جاڭا جۇڭگونىڭ نۇرلى بولاشاعى ءۇشىن قايراتتانا العا ىلگەرىلەيىك

  • كەلۋ قاينارى: ىلە گازەتى
  • 03:44:55 09/10/2019

 

   باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى ءار ۇلت كادر - جۇرتشىلىعى اراسىندا قىزۋ اڭىس قوزعادى

 

       ءتىلشىمىز شى شۋەحۇڭ، پراكتيكانت ءتىلشى ۋاڭ يۇيبين حابارلايدى. «جۇڭگونىڭ كەشەگىسى ادامزاتتىڭ تاريح پاراعىنا جازىلدى، جۇڭگونىڭ بۇگىنى ميلليارد حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى» ... بىرنەشە كۇننەن بەرى باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى ىلەدەگى ءار ۇلت كادر - جۇرتشىلىعى اراسىندا قىزۋ اڭىس قوزعادى. ءار ۇلت كادر - جۇرتشىلىعى ءبىر اۋىزدان بىلاي دەستى: باس شۋجي شي جينپيڭنىڭ تالابى بويىنشا قىزمەت ورنىمىزدا تاباندىلىقپەن ىستەپ، بەرىك سەنىممەن، جاستىق كوكتەمىمىزدى ارناي وتىرىپ قايراتتانا العا ىلگەرىلەيمىز.

    باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى ىلەدەگى ءار ۇلت كادر-جۇرتشىلىعىن ايرىقشا جەلپىندىردى. كوپشىلىك ءىس جۇزىندىك ارەكەتتەرى ارقىلى جاڭا جۇڭگو قۇرىلعان 70 جىلدان بەرگى تولاعاي تابىستارعا ءسۇيىنىشىن، جاڭا جۇڭگونىڭ بولاشاعىنا بەرىك سەنىمىن ءبىلدىرىپ، ۇلى وتانىمىزدىڭ گۇلدەنىپ - قۇدىرەتتەنۋىنە، حالىقتىڭ باقىتتى تۇرمىس كەشىرۋىنە تىلەۋلەستىك ءبىلدىردى.

    «باس شۋجي شي جينپيڭنىڭ ءسوزى ادامدى راسىندا جەلپىندىرەدى، جۇڭگو كوممۋنيستىك پارتياسىنىڭ باسشىلىعىندا وتانىمىز بارىنشا كوركەيە ءتۇستى». بيىل 85 جاسقا كەلگەن ىلە گازەتى مەكەمەسىنىڭ بۇرىنعى باس رەداكتورى فان يۇيچى تىلشىگە بىلاي دەدى: باس شۋجي شي جينپيڭنىڭ ءسوزىن ەستىپ ايرىقشا تەبىرەندىم. «جۇڭگونىڭ بۇگىنى ميلليارد حالىقتىڭ قولىمەن جاراتىلۋدا» دەگەن وسى ءبىر اۋىز ءسوز جان تەبىرەنتەدى. ۇلى وتانىمىز جاڭا جۇڭگونىڭ نەشە ۇرپاق ادامدارىنىڭ قاجىرلى قۇلشىنىسىندا بۇگىنگى گۇلدەنۋ مەن قۇدىرەتتەنۋگە جەتتى. توڭكەرىستىك قۇربانداردىڭ ىستىق قانى بولماسا، بۇگىنگى باقىتتى تۇرمىسىمىز بولماس ەدى. جۇڭگو كوممۋنيستىك پارتياسىنىڭ باسشىلىعىندا ىلە گازەتى مەكەمەسى كۇن سايىن كەمەلدەنىپ، الۋەتتەنۋدە. قازىر «ىلە گازەتى» بارعان سايىن تولىسىپ كەلەدى. ءبىز پارتيا گازەتىنىڭ سيپاتىن ۇمىتپاي، پارتيانىڭ اقپارات قىزمەتكەرلەرىنەن كۇتكەن ءۇمىتىن ەسكەرۋسىز قالدىرماي، «ىلە گازەتىن» ءداۋىردىڭ اعىسىمەن تەڭ ىلگەرىلەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك كوتەرىپ، اناعۇرلىم نۇرلى بولاشاق جاراتۋ ءۇشىن ۇگىت قىزمەتىن ويداعىداي ىستەۋىمىز كەرەك.

جاۋاپتى رەداكتور: گۇلدەن ماقسات قىزى