پارتيانىڭ قامقورلىعى مەن مەيىرىن بۇقارانىڭ كوڭىلىنە ۇيالاتتى

  • كەلۋ قاينارى: شينجياڭ گازەتى تورابى
  • 10:07:11 11/09/2019

 

   − رايونىمىزدىڭ تاراۋلارى، ورىندارى نەگىزگى تاقىرىپتىق تاربيەنى قوزعاۋشى كۇش ەتىپ حالىق تۇرمىسىنداعى ناقتى ىستەردى زور كۇشپەن جاقسى ىستەدى

  ءتىلشىمىز جاۋ چۇنحۋا

 

    نەگىزگى تاقىرىپتىق تاربيەدە، اۆتونوميالى رايوندا 1 - توپتاعى نەگىزگى تاقىرىپتىق تاربيەگە قاتىناسقان تاراۋلار، ورىندار بۇقارالىق كوزقاراس پەن بۇقارالىق لۋشياندى يدەياعا تەرەڭ تامىر تارتتىرىپ، ارەكەتتە تياناقتاندىرىپ، حالىق بۇقاراسى جالپى بەتتىك نازار اۋدارىپ وتىرعان كورنەكتى ماسەلەلەردى ءدال كوزدەپ، ناقتى شارا ويلاستىرىپ، شىنداپ كىرىسىپ، كەدەيلىكتەن ارىلتۋدان قامال الۋ، وڭتۇستىك شينجياڭنىڭ 4 ايماق - وبلىسىنىڭ اۋىل - قىستاقتارىنداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋ، وكپە تۋبەركۋلەز اۋرۋىنىڭ الدىن الۋ جانە ونى ەمدەۋ سياقتى حالىق تۇرمىسىنداعى ناقتى ىستەردى زور كۇشپەن ويداعىداي شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.

    ■ كەدەيلىكتەن ارىلتۋدان قامال الۋدا قيىن ماسەلەلەردى شەشۋگە باتىل بولدى

    نەگىزگى تاقىرىپتىق تاربيە ورىستەتىلگەننەن بەرى، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنا مۇشە ورىندار اۋەلگى ماقساتتى، بورىشتى توڭىرەكتەي وتىرىپ، كەدەيلىكتەن ارىلتۋدان قامال الۋدى حالىق ءۇشىن ناقتى ىستەر تىندىرۋداعى ەڭ كوكەي تەستى، ەڭ رەال كەلەلى ساياسي مىندەت ەتىپ، ءبىر جاعىنان، كەدەيلىكتەن ارىلتۋدى يگەرىپ، ەندى ءبىر جاعىنان، قايتا كەدەيلەسۋدىڭ الدىن الدى. اۋىر كەدەي وڭىرلەردىڭ بەت - بەينەسىن ۇزدىكسىز جاقسارتىپ، ءار ۇلت بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتتى.

    شۇمەكتى اشىپ ەدى، ءموپ - ءمولدىر قۇبىر سۋى سارقىراپ اقتى، تاشقورعان تاجىك اۆتونوميالى اۋدانى تاعارما اۋىلى بەعاۋىل قىستاعىنىڭ تۇرعىنى سۇلانچى كۇلپىشتىڭ جۇزىنەن باقىت كۇلكىسى ەستى، ”بۇرىن ءبىزدىڭ بۇل جەردىڭ سۋ ساپاسى ناشار بولاتىن، قازىر تاپ - تازا قۇبىر سۋى ۇيلەرىمىزگە كەلدى، اۋىلداستار قاتتى قۋاندى!“.

    نەگىزگى تاقىرىپتىق تاربيە ورىستەتىلگەننەن بەرى، اۆتونوميالى رايوندىق سۋ يگىلىگى مەڭگەرمەسى نازاردى اۋىز سۋ حاۋىپسىزدىگى ماسەلەسى ەڭ كورنەكتى 22 اۋىر كەدەي اۋدانعا شوعىرلاندىرىپ، قيىن ماسەلەلەردى شەشۋگە كۇش سالدى. بيىل 22 اۋىر كەدەي اۋداننىڭ 116 ينجەنەرياسىنا جيىنى 3 ميلليارد 320 ميلليون يۋان قارجى ءبولىنىپ، 210 مىڭ كەدەي جان سانىنىڭ اۋىز سۋ حاۋىپسىزدىگى ماسەلەسى شەشىلدى. مەجەمەن 10 - ايدىڭ اياعىندا 116 ينجەنەريا تۇگەلدەي جۇمىسىن اياقتاتىپ، 261 مىڭ 500 كەدەي جان سانىنىڭ اۋىز سۋ حاۋىپسىزدىگى ماسەلەسى جاپپاي شەشىلەدى.

جاۋاپتى رەداكتور: گۇلدەن ماقسات قىزى