ىلە وزەنى وزەن باستىقتارىنىڭ وزەن شارلاۋ تەلە كەسكىن اڭگىمە ءماجىلىسى اشىلدى

  • كەلۋ قاينارى: ىلە گازەتى
  • 03:55:29 17/09/2019

  

    كورىكتى شينجياڭ قۇرۋدى بەرىك ەكولوگيالىق كەپىلمەن قامتاماسىز ەتەيىك

 

    ءتىلشىمىز يان جيانشيا حابارلايدى. 8 – ايدىڭ 14 – كۇنگى اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋعا باسشىلىق ەتۋ گرۋپپاسى ءماجىلىسى مەن 8 – ايدىڭ 23 – كۇنگى اۆتونوميالى رايوننىڭ وزەن – كولدەردەگى كورنەكتى ماسەلەلەردى جاپپاي جونگە سالۋ جونىندەگى تەلەۆيزور – تەلەفون ءماجىلىسىنىڭ رۋحىن دايەكتى تياناقتاندىرۋ ءۇشىن 9 – ايدىڭ 15 – كۇنى اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى، ىلە وزەنىنىڭ وزەن باستىعى جاڭ چۇنلين؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ىلە وزەنىنىڭ ورىنباسار وزەن باستىعى مانەن زەينەل ۇلى ىلەگە كەلىپ، ىلە وزەنى وزەن باستىقتارىنىڭ وزەن شارلاۋ تەلە كەسكىن اڭگىمە ءماجىلىسىن باسقارىپ اشتى.

    تەلە كەسكىن ءماجىلىسىن مانەن زەينەل ۇلى باسقاردى.

    ماجىلىستە 8 – ايدىڭ 14 – كۇنگى اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋعا باسشىلىق ەتۋ گرۋپپاسى ءماجىلىسىنىڭ رۋحى جەتكىزىلدى، اۆتونوميالى رايوننىڭ باس وزەن (كول) باستىعىنىڭ 2 – ءنومىرلى بۇيرىعى وقىلدى.

    وبلىستىق پارتكومنىڭ ورىنباسار شۋجيى، وبلىس باستىعى، باس وزەن (كول) باستىعى قۇرماش سىرجان ۇلى، شينجياڭ ءوندىرىس – قۇرىلىس بيڭتۋانى 4 – ديۆيزياسىنىڭ قاتىستى باسشىلارى جەكە – جەكە وزەن (كول) باستىعى ءتۇزىمى قىزمەتى مەن وزەن – كولدەگى كورنەكتى ماسەلەلەردى وڭاۋ جاعدايىنان دوكلاد جاسادى.

    جاڭ چۇنلين مىنانى اتاپ كورسەتتى: بيىل جىل باسىنان بەرى ىلە وزەنىنىڭ وزەن (كول) باستىعى ءتۇزىمى قىزمەتىندە جاۋاپكەرلىك جۇيەسى كەمەلدەنۋ، وڭاۋ وي جەلىسى ايقىندالۋ، وڭاۋ شارالارى پارمەندى بولۋ ەرەكشەلىگى كورنەكتىلەنگەن.دەسە دە ىلە وزەنى الابىندا وزەن (كول) باستىعى ءتۇزىمى قىزمەتىن جاپپاي ىلگەرىلەتۋ، وزەن – كولدەردى قورعاۋدى، جونگە سالۋدى كۇشەيتۋ، ەكولوگيالىق وركەنيەت قۇرىلىسى دەڭگەيىن جوعارىلاتۋ سياقتى جاقتاردا ءالى دە كۇشەيتۋگە جانە جاقسارتۋعا ءتيىستى ماسەلەلەر الدىندا ساياسي دەڭگەيدى ونان ارى جوعارىلاتىپ، وزەن (كول) باستىعى ءتۇزىمى قىزمەتىن ويداعىداي ىستەۋ جونىندەگى جاۋاپكەرلىك سەزىم مەن بورىشتىلىق سەزىمدى شىنايى كۇشەيتۋ كەرەك.

جاۋاپتى رەداكتور: گۇلدەن ماقسات قىزى