جاڭا جۇڭگونىڭ ەكونوميكالىق دامۋى جونىندەگى تاجىريبەلەر مەن ويلار

  • كەلۋ قاينارى: ىلە گازەتى
  • 08:57:07 12/10/2019

      حان باۋجياڭ

    قىسقاشا مازمۇنى

 

    جاڭا جۇڭگو قۇرىلعان 70 جىلدان بەرى، اسىرەسە، رەفورما جاساپ، ەسىك اشقاننان بەرى، پارتيانىڭ پارمەندى باسشىلىعىندا، ەلىمىزدىڭ حالىق شارۋاشىلىعى ءۇرتىس تەز قارقىنمەن ارتىپ، حالىقتىڭ تۇرمىس ورەسى كورنەكتى جوعارىلادى. ەندەشە، ەلىمىزدىڭ شۇعىلالى ەكونوميكالىق دامۋ جەتىستىكتەرىنە قول جەتكىزۋىندەگى ماڭىزدى تاجىريبەلەر مەن ويلار مىناداي: جۇڭگو كوممۋنيستىك پارتياسىنىڭ باسشىلىعىنا تاباندى بولىپ، ەكونوميكانىڭ دامۋىنا ءتۇبىرلى دايەك ازىرلەندى؛ جۇڭگوشا سوتسياليزم جولىمەن جۇرۋگە تاباندى بولىپ، سوتسياليستىك ءتۇزىمنىڭ ابزالدىلىعى ساۋلەلەندىرىلدى؛ جاڭالىق اشا دامۋ ۇستانىمىنان جازباي، دامۋعا ۇزدىكسىز جەتەكشىلىك ەتىپ، تىڭ ساتىعا قادام تاستالدى؛ سوتسياليستىك بازار شارۋاشىلىعى رەفورماسىنىڭ بەتالىسىنان جازباي، بايلىقتى ورنالاستىرۋ ونىمدىلىگى ۇزدىكسىز جوعارىلادى؛ مەملەكەتتىڭ سىرتقا ەسىك اشۋ سىندى نەگىزگى ساياساتىنا تاباندى بولىپ، ەكونوميكالىق، قوعامدىق دامۋعا قوزعاۋشى كۇش قوسىلدى؛ حالىق بۇقاراسىنىڭ جاسامپازدىق رۋحىنا قۇرمەت ەتىپ، حالىق بۇقاراسىنا سۇيەنىپ دامۋ كەرەمەتتەرى جاراتىلدى.

    1949 – جىلى جاڭا جۇڭگو قۇرىلىپ، جۇڭگو حالقى سودان باستاپ مەملەكەت پەن قوعامنىڭ قوجاسىنا اينالدى. ءبىراق ول كەزدە مەملەكەت بىرىنشىدەن كەدەي، ەكىنشىدەن اق بولىپ، تەز سەرپىلۋ قيىنعا سوعىپ، حالىق بۇقاراسى جاپپاي كەدەيلىك تۇرمىس كەشىردى. جاڭا جۇڭگو قۇرىلعان 70 جىلدان بەرى، اسىرەسە، رەفورما جاساپ، ەسىك اشقاننان بەرى، پارتيانىڭ پارمەندى باسشىلىعىندا، ەلىمىز ەكونوميكاسى ءۇرتىس تەز قارقىنمەن ارتىپ، دۇنيە جۇزىندەگى ەكىنشى ۇلكەن ەكونوميكالىق تۇلعاعا، جاساۋ كاسىبىندەگى ءبىرىنشى ءىرى ەلگە جانە زات ساۋداسىنداعى ءبىرىنشى ءىرى ەلگە اينالىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەسى ۇزدىكسىز ارتىپ، حالىقتىڭ تۇرمىس ورەسى كورنەكتى جوعارىلادى. 70 جىلدىق ەكونوميكالىق دامۋ بارىسىندا كوپتەگەن ماڭىزدى تاجىريبەلەر توپتالىپ، جاڭا داۋىردە ەكونوميكانىڭ جوعارى ساپالى دامۋىن ىلگەرىلەتۋىمىزگە سىندارلى وي سالدى.

    جۇڭگو كوممۋنيستىك پارتياسىنىڭ باسشىلىعىنا تاباندى بولۋ

    جۇڭگو كوممۋنيستىك پارتياسىنىڭ باسشىلىعىنا تاباندى بولۋ ـ ەكونوميكالىق دامۋدى جۇزەگە اسىرۋدىڭ ءتۇبىرلى كەپىلى. جاڭا جۇڭگو قۇرىلعاننان باستاپ «سوتسياليستىك وسىزامانداندىرۋدا» دەربەس، ءوز – وزىنە قوجا بولاتىن، ءتۇرى تولىق ونەركاسىپ جۇيەسىن قۇرۋ العا قويىلعاننان تارتىپ، رەفورما جاساپ، ەسىك اشقاننان كەيىن جاڭاشا ونەركاسىپتەندىرۋدى، ينفورماتسيالاندىرۋدى، قالا – قالاشىقتاندىرۋدى، اۋىل شارۋاشىلىعىن وسىزامانداندىرۋدى زور كۇشپەن ىلگەرىلەتۋگە دەيىن، ونان جاڭا داۋىردە ەكونوميكالىق، قوعامدىق دامۋدىڭ جالپى جاعدايىنا جەتەكشىلىك ەتۋدى، جوعارى ساپالى دامۋدى جۇزەگە اسىرۋدى العا قويدى، پارتيامىز قاشان دا ءداۋىر اعىمىنا سايكەسىپ، ەلىمىزدىڭ وسىزاماندانۋ اياق الىسى مەن ەكونوميكالىق دامۋىنا ايقىن باعدار كورسەتتى.

جاۋاپتى رەداكتور: گۇلدەن ماقسات قىزى