بالالاردىڭ ءوسىپ - جەتىلۋىن شىنايى ادالدىق جانە سۇيىسپەنشىلىكپەن قورعايىق

  • كەلۋ قاينارى: ىلە گازەتى
  • 04:40:41 12/09/2019

  

    __ قۇلجا اۋدانى اراوستەڭ قالاشىعى ارا ءمالى باستاۋىش مەكتەبىنىڭ وقىتۋشىسى حوۋ سايحۇڭ تۋرالى

    گو جۇن (ءوز ءتىلشىمىز)

 

    «ٴاربىر وقۋشىنى ساباقحانادا ءبىلىم نارىنەن سۋسىنداتۋ» ــ ونىڭ كاسىپتىك تالپىنىسىنداعى نىساناسى، ال «ءبىلىمدىنى ۇستاز، بىلىكتىنى ونەگە ەتۋ» ــ ونىڭ مىزعىماس شارتى. مىنە بۇل قۇلجا اۋدانى اراوستەڭ قالاشىعى ارا ءمالى باستاۋىش مەكتەبىنىڭ وقىتۋشىسى، حوۋ سايحۇڭ، وقىتۋشىلىقپەن شۇعىلدانعان 22 جىلدان بەرى ول وقۋشىلارعا جۇرەك تۇكپىرىنەن ورىن بەرىپ، تۇلەكتەردىڭ ەڭ سەنىمدى ۇستازىنا اينالدى.

    مەيىرىمدىلىك

    9 - ايدىڭ 2 - كۇنى تۇستەن كەيىن ساباقتان تۇسكەن سوڭ، حوۋ سايحۇڭ وقىتۋ جوباسىن رەتتەپ الدى دا قىستاق كوشەسىن بەتكە الىپ ءجۇرىپ كەتتى. «جاڭا وقۋ ماۋسىمى ەندى عانا باستالدى، مەن وقۋشىلاردىڭ دەمالىس كەزىندەگى تۇرمىس ادەتىن يەلەۋدەن سىرت، اتا ـ انالارعا جاڭا وقۋ ماۋسىمىنداعى كەيبىر تالاپتاردى قۇلاققاعىس ەتىپ، اتا ـ انا جانە وقىتۋشىلار ورتاق قۇلشىنىپ، بالالاردىڭ جاڭا وقۋ ماۋسىمىنداعى ۇيرەنۋىن قامتاماسىزداندىرۋعا مۇمكىندىك جاراتۋىمىز كەرەك» دەدى حوۋ سايحۇڭ.ءۇش كوشەدەن ءوتىپ بارىپ حوۋ سايحۇڭ قىزىل ءتۇستى ۇلكەن قاقپانى قاقتى. «سالەمەتسىز بە ءسۇبينۇردىڭ شەشەسى، مەن بالاڭىزدىڭ دەمالىس كەزىندەگى جاعدايىن ۇعىسۋمەن بىرگە، ءسىزدىڭ وقىتۋ، تاربيەلەۋ قىزمەتىمە، قانداي تالابىڭىز نەمەسە قۇندى ۇسىنىس – پىكىرىڭىز بارەكەنىن بىلەيىن دەپ ەدىم» دەپ، سۇبينۇر جامالدىننىڭ ءۇيىنىڭ تابالدىرىعىنان اتتاعان حوۋ سايحۇڭ وقۋشىسىنىڭ شەشەسىمەن ونىڭ ۇيرەنۋ جانە كۇندەلىكتى تۇرمىسى جونىندە شۇيىركەلەسىپ كەتتى.

    جارىم ساعاتتان كەيىن حوۋ سايحۇڭ وقۋشىسى ما جياننىڭ ۇيىنە كىردى. «حوۋ مۇعالىم ءار جىلى جازدىق جانە قىستىق دەمالىستا ۇيىمىزگە كەلىپ جاعداي يەلەپ، بالامىزدىڭ مەكتەپتەگى ۇيرەنۋى، ساباقتاستارىمەن بولعان ىنتىماعى، كلاستاعى بەينەسى سياقتى جاعدايلارىن جەتكىزىپ تۇرادى. كوپ جىلدان بەرى، ءبىز اتا – انالار حوۋ مۇعالىمدى قۇنىتتى جاۋاپكەرلىگى كۇشتى تاماشا مۇعالىم دەپ القاپ كەلەمىز، قازىر بالام ۇيرەنۋدە كلاس بويىنشا الدىڭعى 3 – ورىندا كەلەدى. حوۋ مۇعالىمنىڭ 6 جىلدان بەرى بالاما دەگەن قامقورلىعى مەن مەيىرىمدىلىگىنە العىسىم شەكىسىز» دەدى ما جياننىڭ شەشەسى ما لانيڭ.

جاۋاپتى رەداكتور: گۇلدەن ماقسات قىزى