اۆتونوميالى رايون رايونعا قاراستى جوعارى مەكتەپ پارتكومدارىنىڭ نەگىزگى تاقىرىپتىق تاربيەدە تۇلعالىق جاۋاپكەرشىلىكتى اتقارۋى جونىندە اڭگىمە ءماجىلىس اشتى

  • كەلۋ قاينارى: شينجياڭ گازەتى تورابى
  • 09:25:47 16/09/2019

  

    ءتىلشىمىز لي ياڭ 9 - ايدىڭ 14 - كۇنى ۇرىمجىدەن حابارلايدى. 9 - ايدىڭ 13 - كۇنى اۆتونوميالى رايون رايونعا قاراستى جوعارى مەكتەپ پارتكومدارىنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە تۇلعالىق جاۋاپكەرشىلىكتى اتقارۋى جونىندە اڭگىمە ءماجىلىس اشتى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ءماجىلىستى باسقاردى ءارى ءسوز سويلەدى، ول شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ”اۋەلگى ماقساتتى ۇمىتپاۋ، بورىشى ەستە بەرىك ساقتاۋ“ نەگىزگى تاقىرىپتىق تاربيەسى جونىندەگى ءبىر قىدىرۋ ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا تۇلعالىق جاۋاپكەرشىلىكتى تياناقتاندىرىپ، دەن قويا جوسپارلاپ، ورنالاستىرىپ، جوعارى مەكتەپتەردىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە ناقتى ونىمدىلىكتەرگە قول جەتكىزۋىن تىڭعىلىقتى ىلگەرىلەتۋدى باسا دارىپتەدى.

    ءماجىلىس مىنالاردى اتاپ كورسەتتى: بۇكىل رايونداعى ءار دارەجەلى، ءار ءتۇرلى مەكتەپتەردە، اسىرەسە ، جوعارى مەكتەپتەردە نەگىزگى تاقىرىپتىق تاربيەنى ويداعىداي ورىستەتۋ پارتيانىڭ جاسامپاز نازارياسىمەن ءار ۇلت كادرلارىنىڭ، وقىتۋشىلارىنىڭ، وقۋشىلارىنىڭ وي - ساناسىن قارۋلاندىرۋعا قاتىستى، دۇرىس مەكتەپ باسقارۋ بەتالىسىنا تاباندى بولۋعا قاتىستى، پارتيانىڭ وقۋ - اعارتۋ ىستەرىنە جاپپاي باسشىلىعىنا تاباندى بولۋعا جانە ونى كۇشەيتۋگە قاتىستى، حالىقتىڭ رازى وقۋ - اعارتۋ جۇرگىزۋگە قاتىستى بولىپ، ەرەكشە كەلەلى ماڭىزعا يە. جوعارى مەكتەپ پارتكومدارى جاۋاپكەرشىلىك سەزىم مەن بورىشتىلىق سەزىمدى كۇشەيتىپ، تۇلعالىق جاۋاپكەرشىلىكتى شىنايى اتقارىپ، پارتيالى كادرلاردىڭ، اسىرەسە، باسشى كادرلاردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، دايەكتىلەندىرۋىن ىلگەرىلەتىپ، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى شىڭداپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا ءۇشىن ادام تاربيەلەۋ، مەملەكەت ءۇشىن دارىندى باۋلۋ بورىشىن اناعۇرلىم ويداعىداي ارقالاۋ كەرەك.

    ءماجىلىس مىنالاردى باسا دارىپتەدى: نازاردى نەگىزگى جەلىگە شوعىرلاندىرۋعا تاباندى بولىپ، ”اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ“ جالپى تالابىن جان - جاقتى تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى باستان - اياق ساباقتاستىرىپ، ءبىر تۇتاس جوسپارلاپ، تەڭ ءمان بەرۋگە، ۇشتاسا، بىرلەسە قيمىلداۋدى كۇشەيتۋگە تاباندى بولۋ كەرەك.

جاۋاپتى رەداكتور: گۇلدەن ماقسات قىزى