شي جينپيڭ مەن چاۋشياننىڭ ەڭ جوعارى باسشىسى جين جىڭ – ىن جۇڭگو مەن چاۋشياننىڭ ديپلوماتيالىق قارىم – قاتىناس ورناتقاندىعىنىڭ 70 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

  • كەلۋ قاينارى: ىلە گازەتى
  • 04:17:41 08/10/2019

    شينحۋا اگەنتتىگىنىڭ 10 – ايدىڭ 6 – كۇنى بەيجيڭنەن بەرگەن حابارى. 10 – ايدىڭ 6 – كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭ – ىن جٷڭگو مەن چاۋشياننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى بايلانىسىمەن ءوزارا قۇتتىقتاۋ تەلەگرامماسىن جٶلدادى.

    شي جينپيڭ قۇتتىقتاۋ تەلەگرامماسىندا بىلاي دەدى: جٷڭحۋا حالىق رەسپۋبليكاسى مەن چاۋشيان دەموكراتيالىق حالىق رەسپۋبليكاسىنىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى ساتىندە مەن جٷڭگو كوممۋنيستىك پارتياسى، جٷڭگو ۇكىمەتى، جٷڭگو حالقى اتىنان سىزگە جانە ءسىز ارقىلى چاۋشيان ەڭبەك پارتياسىنا، چاۋشيان ۇكىمەتىنە، چاۋشيان حالقىنا شىن ىقىلاسپەن قۇتتى بولسىن ايتامىن!

    شي جينپيڭ مىنالاردى ءبىلدىردى: 70 جىلدىڭ الدىندا جٷڭگو مەن چاۋشيان رەسمي ديپلوماتيالىق قارىم – قاتىناس ورناتتى. بۇل ەكى پارتيانىڭ، ەكى ەلدىڭ قارىم – قاتىناس تاريحىندا ءداۋىر بولگىش ماڭىزدى مانگە يە. چاۋشيان - جاڭا جٷڭگومەن ەڭ ەرتە ديپلوماتيالىق قارىم – قاتىناس ورناتقان مەملەكەتتەردىڭ ءبىرى. 70 جىلدان بەرى ەكى پارتيانىڭ، ەكى ەلدىڭ ءار كەزەكتى باسشىلارىنىڭ قامقورلىعى مەن ەكى جاقتىڭ ورتاق قۇلشىنۋىندا جٷڭگو مەن چاۋشياننىڭ ءداستۇرلى دوستىعى قۇبىلمالى حالىقارالىق اۋقىم مەن ءداۋىر وزگەرىسىنىڭ سىنىنان ءوتىپ، ۇزدىكسىز دامىپ، جىلداردىڭ وتۋىمەن بەكەمدەلىپ، ادامدار جۇرەگىنە تەرەڭ ۇيالادى. ەكى ەلدىڭ ءارقايسى سالاداعى قارىم – قاتىناسىندا، سەلبەستىگىندە مول تابىستارعا قول جەتكىزىلدى، بۇل ەكى ەلدىڭ سوتسياليستىك ىستەرىنىڭ وركەندەپ العا باسۋىن پارمەندى جەبەپ قانا قالماي، وڭىرلەردىڭ بەيبىتشىلىگىن، ورنىقتىلىعىن قورعاۋدا ماڭىزدى، بەلسەندى رول اتقاردى.

    شي جينپيڭ مىنالاردى باسا دارىپتەدى: جٷڭگو مەن چاۋشياننىڭ ءداستۇرلى دوستىعى – ەكى پارتيانىڭ، ەكى ەلدىڭ، ەكى ەل حالىقتارىنىڭ ورتاق باعالى بايلىعى. جٷڭگو مەن چاۋشياننىڭ قارىم – قاتىناسىن ويداعىداي قورعاۋ، بەكەمدەۋ جانە دامىتۋ – جٷڭگو كوممۋنيستىك پارتياسى مەن جٷڭگو ۇكىمەتى باستان – اياق تاباندى بولاتىن باعىت. مەن جٷڭگو مەن چاۋشياننىڭ قارىم – قاتىناسىنىڭ دامۋىنا وسكەلەڭ ءمان بەرەمىن، كوميتەت باستىعى جولداسپەن ءوزارا سەنىمدىلىكتى جانە دوستىقتى قاستەرلەيمىن. بىلتىر جىل باسىنان بەرى مەن كوميتەت باستىعى جولداسپەن 5 رەت كەڭەس وتكىزىپ، ءبىرقىدىرۋ ماڭىزدى ورتاق تانىمعا كەلىپ، جۇڭگو – چاۋشيان قاتىناسىنىڭ جاڭا تاريحي كەزەڭگە وتۋىنە ورتاق جەتەكشىلىك ەتتىك.

    جۇڭگو جاق چاۋشيان جاقپەن بىرگە قول ۇستاسا ورتاق قۇلشىنىس جاساپ، ديپلوماتيالىق قارىم - قاتىناس ورناتىلعاندىعىنىڭ 70 جىلدىعىن وراي ەتىپ، جۇڭگو مەن چاۋشيان قاتىناسىنىڭ ۇزاق ۋاقىت اقاۋسىز، ورنىقتى دامۋىن ىلگەرىلەتىپ، ەكى ەل مەن ەكى ەل حالقىنا اناعۇرلىم باقىت جاراتۋدى قالايدى.

جاۋاپتى رەداكتور: جازيرا بولاتباي قىزى