بار ىنتا - پەيىلىمەن ۇستىرتتەگى بۇقاراعا قىزمەت ىستەدى

  • كەلۋ قاينارى: شينجياڭ گازەتى تورابى
  • 10:42:57 05/10/2019

  

    − تاشقورعان تاجىك اۆتونوميالى اۋدانى قوعام حاۋىپسىزدىگى مەكەمەسى بەلدىر ساقشى بولىمشەسىنىڭ ساياسي جەتەكشىسى نادىربەك اۋازبەك تۋرالى

   ءتىلشىمىز حان چينيان

 

    ”قيىنشىلىق بولسا نادىربەكتى ىزدە“. قازىر بۇل ءسوز تاشقورعان تاجىك اۆتونوميالى اۋدانى بەلدىر اۋىلىنداعى ەگىنشى - مالشىلاردىڭ اۋزىنان تاستامايتىن سوزىنە اينالدى.

    ■ تاباندىلىق: ۇستىرتتەگى حالىق ساقشىسىنىڭ جاۋاپكەرشىلىگىن ارقالادى

    كەزىندە ءۇرتىس 14 اي بويى شاتىردا جاتىپ - تۇرىپ، شاتىردا ۇدايى قىزمەت ىستەگەندىكتەن، نادىربەكتى جەرگىلىكتى بۇقارا شىن پەيىلمەن ”شاتىرداعى اعاي“ دەپ اتايدى. ”ساقشى بولىمشەسى مەنىڭ ءۇيىم، ءاربىر حالىق ساقشىسى مەنىڭ جاقسى باۋىرلاستارىم، جاقسى جاۋىنگەر سەرىكتەرىم، بىرلىكتە بەلدىردى جاقسى كۇزەتۋ − ءبىزدىڭ جاۋاپكەرشىلىگىمىز“، - دەدى نادىربەك.

    بيىل 46 جاستاعى نادىربەك كىشكەنتايىنان پامير ۇستىرتىندە ەسەيىپ - ەرجەتتى، ورتا تەحنيكۋمدى بىتىرگەننەن كەيىن اۋىلىنا قايتىپ قىزمەت ىستەدى. 2006 - جىلى ول تاشقورعان تاجىك اۆتونوميالى اۋدانى قوعام حاۋىپسىزدىگى مەكەمەسى بەلدىر ساقشى بولىمشەسىنە قىزمەت اۋىستىرادى، كەيىن ساقشى بولىمشەسىنىڭ رابۋت ساقشى ىستەرى كەڭسەسىنىڭ حالىق ساقشىسى مىندەتىن وتەيدى.

    2011 - جىلى 6 - ايدا رابۋت ساقشى ىستەرى كەڭسەسى العاش قۇرىلعاندا، جۇمىس ورنى جوق بولعاندىقتان، نادىربەك ەگىنشى - مالشىلاردىڭ ۇيىندە ۋاقىتشا تۇرۋعا ءماجبۇر بولدى، تۇندە بۇقارانى مازالاماۋ ءۇشىن ول كەي كەزدەرى ءۇي يەلەرى تۇنگى ۇيقىعا باس قويعان شاقتا عانا بارىپ اقىرىن ۇيگە كىرىپ دەمالاتىن. باسشىنىڭ ماقۇلدىعىن العاننان كەيىن، ول ءوزى ءبىر قاراپايىم كەزدەمە شاتىر قۇرىپ، ۋاقىتشا جۇمىس اتقارۋ ورنى ەتتى.

    رابۋت ساقشى ىستەرى كەڭسەسى قاراماعىنداعى ءوڭىر قارلى بوران وتىندە، كليماتى ەرەكشە ناشار، تۇرمىس شارت - جاعدايى توتەنشە جاپالى بولاتىن. نادىربەك كۇندىز قىزمەتتەستەرىن ەرتىپ قىزمەت ورىستەتسە، تۇندە شارلاۋعا شىعاتىن، شولدەسە قار جەپ، شارشاسا مۇزداي سۋىق تاستىڭ ۇستىندە ايالداپ اياق سۋىتاتىن.

    ■ قوزعاۋشى كۇش: بۇقارانىڭ ىستەرىنىڭ بارلىعى كەلەلى ءىس

جاۋاپتى رەداكتور: گۇلدەن ماقسات قىزى