 - جىلى 12 – ايدا سول كەزدەگى قورعاس اۋداندىق پارتكومنىڭ شۋجيى جاڭ شىحۋاي المالى شەكارا قورعانىس ليانىنا بارىپ كوماندير - جاۋىنگەرلەردەن حال سۇراعاندا ول قاراۋىل عيماراتىندا مىندەت وتەپ جاتقان جاۋىنگەردىڭ سۇيەكتەن وتەتىن ىزعارلى سۋىقتا ەرىندەرىنىڭ جارىلىپ، ٴتىپتى، سويلەۋگە اۋزى كەلمەي قالعانىن ءوز كوزىمەن كورەدى. قايتىپ بارعاننان كەيىن اۋداندىق ۇكىمەت 180 مىڭ يۋاننان استام قارجى شىعارىپ، تۇتاس جابىق ۇلگىدەگى سۋ جاڭا جىلۋ ساقتاۋ قاراۋىل عيماراتىن سالىپ بەرىپ، المالى شەكارا قورعانىس ليانىندەگى كوماندير - جاۋىنگەرلەردىڭ مىندەت وتەۋ شارت - جاعدايىن بارىنشا جاقسارتتى.

    سايدى ورلەگەن سايىن تازا اۋا بەتتى وبەدى، ىلگەرىلەگەن سايىن باعاناعى قۇبا ءتۇز تاماشا كورىنىسكە اۋىسا بەردى، وسىلايشا بىرنەشە تاۋ ساعاسىنان اينالىپ وتكەنىمىزدە داساۋپو قاراۋىلى مەن مۇندالاپ كوزگە ءتۇستى.

    داساۋپو قاراۋىلى سايعا ورنالاسىپتى، الىستان قاراعانعا شاعىن قوبديداي كورىنەدى ەكەن، قاسىنداعى قاراۋىلحانا بەينە الىپ ساڭىراۋقۇلاقتان اۋمايدى.

    مۇنداعى كازارمادا ەدەن دەرلىك استىنان جىليتىنىن، جەر استىنان توتە تارتىلعان قۇبىر سۋىنىڭ دا بار ەكەنىن ويلاماعان ەكەنبىز.

    قاراۋىلداعى مۇزداي قارۋلانعان اسكەرلەر توڭىرەكتى قىراعىلىقپەن باقىلاپ تۇر.

    ٴبىز قاراۋىل عيماراتىنىڭ استىڭعى جاعىنان باعىمداعى قازداردى كورىپ قالعان ەدىك، اسكەر جاڭ شاۋكۇن:«مۇنى جىلاننان ساقتانۋ ٴۇشىن باعىپ وتىرمىز. المالى بيىك تاۋلى، بىتىك ورماندى بولىپ كەلەتىندىكتەن، مۇندا ۋلى جىلاندار ۇنەمى بايقالىپ قالادى. ليانىمىز كوكتەمدە 20 نەشە قاز ساتىپ العان ەدى، اۋىرىپ ولگەندەرى مەن كەزقۇيىرىق الىپ كەتكەندەرىنەن باسقا وسى ەكەۋى عانا قالدى» دەدى.

    ءبىز بارعان سوڭ قاراۋىل ورنىنىڭ شارلاۋشىلار شاعىن اترەتى الىسىراق جەرلەردى شارلاپ كەلمەكشى بولعان سوڭ، ءبىز دە ىلەسە جۇردىك.

    تاۋ جولى بارعان سايىن بۇرالاڭ دا، قاتەرلى بولا ٴتۇستى. تاۋداعى ءيت تۇمسىعى وتپەيتىن قالىڭ ورمانداعى قاراعايلاردىڭ كولدەنەڭدەي جىعىلىپ جاتقاندارى دا كەزدەسەدى. قارسىمىزداعى جارتاستىڭ ءور جاعىندا قازاقستاننىڭ شارلاۋشىلار تاس جولى يرەلەڭدەپ بارىپ شاتقالعا سۇعىنىپ كوزدەن عايىپ بولدى.

    ياڭ حىڭ: «داساۋپو قاراۋلىن جاپالى دەۋگە دە بولمايدى، حى - يۋان قاراۋىلى بىزدەن الدە قايدا جاپالى» دەدى.

    ياڭ حىڭ بيىل 23 جاستا، شانشي ولكەسىنىڭ ۋينانىنان كەلگەن. 2018 ـ جىلى 6 ـ ايدا ياڭ حىڭ 15 ادامدىق شاعىن بولىمشە اترەتتى باستاپ حى - يۋانعا بارعاندا، تۇستەن بۇرىن كولىكپەن جولعا شىعىپ، قاس قارايعاندا زورعا جەتكەن.

جاۋاپتى رەداكتور: گۇلدەن ماقسات قىزى