تەكەس اۋدانى نەگىزگى تاقىرىپتىق تاربيەدە ۇيرەنۋ بارىسىندا تۇزەتۋدى كورنەكتىلەندىردى

  • كەلۋ قاينارى: ىلە گازەتى
  • 04:37:32 09/10/2019

  

  قىزمەت ءتۇيىنىن حالىق تۇرمىسىن تياناقتاندىرۋ مەن جاقسارتۋعا ويىستىردى

 

      ءتىلشىمىز لي جيانپيڭ حابارلايدى. 2 - توپتاعى نەگىزگى تاقىرىپتىق تاربيە ورىستەتىلگەننەن بەرى تەكەس اۋدانى ۇيرەنۋ بارىسىندا وزگەرتۋدى كورنەكتىلەندىرىپ، بۇقارا اڭىس ەتكەن شۇعىل شەشۋگە ءتيىستى ماسەلەلەردەن باستاپ كىرىسىپ، قيىنشىلىق، تالاپتاردى تۇرگە ايىرىپ، پارتيالى كادرلاردى ءىس جۇزىندىك ارەكەتى ارقىلى اۋەلگى ماقساتتى ۇمىتپاي، بورىشتى ەستە بەرىك ساقتاۋعا باستادى.

    9 – ايدىڭ 30 – كۇنى تەكەس اۋدانى جىلقى فەرماسى 2 - الەۋمەتتىك اۋماعى 8 - ليانىنىڭ بەكەتىندە «اۆتوبۋز كەلدى، اۆتوبۋز كەلدى !» دەپ اسىر سالعان بالالار رەتىمەن اۆتوبۋزعا شىقتى. سالدەن سوڭ بالالار مەكتەپكە جەتتى.

    نەگىزگى تاقىرىپتىق تاربيە ورىستەتىلگەننەن كەيىن جىلقى فەرماسىنداعى كادرلار جۇرتشىلىقتىڭ قيىنشىلىق، تالاپتارىن جيناعاندا، 2 - الەۋمەتتىك اۋماقتىڭ 8 - ليانىندەگى قىزمەتكەرلەر 8 - لياننىڭ اۋدان ورتالىعىنان الىس ەكەنىن، الەۋمەتتىك اۆتوبۋزدىڭ جوقتىعى تۇرمىسقا قولايسىزدىق الا كەلگەندىگىن اڭىس ەتكەن – دى.

    جىلقى فەرماسى 2 - الەۋمەتتىك اۋماعى پارتيا ياچەيكاسى ءبىر جاعىنان ۇيرەنىپ، ءبىر جاعىنان تۇزەتىپ، ارناۋلى تەكسەرۋ - زەرتتەۋ جۇرگىزۋگە كۇش ۇيىمداستىرىپ، جىلقى فەرماسى پارتكومىنا جاعدايدان مالىمەت بەرەدى. جىلقى فەرماسى پارتكومى اۋداندىق قاتىناس تاراۋىمەن بايلانىس جاساپ، سايكەستىرۋ قىزمەتىن ىستەيدى، سونىمەن كوپ وتپەي، الەۋمەتتىك اۆتوبۋز 8 – ليانگە دەيىن قاتىنايتىن بولدى.

    ءتىلشى قاراتوعاي قالاشىعى ۇكىمەتىنەن ەشكىلىك قىستاعىنا دەيىنگى ۇزىندىعى 13.4 كيلومەتر كەلەتىن اۋىل - قىستاق جولىنان قۇرىلىس اترەتىنىڭ شاعىل قاباتىن بەرىكتەپ، سەمەنت توسەپ جاتقانىن كوردى.

    قالاشىق پارتكومىنىڭ كادرى تىلشىگە: «جۇرتشىلىق بۇل جولدىڭ كوپ جەردەن ويىلىپ، ءجۇرىس - تۇرىسقا قولايسىزدىق تۋدىرعانىن اڭىسى ەتكەن بولاتىن، قالاشىق پارتكومى مەن فۋنكتسيالىق تاراۋلار بۇل شارۋانى دەرەۋ تەكسەرىپ، دەرەۋ تۇزەتىپ، جول جاعدايىن جاقسارتتى. قۇرىلىس اترەتى تاۋلىك بويى ىستەپ، قۇرىلىس جۇمىسىن جەدەلدەتتى. قازىر 9 كيلومەترلىك جول تاعانى، كوپىر، سۋعا ءتوزىمدى قابات جۇمىسى اياقتالدى. قىستاق تۇرعىندارىنىڭ ءجۇرىس ـ تۇرىس قولايسىزدىعىن بارىنشا ازايتۋ ءۇشىن، اۋداندىق قاتىناس مەكەمەسى قۇرىلىس جۇرگىزۋشى جاقپەن بەلسەنە ىستەستىك ورناتىپ، ۋاقىتتىق قولايلى جول جانە قاتىناس بەلگى تاقتالارىمەن قامداپ، وقۋشىلاردىڭ مەكتەپكە بارۋ، مەكتەپتەن قايتۋ كەزىندەگى قاتىناس ىستەرىنە جەتەكشىلىك ەتەتىن ادام ورنالاستىردى» دەدى.

جاۋاپتى رەداكتور: گۇلدەن ماقسات قىزى