ارنايى بۇيىرتىپ تىكتىرگەن ءماندى دە ءساندى باسكەتبول كيىمى

  • كەلۋ قاينارى: ىلە گازەتى
  • 03:35:14 12/09/2019

   

 2019 – جىلعى الەمدىك باسكەتبول ساۋىتىنا تالاسۋ ازىرلىك جارىسى اياقتاعان سوڭ، جۇڭگو ەرلەر باسكەتبول كومانداسى 8 – ايدىڭ 26 – كۇنى بەيجيڭگە قايتىپ كەلدى. ەرلەر باسكەتبول كومانداسىنىڭ جاتتىعۋ سارايىندا جۇڭگو باسكەتبول قوعامىنىڭ ٴتوراعاسى ياۋ ميڭ كوماندا وتكىزگەن ساپارعا شىعۋ سالتىندا ەستەلىك مانىنە يە «ساپار ساۋعاسى» بولعان جەكەلەي بۇيىرتىپ تىكتىرگەن دوپ كيىمىن كوماندا مۇشەلەرىنە تاراتىپ بەردى.

    بۇل ساۋعانىڭ ىشىندە ەڭ ماڭىزدىسى سىرت كيىم مەن كوماندالىق كيىم. ونىڭ ادەتتەگى ۇلگىدەگى كيىمدەرگە ۇقسامايتىن جەرى وعان كوپتەگەن جۇلدىزدار كەستەلەنگەن بولاتىن. بۇل - 2017 – جىلدان باستاپ جۇڭگو باسكەتبول قوعامىنىڭ جۇڭگو باسكەتبول كومانداسىنا ارناعان داڭق ساۋعاسى ەدى. ٴاربىر ۇلكەن جۇلدىز جۇڭگو ەرلەر باسكەتبول كومانداسىنىڭ ٴبىر رەتكى وليمپيادا سپورت جارىسىنا نەمەسە دۇنيە جۇزىلىك جۇلدەلى جارىسقا (دۇنيە جۇزىلىك فۋتبول ساۋىتىنا تالاسۋ جارىسىنا) قاتىناسقانىنا؛ ٴاربىر كىشى جۇلدىز ٴبىر رەتكى ازيا سپورت جارىسىنا نەمەسە ازيا جۇلدەسىنە تالاسۋ جارىسىنا (ازيا لوڭقاسىنا تالاسۋ جارىسىنا) قاتىناسقانىنا ۋاكىلدىك ەتەدى. سوندىقتان ٴاربىر جۇلدىز ٴاربىر دوپشىنىڭ جۇڭگو ەرلەر باسكەتبول كومانداسىنداعى ساپارىنا ۋاكىلدىك ەتەدى.

    بيىل وسى داڭق جۇيەسىنىڭ «دارەجەسى ءوسىرىلدى»، سالىستىرىپ كورسەڭىز بۇرىنعى جۇلدىز سىرت كيىمگە عانا باسىلعان بولسا، بۇل جولى دوپشىلاردىڭ رەسمي جارىسقا قاتىناسۋ كيمىنە باسىلعان، بۇل دۇنيە جۇزىلىك فۋتبول ساۋىتىنا تالاسۋ جارىسىنداعى ۇيىمدىق جاۋاپكەرلىك پەن بورىشتان تىس، جۇڭگو ەرلەر باسكەتبول كومانداسىنىڭ ٴاربىر مۇشەسى جارىسقا ءوز بەدەلىمەن قاتىناساتىندىعىنان دەرەك بەرەدى.

    «ساپار ساۋعاسىنىڭ» ىشىندە كيمنەن باسقا تاعى سىرتىنا كوماندا مۇشەسىنىڭ اتى – ءجونى مەن ۇلكەن جارىسقا قاتىناسقاندىعىن سيمۆولدايتىن جۇلدىز بەلگىسى تۇسىرىلگەن داڭق ەستەلىك لوڭقاسى، كوماندا مۇشەسىنىڭ ەسىمى تۇسىرىلگەن بارماق دەسكى دە بار.

جاۋاپتى رەداكتور: جازيرا بولاتباي قىزى