جەڭىلىستەن كەيىن، ءبىز الداعى ون جىلدا نە ىستەۋىمىز كەرەك؟

  • كەلۋ قاينارى: ىلە گازەتى
  • 04:39:40 09/10/2019

    

    __ جۇڭگو ەرلەر باسكەتبول كومانداسىنىڭ دۇنيە ساۋىتىنا تالاسۋ جارىسىندا ساتسىزدىككە ۇشىراۋى جونىندە تولعانىس

 

    نيگەريا كومانداسىنان جەڭىلگەن سوڭ جۇڭگو ەرلەر باسكەتبول كومانداسىنىڭ دۇنيە ساۋىتىنا تالاسۋ بارىسىنداعى ساپارى جەڭىلىسپەن اياقتادى. ەگەر 2008 - جىلعى بەيجيڭ وليمپياداسىندا ياۋ ميڭ باستاعان جۇڭگو ەرلەر باسكەتبول كومانداسى 8 ەگەي كوماندا قاتارىنان ورىن الىپ، جۇڭگو ەرلەر باسكەتبول كومانداسى تاريحىنداعى ءبىر تىڭ بەلەستى جاراتتى دەسەك، وندا 2009 - جىلعى تيانجين ازيا جۇلدەگەرلىگىنە تالاسۋ جارىسىندا ساتسىزدىككە ۇشىراۋدان باستاۋ العان 10 جىل - جۇڭگو ەرلەر باسكەتبول كومانداسىنىڭ تىعىرىققا تىرەلگەن 10 جىلى سانالادى. ال 2019 – جىلى داياشى ەلدە وتكىزىلگەن دۇنيە جۇزىلىك باسكەتبول ساۋىتىنا تالاسۋ جارىسىنداعى جەڭىلىسى جوعارىداعى 10 جىلدىق كوڭىلسىزدىككە جىعىلعاننىڭ ۇستىنە جۇدىرىق دەگەندەي بولدى.

    10 جىلدا جۇڭگو كومانداسى ازيا جۇلدەگەرلىگىنە تالاسۋ جارىسىندا ەكى رەت اعا جۇلدەگەر بولۋمەن بىرگە، ازيا سپورت جارىسىنىڭ اعا جۇلدەگەرلىگىن دە جەڭىپ العان - دى، الايدا قاتىناسقان 3 كەزەك دۇنيە جۇزىلىك ۇلكەن جارىستىڭ 15 مايدان جارىسىندا افريكانىڭ كوتوديۆيا كومانداسى مەن ازيانىڭ كورەيا كومانداسىن عانا جەڭە الدى.

    10 جىلدان بەرى جۇڭگو كومانداسىنىڭ كوشباسشىسى ي جيانليان جاقسى ءبىر «ءىز باسارىن» كۇتۋمەن كەلدى، دەسە دە گۋاڭجوۋداعى جارىس الاڭىندا 32 جاستاعى ول اتويلاپ الدا ءجۇرىپ، جۇڭگو كومانداسىن العا باستادى.

    10 جىلدان بەرى حالىقارالىق باسكەتبول ساحناسىندا عالامات وزگەرىستەر تۋىلىپ، تەحنيكالىق، تاكتيكالىق ورە ءۇرتىس جوعارىلادى، الايدا ەرلەر باسكەتبول كومانداسىنىڭ تۇلعالىق ورەسى جانكۇيەرلەردىڭ كۇتكەن ۇمىتىنەن شىعا الماي كەلەدى.

    نەگىزگى جارىس مايدانىندا جەڭىلىسكە ۇشىراعانىنا ون جىلدان اسسا دا، جۇڭگو ەرلەر باسكەتبول كومانداسى نەلىكتەن قايتا - قايتا ساتسىزدىككە جولىعادى؟ جۇڭگو ەرلەر باسكەتبول كومانداسىنىڭ دۇنيە باسكەتبول ساحناسىنداعى ورنى قاي دەڭگەيدە؟ ءبىز قانداي ءتاسىل قولدانعاندا عانا ەرلەر باسكەتبول كومانداسىنىڭ تۇلعالىق ورەسىن تۇبەگەيلى جوعارىلاتا الامىز؟ بۇل ماسەلەلەرگە قاراتا جۇڭگو ەرلەر باسكەتبول كومانداسى تەرەڭ تولعانعانى ءجون. سوندا عانا جۇڭگو باسكەتبول جانكۇيەرلەرىنە يلانىمدى جاۋاپ بەرۋدەن سىرت، تاجىريبە توپتاپ، وتكەننەن ساباق الىپ، باتىل دا سەنىمدى بولىپ، الداعى 10 جىلدا ءدوپ كەلەتىن قيان – كەسكى سايىستارعا ويداعىداي توتەپ بەرە الادى.

جاۋاپتى رەداكتور: گۇلدەن ماقسات قىزى