حالىقپەن بىرگە العا باسايىق

  • كەلۋ قاينارى: ىلە گازەتى
  • 05:43:36 11/10/2019

  

    - جاڭا جۇڭگو ادەبيەت – كوركەمونەرىنىڭ اۋەلگى ماقساتى جانە بورىشى

    تيە نيڭ

 

    كىندىك ءسوز

    70 جىلدان بەرگى جۇڭگو ادەبيەت – كوركەمونەرىنىڭ ٴتۇبىرلى تابىسى - ٴبىزدىڭ سوتسياليستىك ادەبيەت – كوركەمونەردى دامىتۋ جولىن قاراستىرعاندىعىمىزدا، اشقانىمىزدا، تاباندى بولعانىمىزدا، دامىتقانىمىزدا تۇر. بۇل جول - جۇڭگو كوممۋنيستىك پارتياسىنىڭ باسشىلىعىندا جۇڭگونىڭ ۇلى قوعامدىق وزگەرىسىمەن جانە ٴداۋىردىڭ دامۋىمەن بىرگە العا باسىپ، بىرگە ٴوسۋ جولى.

    بۇل جولدىڭ ٴتۇبىرلى سيپاتى، بۇرىن بولىپ كورمەگەن توڭكەرىستىك سيپاتى جانە بولاشاققا بەت الۋداعى جاسامپازدىق سيپاتى مىنادا: ول حالىقتان باستاۋ الادى، حالىق ٴۇشىن ىستەيدى، حالىققا تاۋەلدى، حالىقتىڭ تۇرمىسى مەن امالياتىندا مازمۇن مەن فورماعا يە بولىپ، حالىقتىڭ تاماشا تۇرمىس قاجەتىن قاناعاتتاندىرۋدى ٴوزىنىڭ نىساناسى ەتەدى، ول باستان – اياق جۇڭگو حالقىنىڭ تاريحتى جاراتۋداعى ۇلى امالياتىنىڭ ورگانيكالىق قۇرامداس بولەگى، سول ارقىلى «مەملەكەتتىڭ باي دا قۇدىرەتتى بولۋىنا، قوعامنىڭ العا باسۋىنا، حالىقتىڭ باقىتىن جۇزەگە اسىرۋعا توتەنشە ماڭىزدى ۇلەس قوستى».

    حالىقتىق جاڭا جۇڭگو، حالىقتىق ادەبيەت – كوركەمونەر

    2019 – جىلى 7 – ايدىڭ 16 – كۇنى مەن جازۋشى، كوركەمونەرشىلەرمەن بىرگە جۇڭگو ادەبيەت – كوركەمونەرشىلەر بىرلەستىگى، جۇڭگو جازۋشىلار قوعامى قۇرىلعاندىعىنىڭ 70 جىلدىعىن اتاپ ٴوتۋ اڭگىمە ماجىلىسىندە باس شۋجي شي جينپيڭنىڭ قۇتتىقتاۋ حاتىن تىڭدادىم. باس شۋجي جۇڭگونىڭ سوتسياليستىك ادەبيەت – كوركەمونەرىنىڭ 70 جىلدان بەرگى تابىستارى مەن ۇلەستەرىن تولىق تۇراقتاندىرىپ، ٴبىزدى جاڭا داۋىردەگى ادەبيەت – كوركەمونەرشىلەر بىرلەستىگى قىزمەتىن ويداعىداي ىستەۋگە شابىتتاندىردى. قۇتتىقتاۋ حاتى ادەبيەت – كوركەمونەر قىزمەتكەرلەرىنە دەگەن قۇرمەت پەن سەنىمگە تولى بولىپ، پارتيا مەن حالىقتىڭ ادەبيەت – كوركەمونەر ىستەرىنە دەگەن قاتاڭ تالابى مەن شىنايى ٴۇمىتىن ساباقتاستىردى. 2019 – جىل - جاڭا جۇڭگو قۇرىلعاندىعىنىڭ 70 جىلدىعى، جۇڭگونىڭ قازىرگى زامان ادەبيەت – كوركەمونەرى دە 70 جىلدىق شۇعىلالى بارىستى باستان كەشىردى. ٴدال وسى ساتتە باس شۋجي شي جينپيڭنىڭ قۇتتىقتاۋ حاتىن ۇيرەنىپ، باستاعان جەرىمىز بەن باسقان جولىمىزعا بارلاي قاراساق، ادامدى تەبىرەنتەتىن كوپتەگەن كورىنىستەر، اۋەندەر جانە الۋان فورمالار كوز الدىمىزعا كەلەدى.

جاۋاپتى رەداكتور: گۇلدەن ماقسات قىزى