جاۋ تيانجيە، قۇرماش سىرجان ۇلى وبلىسقا توتە قاراستى ورىنداردىڭ مەملەكەتتىك 7 – رەتكى ۇلتتار ىنتىماعى العاباسارلىعىنداعى ۇلگىلى كوللەكتيۆ ۋاكىلدەرىمەن جانە ۇلگىلى جەكەلەرمەن كەزدەستى

  • كەلۋ قاينارى: ىلە گازەتى
  • 04:25:28 08/10/2019

    ءتىلشىمىز لي شين – ان حابارلايدى. 10 – ايدىڭ 3 – كۇنى تۇستەن كەيىن وبلىستىق پارتكومنىڭ شۋجيى جاۋ تيانجيە، وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى داڭقپەن ورالعان وبلىسقا توتە قاراستى ورىنداردىڭ مەملەكەتتىك 7 – رەتكى ۇلتتار ىنتىماعى العاباسارلىعىنداعى ۇلگىلى كوللەكتيۆ ۋاكىلدەرىمەن جانە ۇلگىلى جەكەلەرمەن كەزدەستى.

    مەملەكەتتىك 7 – رەتكى ۇلتتار ىنتىماعى العاباسارلىعى جونىندەگى ماداقتاۋ – سيلاۋ جينالىسى 9 – ايدىڭ 27 – كۇنى بەيجيڭدە وتكىزىلدى. وبلىسقا توتە قاراستى ورىنداردان جالپى 2 ۇلگىلى كوللەكتيۆ، 4 ۇلگىلى جەكە ماداقتالدى – سيلاندى. ج ك پ نىلقى اۋداندىق كوميتەتى، قۇلجا قالالىق 18 – ورتا مەكتەپ مەملەكەتتىك 7 – رەتكى ۇلتتار ىنتىماعى، العاباسارلىعىنداعى ۇلگىلى كوللەكتيۆ؛ قۇلجا اۋدانى مامىر شۇيمەي كيىم – كەشەك شەكتى جاۋاپكەرلىك سەرىكتىگىنىڭ جاۋاپتىسى گۋ شۇيمەي، چاپچال سىبە اۆتونوميالى اۋداندىق جوعارى دارەجەلى ورتا مەكتەپتىڭ اعا وقىتۋشىسى شۋە چين، مەملەكەتتىك ەلەكتر تورابى شينجياڭ ەلەكتر قۋاتى شەكتى سەرىكتىگى موڭعۇلكۇرە اۋداندىق ەلەكترمەن قامداۋ سەرىكتىگى سارقوبى اۋىلى ەلەكترمەن قامداۋ ورنىنىڭ باستىعى امانتۇر يسامدين، وبلىستىق پارتكوم پارتيا مەكتەبىنىڭ زەينەتكەر وقىتۋشىسى عيزاتوللا ءانۋار مەملەكەتتىك 7 – رەتكى ۇلتتار ىنتىماعى العاباسارلىعىنداعى ۇلگىلى جەكە اتاعىنا يە بولدى. ولاردىڭ اراسىنان شۋە چين، امانتۇر يسامدين، عيزاتوللا ءانۋار بەيجيڭگە بارىپ، مەملەكەتتىك 7 – رەتكى ۇلتتار ىنتىماعى العاباسارلىعى جونىندەگى ماداقتاۋ – سيلاۋ جينالىسىنا ءارى مەملەكەت مەرەكەسىن قۇتتىقتاۋ قيمىلىنا قاتىناستى.

    جاۋ تيانجيە، قۇرماش سىرجان ۇلى وبلىسقا توتە قاراستى ورىنداردىڭ مەملەكەتتىك 7 – رەتكى ۇلتتار ىنتىماعى العاباسارلىعىنداعى ۇلگىلى كوللەكتيۆ ۋاكىلدەرىمەن جانە ۇلگىلى جەكەلەرمەن ءبىر – بىرلەپ امانداسىپ، ولارمەن اڭگىمەلەسىپ، وبلىستىق پارتكوم مەن ۇكىمەت جانە تۇتاس وبلىستاعى ءار ۇلت حالقى اتىنان قىزۋ قۇتتىقتاپ، شىن جۇرەكتەن العىس ايتتى ءارى وسكەلەڭ قۇرمەت ءبىلدىردى. جاۋ تيانجيە كوپشىلىكتىڭ وسى جولعى داڭقتى تىڭ باستاما ەتىپ، كۇش ۇستىنە كۇش قوسىپ، تاعى دا تىڭ ۇلەس قوسىپ، ماڭايىنداعى ءتىپتى دە كوپ ادامعا اسەر ەتىپ جانە ولاردى جەتەكتەپ، ۇلتتار ىنتىماعىنىڭ ۇلگىسى بولۋعا قۇلشىنىپ، ىلەنىڭ ۇلتتار ىنتىماعىنىڭ نەگىزىن بىرگە بەكەمدەۋىن ءۇمىت ەتتى.

    جاۋ تيانجيە بىلاي دەپ اتاپ كورسەتتى: ۇلتتار ىنتىماعى - ءار ۇلت حالقىنىڭ جان تامىرى ءارى ءتۇرلى ىستەرىمىزدىڭ دامىپ، العا باسۋىنىڭ ءتۇبىرلى نەگىزى. وبلىستىق پارتكوم، ۇكىمەت ۇلتتار ىنتىماعى قىزمەتىنە باستان ـ اياق بارىنشا ءمان بەرىپ، پارتيانىڭ ۇلت ساياساتىن باتىل دايەكتى اتقارىپ، ۇلتتار ىنتىماعى ۇگىت - تاربيەسى مەن ۇلتتار ىنتىماعى العاباسارلىعىندا ۇلگى ورىن قۇرۋ قيمىلىن ىشكەرىلەي ىلگەرىلەتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ۇدايى ورىستەتىپ، 2015 ـ جىلى مەملەكەت بويىنشا ۇلتتار ىنتىماعى العاباسارلىعىنداعى ۇلگى ورىن قۇرۋ قيمىلىندا ۇلگى وبلىس قۇرۋدى ءساتتى ورىندادى، قازىر ۇلتتار ىنتىماعى العاباسارلىعىندا ۇلگى رايون قۇرۋدى جەدەلدەتۋدە.

جاۋاپتى رەداكتور: جازيرا بولاتباي قىزى