باسقا سالاعا ويىستىرىپ جۇمىسقا ورنالاستىردى، ورنىقتى تۇردە جۇمىسقا ورنالاستىردى، باياندى تۇردە جۇمىسقا ورنالاستىردى

  • كەلۋ قاينارى: شينجياڭ گازەتى تورابى
  • 10:16:10 10/10/2019

    

    − اۆتونوميالى رايون وڭتۇستىك شينجياڭداعى 4 ايماق - وبلىستاعى اۋىل - قىستاقتاعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋدى جوعارى، تومەن بىرلەسىپ ىلگەرىلەتتى

  تىلشىلەرىمىز لي چۇنشيا، شيا چيڭ

 

    ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە اۆتونوميالى رايون اۋىل - قىستاقتاعى ارتىق ەڭبەككۇشتەردىڭ باسقا سالاعا ويستىرىپ جۇمىستاندىرۋدى شەشۋدى نەگىزگى تاقىرىپتىق تاربيەدەگى حالىققا ءتيىمدى ناقتى ىستەردىڭ ءبىرى ەتتى، ايماق، وبلىس، قالالارداعى تاراۋلار ماسەلەنى باعدار ەتۋدەن جانە نىسانانى باعدار ەتۋدەن جازباي، تۇيىنشەكتەردى ءداپ باسىپ تاۋىپ، ناقتى ءادىس - امالدار شىعارىپ، باسقا سالاعا ويىسىپ جۇمىستانۋداعى قيىن ماسەلەلەردى بەلسەنە شەشىپ، بۇقارانىڭ تابىس سەزىمىن، باقىت سەزىمىن ۇزدىكسىز كۇشەيتتى.

    ■ جۇمىسقا ورنالاسۋ بويىنشا باۋلۋدىڭ جاپپاي قامتۋىن جۇزەگە اسىردى

    ورنىقتى تۇردە جۇمىسقا ورنالاسۋدىڭ تەتىگى − شەبەرلىكتى ءوسىرۋ. نەگىزگى تاقىرىپتىق تاربيەدە تەكسەرۋ - زەرتتەۋ، قاداعالاۋدا بايقالعان ءبىر ءبولىم جەرلەردەگى اۋىل - قىستاقتاعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋدا ورىن تەۋىپ وتىرعان ماسەلەلەرگە مەڭزەس، رايونىمىز كاسىپتىك شەبەرلىكتى ءوسىرۋ ارەكەتىن اتقارىپ، كاسىپتىڭ دامۋى مەن بازار سۇرانىسى توڭىرەگىندە توقتامدى، جۇمىس ورنىن بەلگىلەپ، باعىتتامالى باۋلۋدى ورىستەتىپ، وڭتۇستىك شينجياڭداعى 4 ايماق - وبلىستىڭ اۋىل - قىستاقتارىندا 245 مىڭ ارتىق ەڭبەككۇشتى جۇمىسقا ورنالاسۋ بويىنشا باۋلۋدىڭ جاپپاي قامتۋىن جۇزەگە اسىردى، ەڭبەكشىلەردىڭ ساپاسى مەن شەبەرلىك دەڭگەيى اناعۇرلىم ءوسىپ، ورنىقتى تۇردە جۇمىسقا ورنالاسۋىن جانە اناعۇرلىم ساپالى جۇمىسقا ورنالاسۋىن ءونىمدى تۇردە جەبەدى.

    ”جىڭىشكە ءجىپ ءيىرۋ سەحىنىڭ نەگىزگى جۇمىس ءتارتىبى سوزۋ، شيراتۋ، وراۋ جانە قالىپتاۋ...“ 9 - ايدىڭ 30 - كۇنى بايىنعولين وبلىسى حاۋيۇي توقىماشىلىق شەكتى جاۋاپكەرشىلىك سەرىكتەستىگىنىڭ جىڭىشكە ءجىپ ءيىرۋ سەحىندا جاتتىقتىرۋشى حالچام قۇربان اۋىل - قىستاقتاعى 40 ارتىق ەڭبەككۇشتى شەبەرلىككە باۋلىپ جاتتى.

    لوپنۇر اۋدانى تۇتاس اۋدانىنىڭ اۋىل - قىستاقتارىنداعى ارتىق ەڭبەككۇشتەردىڭ جاعدايىن تەكسەرىپ، ارتىق ەڭبەككۇشتەردىڭ شەبەرلىك قاجەتىنە ساي، باۋلۋ جوسپارىن تۇرلەر بويىنشا جاساپ، باۋلۋدىڭ دالدىك دارەجەسىن جوعارىلاتتى.

جاۋاپتى رەداكتور: گۇلدەن ماقسات قىزى