جاڭالىق اشۋدى جەتەكشى ەتىپ، قۇرىلىس اترەتى باستاماشى كاسىپورىنعا اينالدى

  • كەلۋ قاينارى: شينجياڭ گازەتى تورابى
  • 10:26:58 15/09/2019

  

    − شينجياڭ قاتىناس قۇرىلىسى توبى شەكتى جارنا سەرىكتەستىگى تۋرالى

    ءتىلشىمىز شى شين پراكتيكانت جيا فاڭ

 

    مينۋت - سەكۋندپەن تالاسىپ، قايراتتانا ۇمتىلايىق!

    قازىر ليانيۇنگاڭ - قورعاس جوعارى قارقىندى تاس جولىنىڭ (G30) شينجياڭ شەكاراسى ىشىندەگى ۇرىمجىدەن كۇيتۇنگە دەيىنگى بولىگىن وزگەرتىپ كەڭەيتىپ سالۋ نىسان قۇرىلىسى كولىك قاتىناۋدىڭ ”ۋاقىتتى كەرى شەگىندىرىپ ساناۋ كەزەڭى“نە ءوتتى. شينجياڭ قاتىناس قۇرىلىسى توبى شەكتى جارنا سەرىكتەستىگى ۇستىنە الىپ جۇرگىزگەن نىساننىڭ 1 - بولىگىنىڭ بارلىق جەرىندە قۇرىلىس قاۋىرت جۇرگىزىلىپ جاتتى.

    شينجياڭ قاتىناس قۇرىلىسى توبىنىڭ توركىنى اۆتونوميالى رايوندىق قاتىناس - تاسىمال مەڭگەرمەسىنە بۇرىن قاراستى بولعان 1 - دارەجەلى تاس جول باسقارۋ باسقارماسى ماشينالاسقان قۇرىلىس جۇرگىزۋ ۇلكەن اترەتىنەن قۇرىلىم جاڭالاپ قۇرىلعان بەيفاڭ قۇرىلىس باسقارماسى. 20 جىلدان بەرى، جوعارى قارقىندى تاس جول قۇرىلىس اترەتىنەن بىرتىندەپ شينجياڭنىڭ قاتىناس نەگىزدىك قۇرىلعى قۇرىلىسى سالاسىنداعى باستاماشى كاسىپورىن بولىپ جەتىلىپ شىقتى، ىلگەرىندى - كەيىندى 20 نەشە ءتۇرلى تەحنيكالىق پاتەنت، 9 ءتۇرلى مەملەكەت جانە ولكە - مينيسترلىك دارەجەلى عىلىم - تەحنيكا العاباسارلىعى سيلىعىن الىپ، 10 نەشە ءتۇرلى كاسىپ سالاسى ولشەمىن جانە جەرگىلىكتى ورىن ولشەمىن، 30 نەشە ءتۇرلى مەملەكەت جانە ولكە - مينيسترلىك دارەجەلى قۇرىلىس جۇرگىزۋ ادىستەرىن بەلگىلەۋگە قاتىناستى.

    ■ ساپا ارقىلى اتىن ايگىلەدى

    9 - ايدىڭ 11 - كۇنى G30 ءۇرىمجى - كۇيتۇن بولىگىن وزگەرتىپ كەڭەيتىپ سالۋ نىسانىنىڭ 1 - بولىگىندەگى قۇرىلىس الاڭىندا جۇمىس قاۋىرت، ءتارتىپتى جۇرىلۋدە. ماتەريال الاڭىندا جوعارى قىسىممەن شاڭ - توزاڭنان ساقتانۋ بۋ بۇرىككىش ماشيناسى ۇزبەي بۋ بۇركىپ، جۇك تيەۋدەن شاڭ قاپتاۋىنىڭ الدىن الىپ تۇر؛ جۇمىس الاڭىندا جۇمىسشىلار سۇيىقتىق قىسىمدى الماس ارقان ارامەن بولات شىبىقتى بەتوندى كەسىپ جاتىر.

جاۋاپتى رەداكتور: گۇلدەن ماقسات قىزى