مەملەكەت مەرەكەسى دەمالىسى كەزىندە شينجياڭ قابىلداعان ساياحاتشىلاردىڭ جالپى سانى، ساياحات كىرىسى بىردەي جوعارى دەڭگەيگە كوتەرىلدى

  • كەلۋ قاينارى: شينجياڭ گازەتى تورابى
  • 10:38:46 10/10/2019

   

        تىلشىلەرىمىز ياۋ گاڭ، رىن جياڭ 10 - ايدىڭ 8 - كۇنى ۇرىمجىدەن حابارلايدى. 10 - ايدىڭ 8 - كۇنى اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋعا قاراعاندا، 3 - جاق سەرىكتەستىكتىڭ تەكسەرۋ ساناعى بويىنشا، مەملەكەت مەرەكەسى دەمالىسى كەزىندە شينجياڭ ەل ىشىنەن 12 ميلليون 478 مىڭ 900 ادام - رەت ساياحاتشى قابىلداپ، سايكەس مەزگىلدەگىدەن %22.19 ارتىپ، ەل ءىشى ساياحاتىنان 17 ميلليارد 577 ميلليون يۋان كىرىس كىرگىزىپ، سايكەس مەزگىلدەگىدەن %23.37 ارتىپ، قابىلداعان ساياحاتشىلاردىڭ جالپى سانى جانە ساياحات كىرىسى بىردەي جوعارى دەڭگەيگە كوتەرىلگەن.

    بۇكىل شينجياڭنىڭ جەر - جەرىندەگى كورىنىس وڭىرلەرى، كورىنىس تۇيىندەرى الۋان فورماداعى قيمىلداردى وتكىزىپ، جاڭا جۇڭگونىڭ 70 جىلدىق مەرەيتويىن قۇتتىقتادى. 10 - ايدىڭ 1 - كۇنى قۇمتاع قۇمدى كورىنىس ءوڭىرى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىبىندا ۇلكەن بالكۇلشە جاساتىپ، ساياحاتشىلارمەن ورتاقتاستى. باعراش كولى داحىكوۋ كورىنىس ءوڭىرى ىشىندە 200دەن استام بەس جۇلدىزدى قىزىل تۋ جەلمەن جەلبىرەپ، ساياحاتشىلاردى جاپا - تارماعاي سۋرەتكە ءتۇسىپ ەستەلىك قالدىرۋعا باۋرادى.

    شينجياڭ ىشىندەگى ءارقايسى ۇلكەن قىزىل ساياحات كورىنىس وڭىرلەرى، كورىنىس تۇيىندەرى قىرۋار ساياحاتشىنى باۋرادى. 10 - ايدىڭ 1 - كۇنىنەن 4 - كۇنىنە دەيىن شينجياڭ بيڭتۋان اسكەري تىڭ يگەرۋ مۇراجايى ءار كۇنى 3000 ادام - رەتتەن استام ساياحاتشى قابىلدادى، 359 - لۇيىنىڭ تىڭ يگەرۋ ەسكەرتكىش سارايى 4 كۇندە جيىنى ەكسكۋرسيالاۋشىلاردان 10 مىڭنان استام ادام - رەت قابىلدادى.

    بۇكىل شينجياڭنىڭ جەر - جەرىندەگى قىزىل ساياحات كورىنىس وڭىرلەرى، كورىنىس تۇيىندەرى مەملەكەت تۋىمەن سۋرەتكە ءتۇسۋ، پارتياعا كىرگەندەگى سەرتتى قايتا ەسكە ءتۇسىرۋ اۋماعىن ارنايى ورنالاستىرىپ، ەكسكۋرسيالاۋعا كەلگەن ساياحاتشىلار قويۋ وتانشىلدىق سۇيىسپەنشىلىكپەن مەملەكەت تۋىمەن سۋرەتكە ءتۇسىپ، ءارقايسى ۇلكەن كورىنىس وڭىرلەرىنىڭ، كورىنىس تۇيىندەرىنىڭ اسەم كورىنىسىنە اينالدى.

    مەملەكەت مەرەكەسى دەمالىسى كەزىندە، ءوز اۆتوكولىگىمەن ساياحاتتاۋ كوپتەگەن ساياحاتشىلاردىڭ باستى تالعامىنا اينالدى. ءۇرىمجى اۋدانى ۇلكەن نانشان حالىقارالىق ساياحات ءوڭىرىنىڭ نانشان گۇل تەڭىزى كورىنىس ءوڭىرى قىرۋار ساياحاتشىنى قارسى الدى، ساياحاتشىلار نەگىزىنەن ءۇرىمجى قالاسىنىڭ ماڭايىنان ءوز كولىگىمەن ساياحاتتاپ كەلگەندەر.

    بۇگۇر، پوسكام، موري قاتارلى جەرلەر ورىستەتكەن التىن كۇزدە توراڭعىنى تاماشالاۋ قيمىلى دا شينجياڭنىڭ ءىشى - سىرتىنان قىرۋار ساياحاتشىنى باۋرادى.

جاۋاپتى رەداكتور: گۇلدەن ماقسات قىزى