تاۋ قويناۋىنداعى شارلاۋ جولى

  • كەلۋ قاينارى: ىلە گازەتى
  • 04:24:02 11/09/2019

    حى - يۋان قاراۋىلىنىڭ تەڭىز دەڭگەيىنەن ورتاشا بيىكتىگى 3 مىڭ 500 مەتر، اۋا رايى قۇبىلمالى، كۇندىز بەن ٴتۇننىڭ تەمپەراتۋرا پارقى زور، ٴار جىلى 6 – ايدا بارىپ 9 – ايدا قايتىپ كەلەدى، باسقا ۋاقىتتا بارىپ – كەلۋ دە، ادام تۇرۋ دا مۇمكىن ەمەس.

    بۇل جەردى زاتپەن قالىپتى قامتاماسىز ەتۋ قيىن، ەلەكتر، وتىن – سۋ جوق، جاڭا كوكونىستەر تاپشى، تەك كارتوپ، پياز، تەڭىز قۇراعى جانە كونسەرۆا عانا جەۋگە بولادى، ۆيتامين جەتىسپەگەندىكتەن، جاۋىنگەرلەردىڭ ەرىندەرى جارىلىپ كەتەدى. حى - يۋان شەكارا قورعانىس لەنياسىن جاياۋ شارلاعاندا، قاسقىردىڭ ۇلىعانى ۇنەمى ەستىلەدى، ۋلى جىلان دا ۇشىراسىپ قالادى ەكەن.

    كەنەتتەن، سارىلداعان داۋىس ەستىلدى. ءبىر مۇيىستەن اينالا بەرە، ۇلكەن قىراتتىڭ استىندا سايداعى جولدى كولدەنەڭدەپ كەسىپ وتكەن ۇلكەن وزەن الدىمىزدى توسىپ جاتىر، بۇل ٴبىرىنشى شارلاۋ ورىنى ەكەن.

    جاۋىنگەر جوۋ تايحۇڭ بىلاي دەدى:«بۇرىن شارلاۋ اۆتوموبيلىمەن ٴبىرىنشى شارلاۋ تۇيىنىنەن ٴۇشىنشى شارلاۋ تۇيىنىنە دەيىن بارۋعا بولاتىن، ٴبىراق الدىڭعى ٴبىر مەزگىلدە سەل ٴجۇرىپ جولدى بۇزىپ كەتتى، شۇعىل جوندەگەنمەن، بۇل جولمەن قازىر تەك جاياۋ ادام ارەڭ جۇرەدى، اۆتوكولىكپەن ءجۇرۋ مۇمكىن ەمەس».

    جول بولماعاسىن جاۋىنگەرلەر ەرىكسىز سۋدى كەشىپ وتەدى، جىلتىر تاستاردان اياعى تايىپ جىعىلىپ، مۇزداي سۋىق تولقىنعا توعىتىلاتىن كەزدەرى بولادى.

    المالى قاراۋىلىنداعى كۇندەر ءبىر سىدىرعى وتكەنىمەن، ٴبىراق شەكارا قورعانىس وفيتسەر – جاۋىنگەرلەرى بۇل ارادان ايرىلعاننان كەيىن، بۇل ارا ولاردىڭ كۇندىز ەسىنەن، تۇندە تۇسىنەن كەتپەيتىنى تاعى بار.

    گاۋ شىڭلۋ - المالى شەكارا قورعانىس ليانىندە العاش رەت مىندەت وتەگەن ساقا بانجاڭ بولاتىن، كەيىن سالماقتى ناۋقاسقا شالدىعادى، عۇمىرىنىڭ ۇزاققا بارمايتىنىن بىلگەن ول اقتىق رەت بايىرعى لياندى ءبىر كورۋدى ارماندايدى. سونىمەن ول المالى شەكارا قورعانىس ليانىنىڭ كازارماسىن، قاراۋىل ورىندارى مەن شارلاۋ جولىن ابدەن ارالاعان سوڭ، ٴبىر اپتاعا جەتپەي قايتىس بولادى.

    جاڭ ليانجياڭ قوسىننان قايتقاننان كەيىن المالىدان ءبىر جولا كەتە الماي، سوندا ءۇيلى - باراندى بولىپ، شەكارا كۇزەتشىسى سالاۋاتىمەن بۇل ارانى تابانى كۇرەكتەي 20 نەشە جىل كۇزەتسە؛ المالىدا 12 جىل مىندەت وتەگەن جاڭ شاۋكۇن ٴار جولى شي ـ انداعى اتا مەكەنىنە تۋىسشىلاي بارعاندا، بىرنەشە كۇن تۇراقتاپ تۇرماستان، اسىعىس ـ ۇسىگىس قايتا ورالاتىن.

    ءبىز نەشە ۇرپاق جالعاسقان شەكارا قورعانىس وفيتسەر – جاۋىنگەرلەرى وسى شارلاۋ جولىمەن ۇزدىكسىز ءجۇرىپ، ٴبىزدى قورعاپ كەلگەندىكتەن، ءبىزدىڭ تىنىش تا، باقىتتى تۇرمىسىمىز بولعانىن ۇمىتپاۋىمىز كەرەك.

جاۋاپتى رەداكتور: گۇلدەن ماقسات قىزى