ىلە وبلىسىنا توتە قاراستى ورىندارداعى بارشا وقىتۋشىلارعا حات

  • كەلۋ قاينارى: ىلە گازەتى
  • 04:38:13 12/09/2019

 

    بارشا وقىتۋشى، وقۋ – اعارتۋ قىزمەتكەرلەرى جانە دەمالىسقا، زەينەتكە شىققان وقىتۋشىلارمەن قىزمەتكەرلەر:

    35 – رەتكى وقىتۋشىلار مەرەكەسى قارساڭىندا ىلە وبلىستىق پارتكوم، حالىق ۇكىمەتى تۇتاس وبلىستاعى بارشا وقىتۋشىلارعا، وقۋ – اعارتۋ قىزمەتكەرلەرىنە جانە دەمالىسقا، زەينەتكە شىققان وقىتۋشىلارمەن قىزمەتكەرلەرگە وسكەلەڭ قۇرمەت ءبىلدىردى جانە مەرەكەلىك سالەم جٶلدادى!

    ۇزاق ۋاقىتتان بەرى وبلىسقا توتە قاراستى ورىندارداعى بارشا وقىتۋشىلار مەن وقۋ – اعارتۋ قىزمەتكەرلەرى اۋەلگى ماقساتتى، بورىشتى ەستە بەرىك ساقتاپ، مىنبەدە تاباندىلىقپەن ساباق ءوتىپ، ءمورال ارقىلى ادام تاربيەلەپ، ءبىلىم بەرىپ ادام باۋلىپ، اتاق - مۇددەگە بوي ۇرماي، جاپالى ەڭبەكتەنىپ، ىلەنىڭ وقۋ – اعارتۋ ىستەرى مەن رەفورما، دامۋى ءۇشىن كورنەكتى ۇلەس قوستى. قانشالاعان كۇندى قاربالاس، قانشالاعان ءتۇندى ۇيقىسىز وتكىزىپ، جۇرەك قانىن جٷمساپ، وقىتۋ جوباسىن قۇنتتاپ جاساپ، تاپسىرما تەكسەرىپ، شىنايى سۇيىسپەنشىلىگى، ءبىلىمى جانە اقىل – پاراساتى ارقىلى بالالاردىڭ جٷرەگىنە ءبىلىمنىڭ شامىن جاعىپ، ولاردى اقاۋسىز ءوسىپ – جەتىلۋگە باستادى؛ قانشالاعان قاقاعان اياز، شىلىڭگىر ىستىققا قاراماستان ۇلەس قوسىپ، ءوز بالالارىنا قاراۋعادا مۇرساسى تيمەي، ءوز اكە – شەشەلەرىنە قارايلاسا الماي، ىلەنىڭ ەكونوميكا، قوعامدىق دامۋى ءۇشىن ءورتىس ۇزدىك دارىندىلاردى تاربيەلەدى. سىزدەر «ادام جانىنىڭ ينجەنەرى» دەگەن داڭقتى اتقا، «ءبىلىم بەرىپ ادام تاربيەلەيتىن ۇستاز» دەگەن وسكەلەڭ قۇرمەتكە شىنايى لايىقسىزدار.

    كەزەكتە وبلىس بويىنشا جوعارىدان – تومەنگە دەيىن قوعام ورنىقتىلىعى مەن باياندى تىنىشتىق جاڭا جاعدايىن جاراتىپ، «جەر ۇيىعى» - جاڭا ىلە قۇرۋ نىساناسىن بەتكە الا ەرلىكپەن العا ىلگەرىلەۋدە. ءار ۇلت حالقىنىڭ «ىلە ارمانىن» جۇزەگە اسىرۋدا، بارشا وقىتۋشىلار مەن وقۋ – اعارتۋ قىزمەتكەرلەرىنىڭ جاۋاپكەرلىگى اۋىر، بۇل باس تارتۋعا بولمايتىن بورىش. سىزدەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، ءمورال ارقىلى ادام تاربيەلەۋ، ءبىلىم بەرىپ ادام باۋلۋ سىندى قاسيەتتى جاۋاپكەرلىكتى باتىل ارقالاپ، كوكىرەك تولى سۇيىسپەنشىلىكپەن ىلەنىڭ وقۋ – اعارتۋ ىستەرى ءۇشىن ەسەلى ۇلەس قوسۋلارىڭىزدى؛ ساياسي باعىتتان جازباي، ءبىلىم بەرۋ، يدەيانى ءسىڭىرۋ، اقيقاتتى دارىپتەۋ جانە رۋحتى سەرپىلتۋ، ءومىردى ارلەندىرۋ، جاڭا ادام سومداۋ قىزمەتىن شىن پەيىل، ناعىز سۇيىسپەنشىلىكپەن ويداعىداي اتقارىپ، وقۋشىلارعا جان – جاقتى ءبىلىم بەرەتىن دارىندى وقىتۋشى بولۋمەن بىرگە، ءمورالدى، احلاقتى، ساپالى شاكىرت تاربيەلەيتىن ۇلاعاتتى ۇستاز بولىپ، وقۋشىلاردىڭ ومىردەگى تۇڭعىش قادامىن ءساتتى باسۋىنا جەتەكشىلىك ەتۋلەرىڭىزدى؛ تاماشا وقىتۋشىلىق مورالمەن ستيلدى قالىپتاستىرىپ، سوتسياليستىك وزەكتى قۇن كوزقاراسىن امالياتتا ايگىلەۋدىڭ ۇلگىسى بولىپ، رۋحاني مەكەندى، ءمورالدىڭ جوعارى شەگىن باتىل ساقتاپ، وزگەلەرگە ونەگە، ۇلگى بولىپ، ىزگى ءىس – ارەكەتتەرىڭىز ارقىلى وقۋشىلارعا اسەر ەتۋلەرىڭىزدى جانە ولاردى جەتەكتەۋلەرىڭىزدى؛ «ۇلتتار ىنتىماعىنىڭ بەرەكەلى شاڭىراعى»، « ۇشكە بارۋ، ەكىمەن بايلانىس ورناتۋ، بىرمەن دوستاسۋ» قيمىلىن تياناقتى ورىستەتىپ، ءار ۇلت وقۋشىلارىنىڭ قارشادايىنان بىرگە ۇيرەنىپ، بىرگە ويناپ، بىرگە ەرجەتۋىنە مۇمكىندىك جاراتىپ، ولاردىڭ كوكەيىنە جٷڭحۋا ۇلتتارى ءبىر ءۇيلى جاندارداي ەتەنە دەگەن يدەيالىق تانىمدى تەرەڭ ۇيالاتۋلارىڭىزدى؛ جاڭا جاعدايدىڭ جاڭا قاجەتىنە بەلسەنە سايكەسىپ، ۇزدىكسىز ۇيرەنىپ، ساپانى جوعارىلاتىپ، وقۋشىلاردىڭ ءوسىپ – جەتىلۋىنە كومەكتەسەتىن، اتا – انالاردى ريزا ەتەتىن، حالىقتى الاڭسىز ەتەتىن «تورتتە جاقسى» تاڭداۋلى وقىتۋشى بولىپ، وقۋشىلاردىڭ ارمانى، ىلەنىڭ ەرتەڭى، ۇلتتىڭ بولاشاعى جانە وتاننىڭ ءۇمىتى ءۇشىن شىنداپ ىسكە كىرىسۋلەرىڭىزدى ءۇمىت ەتەمىز.

جاۋاپتى رەداكتور: گۇلدەن ماقسات قىزى