وبلىستىق حالىق قۇرىلتايى تۇراقتى كوميتەتىنىڭ باسشىلىق القاسى نەگىزگى تاقىرىپتىق تاربيە جونىندە پىكىر اۋىستىرۋ، تالقى جيىنىن وتكىزدى

  • كەلۋ قاينارى: ىلە گازەتى
  • 03:50:19 09/10/2019

 

      ءتىلشىمىز مىڭ شيا حابارلايدى. 10 – ايدىڭ 6 – كۇنى وبلىستىق حالىق قۇرىلتايى تۇراقتى كوميتەتىنىڭ باسشىلىق القاسى «اۋەلگى ماقساتتى ۇمىتپاۋ، بورىشتىق ەستە بەرىك ساقتاۋ» نەگىزگى تاقىرىپتىق تاربيەسى جونىندە پىكىر اۋىستىرۋ، تالقى جيىنىن ورىستەتتى. جيىندا وبلىستىق حالىق قۇرىلتايى تۇراقتى كوميتەتى پارتگرۋپپاسىنىڭ مۇشەلەرى وزدەرى تاڭداعان تاقىرىپ بويىنشا، يدەيا جانە قىزمەت امالياتىنا تىعىز ۇشتاستىرىپ، ماسەلەنى باعدار ەتۋگە تاباندى بولىپ، وزىمەن، قىزمەت مىندەتىمەن، قىزمەتىمەن بايلانىستىرىپ، پىكىر اۋىستىرىپ، ۇيرەنۋ اسەرلەرىن سويلەپ، ماسەلەلەردى مۇقيات قاداعالاپ، قاينارىنا تەرەڭ ءۇڭىلىپ، رەتتەۋ – تۇزەتۋ شارالارىن العا قويدى. وبلىستىق حالىق قۇرىلتايى تۇراقتى كوميتەتى پارتگرۋپپاسىنىڭ شۋجيى لي جيانگو جيىندى باسقاردى، 2 – توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بويىنشا اۆتونوميالى رايوننىڭ ارالاپ جەتەكشىلىك ەتۋ 1- گرۋپپاسىنىڭ ورىنباسار باستىعى ۋاڭ بەيتيڭ جيىنعا قاتىناسىپ، جەتەكشىلىك ەتتى.

    پىكىر اۋىستىرۋ، تالقى جۇرگىزۋ بارىسىندا، لي جيانگو «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتى تياناقتاندىرۋ» ارناۋلى تاقىرىبىن توڭىرەكتەي وتىرىپ ءسوز سويلەدى، وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى ابدۇسالام سادىق «مۇرات – سەنىم» ارناۋلى تاقىرىبىن توڭىرەكتەي وتىرىپ ءسوز سويلەدى، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى تۇڭ رۇيچيڭ، ءرازيا ابليز، تالعات ءتالىم ۇلى، جۇمان بارشابەك ۇلى، سۇن پىڭ، وبلىستىق حالىق قۇرىلتايى تۇراقتى كوميتەتىنىڭ باس حاتشىسى مۇراتبەك نۇرعالي ۇلى جەكە – جەكە ءسوز سويلەدى. پىكىر اۋىستىرۋ، تالقى جۇرگىزۋ ءسوزىن تىڭداعاننان كەيىن، ۋاڭ بەيتيڭ جەتەكشىلىك ەتۋ پىكىرىن العا قويىپ، بىلاي دەدى: بۇل رەتكى پىكىر اۋىستىرۋ – تالقى جۇرگىزۋدە كوپشىلىكتىڭ تانىمى تەرەڭدەپ، وزىندەگى ماسەلەلەردى ىشكەرىلەي بورشالادى، تۇلعالىق جاقتان دايىندىق تولىق بولىپ، پىكىر اۋىستىرۋ، ۇيرەنۋ جانە دەڭگەيدى جوعارىلاتۋ ماقساتىنا جەتتى. كوپشىلىكتىڭ قىزمەت ءىس جۇزىندىگىنە تاعى دا ۇشتاستىرۋعا كۇش سالىپ، ناقتى شارالاردى اناعۇرلىم ناقتىلاندىرىپ، بۇدان كەيىنگى قىزمەتتە ويداعىداي تياناقتاندىرۋىن ءۇمىت ەتەمىن.

    لي جيانگو بىلاي دەدى: وسى رەتكى تالقى، پىكىر اۋىستىرۋ جيىنى جالپى تۇلعالىق جاقتان اۆتونوميالى رايوننىڭ جەتەكشىلىك ەتۋ گرۋپپاسى مەن ىلە وبلىستىق پارتكومنىڭ قاتىستى تالاپتارىنا ۇيلەسەدى، تالاي رەت وزگەرىس ەنگىزۋ ارقىلى ولشەمگە جەتكەن، كوپشىلىك يدەيالىق تانىمدى اناعۇرلىم جوعارىلاتىپ، قىزمەت پوزيتسياسىن دۇرىستاپ، الداعى تالقى، پىكىر اۋىستىرۋ قىزمەتىن جوعارى ساپامەن ويداعىداي اشۋى كەرەك. ۇيرەنۋدى ۇزدىكسىز مىقتى يگەرىپ، جوعارى ارقىلى تومەنگە ۇلگى بولىپ، نازاريالىق ۇيرەنۋدى كۇشەيتىپ، حالىق قۇرىلتايى ورگانىنداعى بارلىق پارتيالى كادرلاردى جاپپاي جۇيەلى ۇيرەنۋگە، ىشكەرىلەي وي جۇگىرتە ۇيرەنۋگە، ءىس جۇزىندىكپەن ۇشتاستىرا ۇيرەنۋگە باستاپ، نازاريالىق نەگىز بەن ۇيرەنۋ قابىلەتىن ۇزدىكسىز كۇشەيتۋى كەرەك.

جاۋاپتى رەداكتور: گۇلدەن ماقسات قىزى