«شىندىقتى ءىس جۇزىنەن ىزدەۋ جىلىن ورىستەتۋ»

  • كەلۋ قاينارى: ىلە گازەتى
  • 05:24:06 04/10/2019

 

    1961 - جىلعا اياق باسقاندا «زور سەكىرۋ» تۋدىرعان اۋىر زارداپ سالدارىنان، رەسپۋبليكا «شارۋاشىلىقتىڭ ەڭ قيىنشىلىق كەزىندە» تۇردى. 1 - ايدا جۇڭگو كوممۋنيستىك پارتياسى 8 - كەزەكتى ورتالىق كوميتەتىنىڭ توعىزىنشى جالپى ءماجىلىسى بەيجيڭدە اشىلىپ، «رەتتەۋ، بەكەمدەۋ، تولىقتىرۋ، جوعارىلاتۋ» سىندى 8 ءارىپتى باعىتتى رەسمي بەلگىلەپ، حالىق شارۋاشىلىعى رەتتەلۋ ارناسىنا تۇسە باستادى.

    وسى جولعى جالپى ءماجىلىستىڭ الدى - ارتىندا ماۋ زىدۇڭ تالاي رەت ءسوز سويلەپ، شىندىقتى ءىس جۇزىنەن ىزدەۋ تاڭداۋلى ءداستۇرىن قالپىنا كەلتىرۋ كەرەكتىگىن باسا دارىپتەدى. ول «شىندىقتى ءىس جۇزىنەن ىزدەۋ جىلىن ورىستەتۋدى» العا قويدى. 3 - ايدىڭ 23 - كۇنى جۇڭگو كوممۋنيستىك پارتياسى ورتالىق كوميتەتى «قىزمەتتەگى ماسەلەلەرگە مۇقيات تەكسەرۋ جۇرگىزۋ جونىندە ورتالىق بيۋرولارعا، ولكەلىك، قالالىق، رايوندىق پارتكومدارعا حاتتى» جاريالاپ، «بارلىعىندا ءىس جۇزىندىك جاعدايدى نەگىزگە الۋ، تەكسەرمەگەننىڭ سويلەۋ ۇقىعى جوق بولۋ، ءسوز جوق، بۇكىل پارتياداعى كادرلاردىڭ يدەياسى مەن ارەكەتىنىڭ باستى ولشەمىنە اينالۋ كەرەكتىگىن» اتاپ كورسەتتى.

    ورتالىقتاعى باسشىلار وزدەرى ونەگە كورسەتىپ، ىشكەرىلەي تەكسەرۋ - زەرتتەۋ جۇرگىزدى. 8 - كەزەكتى ورتالىق كوميتەتىنىڭ توعىزىنشى جالپى ءماجىلىسى اياقتالىسىمەن، ماۋ زىدۇڭ دەرەۋ 3 تەكسەرۋ گرۋپپاسىن ۇيىمداستىرىپ جانە جەتەكشىلىك ەتىپ، جىجياڭ، حۋنان، گۋاڭدۇڭ − 3 ولكەنىڭ اۋىل - قىستاقتارىنا تەكسەرۋ جۇرگىزۋگە جىبەرىپ، بۇكىل پارتيادا ونەگەلىك رول اتقاردى.

    جوۋ ىنلاي حىبەيدىڭ حاندان سياقتى جەرلەرىنە بارىپ تەكسەرۋ جۇرگىزىپ، بايقالعان ماسەلەلەردى ماۋ زىدۇڭعا مالىمدەپ، حالىق گۇڭشىسىندا ورىن تەپكەن باستى ماسەلەلەردى العا قويدى، ورتالىق بۇعان بارىنشا ءمان بەردى. ليۋ شاۋچي، جۋ دى، چىن يۇن، دىڭ شياۋپيڭ قاتارلى ورتالىقتاعى باسشى جولداستار دا نەگىزگى ساتىعا بارىپ، ءىس جۇزىندىك جاعدايدى تەكسەرىپ ۇعىستى.

    جۇڭگو كوممۋنيستىك پارتياسى ورتالىق كوميتەتىندەگى، مەملەكەتتىك كەڭەستەگى تاراۋلاردىڭ، سونداي - اق ولكەلەردىڭ، قالالاردىڭ، اۆتونوميالى رايونداردىڭ پارتيا، ۇكىمەت ورىندارىنىڭ جاۋاپتىلارى دا ىركەس - تىركەس نەگىزگى ساتىعا بارىپ، تەكسەرۋ - زەرتتەۋ جۇرگىزدى.

    بۇكىل پارتيادا كوتەرىلگەن تەكسەرۋ - زەرتتەۋ ستيلى پارتيا ىشىندەگى تانىمنىڭ بىرلىگىن پارمەندى ىلگەرىلەتتى، رەتتەۋ قىزمەتىنىڭ جۇرگىزىلۋىن ىلگەرىلەتتى. تولىق تەكسەرۋ - زەرتتەۋ، جاعدايدى يگەرۋ نەگىزىندە، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس ىركەس - تىركەس ءبىر قىدىرۋ ەرەجە جانە قۇجات بەلگىلەپ، جاريالاپ، بەلسەندى ناتيجە شىعاردى.

جاۋاپتى رەداكتور: گۇلدەن ماقسات قىزى