رايونىمىز كەدەيلەردى باسقا جەرگە كوشىرىپ سۇيەمەلدەۋدە كەزەڭدىك تابىسقا قول جەتكىزدى

  • كەلۋ قاينارى: شينجياڭ گازەتى تورابى
  • 09:46:38 13/09/2019

 

    159 مىڭ 100 ادام وسى ايدىڭ سوڭىنان بۇرىن تۇگەل كوشىرىلىپ بولادى

 

    ءتىلشىمىز ۋاڭ يۇڭفي 9 - ايدىڭ 11 - كۇنى ۇرىمجىدەن حابارلايدى. ”9 - ايدىڭ 30 - كۇنىنەن بۇرىن، رايونىمىز ’13 - بەسجىلدىق‘تا 159 مىڭ 100 ادامدى باسقا جەرگە كوشىرىپ سۇيەمەلدەۋ مىندەتىن تۇگەل ورىنداپ بولادى، باسقا جەرگە كوشىرىلگەن وسى وتباسىلارى جاڭا قونىستارىندا تۇتاس ەلدەگى حالىقپەن بىرگە تەلەۆيزور ارقىلى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىن كورەدى“، - دەدى 9 - ايدىڭ 11 - كۇنى اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى گو ۋىن - ي اۆتونوميالى رايوننىڭ كەدەيلەردى باسقا جەرگە كوشىرىپ سۇيەمەلدەۋ قىزمەتىنىڭ ىلگەرىلەتىلۋ جاعدايى جونىندەگى اقپار جاريالاۋ ماجىلىسىندە.

    گو ۋىن - ي بىلاي دەپ تانىستىردى: اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ جالپى جوباسىن دايەكتىلەندىرىپ، تياناقتاندىرىپ، ”جەتى ءبىر توپ“ كەدەيلەردى سۇيەمەلدەۋدەن قامال الۋ شاراسىن اتقارىپ، ”ءۇش سەرپىندى ارتتىرۋ“دى ىلگەرىلەتىپ، جاڭا مەزگىلدەگى كەدەيلەردى باسقا جەرگە كوشىرىپ سۇيەمەلدەۋدى جالپى بەتتىك ورنالاستىرىپ، كەدەيلەردى باسقا جەرگە كوشىرىپ سۇيەمەلدەۋدى ”ءبىر ءوڭىردىڭ جەر - سۋى سول ءوڭىردىڭ حالقىن اسىراي المايتىن“ وڭىردەگى كەدەي بۇقارانى كەدەيلىكتەن ارىلتۋ ماسەلەسىن شەشۋدىڭ ەڭ ۇتىمدى جولى ەتىپ، نازاردى اۋىر كەدەي وڭىرلەرگە شوعىرلاندىرىپ، ۇيىمدىق قامتاماسىزداندىرۋدى كۇشەيتىپ، ساياسات - شارالاردى ۇزدىكسىز كەمەلدەندىرىپ، كەدەيلەردى باسقا جەرگە كوشىرىپ سۇيەمەلدەۋ قىزمەتىن تىڭعىلىقتى ىلگەرىلەتىپ، كەزەڭدىك ونىمدىلىككە قول جەتكىزدى.

    ساندى مالىمەتتە كورسەتىلۋىنشە، 2016 - جىلدان 2018 - جىلعا دەيىن، تۇتاس شينجياڭدا 35 مىڭ 745 وتباسىنداعى 140 مىڭ ادام تۇگەلدەي جاڭا قونىسقا كوشىپ كىردى. 2019 - جىلى مەملەكەت رايونىمىزعا ارحيۆ تۇرعىزىپ، كارتچكالانعان كەدەيلەردەن 4380 وتباسىنداعى 19 مىڭ 117 ادامدى كوشىرۋ مىندەتىن ءتۇسىردى، 3 ايماق، وبلىستاعى 7 اۋداندى (قالا) قامتىعان 4380 تۇرعىن ءۇي تۇگەلدەي سالىنىپ بولدى.

    رايونىمىز قىستاق جاعدايىنا قاراي، وتباسى جاعدايىنا قاراي، ادام جاعدايىنا قاراي شارا اتقارۋعا تاباندى بولىپ، كوشىرىلگەن بۇقارانىڭ كەدەيلەسۋ سەبەبىنە نەگىزدەلە وتىرىپ، وزىندىك ەرەكشەلىكتەگى ەگىن، مال شارۋاشىلىعىن، ەڭبەككۇش شوعىرلانعان كاسىپ سالاسىن، ەڭبەككۇشتەردى باسقا سالاعا ويىستىرىپ جۇمىستاندىرۋ، سوڭعى كاسىپ سالاسى ارقىلى كومەكتەسۋ - سۇيەمەلدەۋدى دامىتۋ سياقتى تاسىلدەر ارقىلى سوڭعى كاسىپ سالاسىنىڭ دامۋىن جانە جۇمىستانىپ كىرىستى ارتتىرۋىن قولدادى.

جاۋاپتى رەداكتور: گۇلدەن ماقسات قىزى