وبلىس باسشىلارى نەگىزگى ساتىعا بارىپ، ىشكەرىلەي تەكسەرۋ – زەرتتەۋ جۇرگىزدى

  • كەلۋ قاينارى: ىلە گازەتى
  • 04:35:21 08/10/2019

    «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن ىلگەرىلەتەيىك

    

    تىلشىلەرىمىز شيە چىن، يان جيانشيا حابارلايدى. بىرنەشە كۇننەن بەرى وبلىس باسشىلارى نەگىزگى ساتىعا ىشكەرىلەي بارىپ، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى قىزمەتى جونىندە تەكسەرۋ – زەرتتەۋ جۇرگىزدى. تەكسەرۋ – زەرتتەۋ جۇرگىزۋ ارقىلى نەگىزگى ساتىداعى جۇرتشىلىقتىڭ ارمان – تىلەگىن ىشكەرىلەي ۇعىستى، جەلىلەس قيمىلدار ورىستەتۋ ارقىلى بارشا جۇرتشىلىقتىڭ وتانشىلدىق ىنتاسىن جانە پارتيالى كادرلاردىڭ نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرۋداعى اۆانگارد ۇلگىلىك رولىن اناعۇرلىم قوزعادى.

    9 – ايدىڭ 27 – كۇنى چاپچال سىبە اۆتونوميالى اۋدانى جاعىستاي قالاشىعى نۇراقىنبۇلاق قىستاعى تۇرعىندار كوميتەتىنىڭ اۋلاسىنان ءان – ءبي شاتتىق ءۇنى كوتەرىلدى. مۇندا وبلىستىق حالىق قۇرىلتايى تۇراقتى كوميتەتى ورگانىنداعى پارتيالى كادرلار، جۇمىسشى – قىزمەتكەرلەر قىستاق تۇرعىندارىمەن ءبىر ارادا باس قوسىپ، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن توڭىرەكتەي وتىرىپ، «پارتيا تۋى تيانشان تاۋىن نۇرلاندىردى» دەگەن تاقىرىپتا نەگىزگى تاقىرىپتىق پارتيا كۇنى جەلىلەس قيمىلىن ورىستەتىپ، ءتۇرلى فورماداعى، باي مازمۇندى مادەنيەت قيمىلدارىمەن پارتيا ۇيىمىنىڭ ومىرشەڭدىك كۇشى مەن ۇيىستىرۋ قۋاتىن كۇشەيتىپ، پارتيالى كادرلار مەن جۇرتشىلىققا پارتيانىڭ باۋلۋىن سەزىندىرىپ، پارتيانىڭ شاپاعاتىن جەتكىزىپ، جاڭا جۇڭگو قۇرىلعاندىعىنىڭ 70 جىلدىعىن بىرگە قۇتتىقتادى.

    وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى ابدۇسالام سادىق، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى تالعات ءتالىم ۇلى جانە وبلىستىق حالىق قۇرىلتايى تۇراقتى كوميتەتى ورگانىنداعى پارتيالى كادرلار مەن نۇراقىنبۇلاق قىستاعىنداعى پارتيالى شارۋالار بىرگە مەملەكەت تۋىن شىعارىپ، مەملەكەت ءانىن شىرقاپ، پارتياعا كىرگەندە بەرگەن سەرتىن قايتا ەسكە الىپ، جۇڭگو كوممۋنيستىك پارتياسى مەن ۇلى وتاندى قىزۋ ءسۇيۋ سۇيىسپەنشىلىگىن ءبىلدىردى. وسىدان كەيىن ابدۇسالام سادىق قاتارلىلار نۇراقىنبۇلاق قىستاعىنداعى 6 ساقا پارتيا مۇشەسىنەن، ساقا كادردان حال سۇراپ، ولارعا پارتيا مەن ۇكىمەتتىڭ قامقورلىعى مەن مەيىرىن جەتكىزدى. سونىمەن بىرگە، «زاڭدى اۋىل – قىستاققا جەتكىزۋ» زاڭ – ءتۇزىم ۇگىتى قيمىلىن ورىستەتىپ، وبلىستىق سوت مەكەمەسىنىڭ سۋديالارىن بۇقاراعا زاڭ بىلىمدەرىن تۇسىندىرۋگە ۇسىنىس ەتىپ، كوپشىلىكتىڭ زاڭدىق تانىمىن جوعارىلاتتى.

    باي مازمۇندى نەگىزگى تاقىرىپتىق پارتيا كۇنى قيمىلى قىستاق تۇرعىندارىنا ءبىلىم جانە مەيىر باعىشتاۋمەن بىرگە، ولارعا مادەنيەت سالتاناتىن دا سيلادى. جەلىلەس قيمىلداردىڭ ءبىرى بولعان جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ تاقىرىبىنداعى ۇلتتار ىنتىماعى بىرلەسكەن دوستىق قيمىلىندا وبلىستىق حالىق قۇرىلتايى تۇراقتى كوميتەتىنىڭ پارتيالى كادرلارى مەن قىستاق تۇرعىندارى وزدەرى دايىنداپ ورىنداعان حور ايتۋ، ولەڭ وقۋ، ءبي بيلەۋ، جەكە ءان ايتۋ سياقتى ادەبيەت – كوركەمونەر نومىرلەرى بارشا قىستاق تۇرعىنىن ايرىقشا باۋرادى.

جاۋاپتى رەداكتور: جازيرا بولاتباي قىزى