شي جينپيڭ بولگاريا، رۋمينيا، چەحيا، سلوۆاكيا، ۆەنگريا جانە پولشا 6 ەلدىڭ مەملەكەت باسشىلارىمەن ءوزارا قۇتتىقتاۋ تەلەگرامماسىن جولدادى

  • كەلۋ قاينارى: شينجياڭ گازەتى تورابى
  • 10:55:03 09/10/2019

  

    ديپلوماتيالىق قارىم - قاتىناس ورناتقاندىعىنىڭ 70 جىلدىعى جونىندە

    شي جينپيڭ بولگاريا، رۋمينيا، چەحيا، سلوۆاكيا، ۆەنگريا جانە پولشا 6 ەلدىڭ مەملەكەت باسشىلارىمەن ءوزارا قۇتتىقتاۋ تەلەگرامماسىن جولدادى

    لي كىچياڭ 6 ەلدىڭ زۇڭليلەرىمەن ءوزارا قۇتتىقتاۋ تەلەگرامماسىن جولدادى

 

    شينحۋا اگەنتتىگىنىڭ 10 - ايدىڭ 7 - كۇنى بەيجيڭنەن بەرگەن حابارى. 10 - ايدىڭ 4 - كۇنىنەن 7 - كۇنىنە دەيىن مەملەكەت ءتوراعاسى شي جينپيڭ بولگاريا، رۋمينيا، چەحيا، سلوۆاكيا، ۆەنگريا جانە پولشا 6 ەلدىڭ مەملەكەت باسشىلارىمەن ءوزارا قۇتتىقتاۋ تەلەگرامماسىن جولداپ، جۇڭگو مەن 6 ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتادى.

    شي جينپيڭ جۇڭگو ۇكىمەتى مەن جۇڭگو حالقى اتىنان 6 ەل ۇكىمەتى مەن حالقىن قىزۋ قۇتتىقتادى ءارى ىزگى تىلەك ءبىلدىردى. شي جينپيڭ بىلاي دەپ اتاپ كورسەتتى: 6 ەل ەڭ ەرتە مويىنداعان ءارى جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان ەلدەر. ديپلوماتيالىق قارىم - قاتىناس ورناتقان 70 جىلدان بەرى، جۇڭگو 6 ەلمەن بىرگە ءوزارا قۇرمەت ەتۋ، تەڭ تۇرعىدا مامىلە جاساۋ، ءوزارا تيىمدىلىك جەتكىزىپ، تەڭ يگىلىككە كەنەلۋ پرينسيبىنەن جازباي، ەكى جاقتى قارىم - قاتىناستىڭ ۇزدىكسىز العا قاراي دامۋىن جەبەپ، جۇڭگو مەن 6 ەل حالقىنا شىنايى يگىلىك الا كەلدى. كەزەكتە تاراپتاردىڭ جوعارى جىكتەگىلەرىنىڭ بارىس - كەلىسى ءجيى، ءتۇرلى سالالارداعى ءوزارا ءتيىمدى سەلبەستىكتىڭ تابىسى مول، گۋمانيتارلىق اۋىس - ءتۇيىستىڭ مازمۇنى باي. جاڭا داۋىردە، جۇڭگو مەن 6 ەلدىڭ قارىم - قاتىناسى تىڭ دا اناعۇرلىم كەڭ بولاشاققا ءدوپ كەلدى. مەن 6 ەلمەن قارىم - قاتىناستى دامىتۋعا وسكەلەڭ ءمان بەرەمىن، 6 ەلدىڭ مەملەكەت باسشىلارىمەن بىرگە ورتاق قۇلشىنىپ، ديپلوماتيالىق قارىم - قاتىناس ورناتقاندىعىمىزدىڭ 70 جىلدىعىن تىڭ باستاما ەتىپ، ”ءبىر بەلدەۋ، ءبىر جول“دى بىرگە قۇرۋ جانە جۇڭگو - ورتا، شىعىس ەۆورپا ەلدەرى سەلبەستىگى ورايىنان ويداعىداي پايدالانىپ، ءداستۇرلى دوستىق سەلبەستىك قارىم - قاتىناستىڭ جاڭا بەلەسكە قادام تاستاۋىن جەبەۋدى قالايمىن.

    6 ەلدىڭ باسشىلارى ءبىر اۋىزدان مىنالاردى ءبىلدىردى: 70 جىلدان بەرى، ءارقايسى ەل مەن جۇڭگونىڭ ەكى جاقتى قارىم - قاتىناسى ۋاقىت پەن حالىقارالىق اۋمالى - توكپەلى وزگەرىستەردىڭ سىنىنان ءوتىپ، ارشىندى ىلگەرىلەۋشىلىككە جانە مول تابىسقا قول جەتكىزدى. 6 ەل جۇڭگونىڭ وسىزامانداندىرۋ قۇرىلىسى مەن جۇڭگو ارمانىن جۇزەگە اسىرۋدى ىلگەرىلەتۋ بارىسىنداعى قول جەتكىزگەن شۇعىلالى تابىستارىن القايدى، جۇڭگومەن قارىم - قاتىناستى دامىتۋعا وسكەلەڭ ءمان بەرىپ، ءداستۇرلى دوستىقتى قاستەرلەپ، جۇڭگو مەن ەكى جاقتى اۋىس - ءتۇيىس پەن سەلبەستىكتى جالپى بەتتىك كۇشەيتىپ، ”ءبىر بەلدەۋ، ءبىر جول“دى بىرگە قۇرۋدى جانە جۇڭگو - ورتا، شىعىس ەۆروپا ەلدەرى سەلبەستىگىنىڭ ۇزدىكسىز العا قاراي دامۋىن جەبەۋدى قالايدى.

جاۋاپتى رەداكتور: گۇلدەن ماقسات قىزى