كەلپىن كەدەيلەردى قونىس اۋدارتىپ سۇيەمەلدەۋ ارقىلى باقىت قاقپاسىن اشتى

  • كەلۋ قاينارى: شينجياڭ گازەتى تورابى
  • 03:32:10 17/10/2019

    كەدەيلىكتىڭ اپانىن الاستادى، كەدەيلىكتىڭ تامىرىنا بالتا شاپتى

    ءتىلشىمىز گاي يۋجۇن، اقسۋ تىلشىلەر پۋنكتىنەن دىڭ ليجۋان 10 - ايدىڭ 14 - كۇنى كەلپىننەن حابارلايدى. 10 - ايدىڭ 13 - كۇنى اقسۋ توقىماشىلىق ونەركاسىپ قالاشىعىنا ورنالاسقان اقسۋ شينجۋە توقىماشىلىق شەكتى جاۋاپكەرشىلىك سەرىكتەستىگىنىڭ توقىماشىلىق سەحىندا تۇرسىنحاري ايۇپ ايەلى ابيبام انۋارمەن بىرگە كيىم تىگۋمەن قاربالاستاپ جاتتى. 2017 - جىلى تۇسىنحاريدىڭ وتباسى كەلپىن اۋدانى يۇىرچي اۋىلىنىڭ يۇقىرىس قىستاعىنان وسى اۋداننىڭ اچال قالاشىعى شينفۋ قىستاعىنا كوشىپ بارعاننان كەيىن، وسى كەدەي وتباسى باقىتتى تۇرمىستىڭ قاقپاسىنا ەنەدى.

    تۇرسىنحاريدىڭ وتباسىندا 6 جان بار، قونىس اۋدارۋدان ىلگەرى 2 مۋ ەگىستىك جەرى، 1.5 مۋ جەمىس ورمانى، 6 قويى بار بولاتىن، كەدەيلىك قامتىنان ارىلا الماي كەلگەن بولاتىن.

    ”2017 - جىلى وتباسىم شينفۋ قىستاعىنا كوشىپ بارعان كەزدە، ۇكىمەت بىزگە بەيقۇت ءۇي مەن باعىمشىلىق جىلى قوراسىن سالىپ دايىنداپ قويىپتى، ونىڭ سىرتىندا 25 مۋ ەگىستىك جەر، 10 كەدەيلەردى سۇيەمەلدەۋ قويىن ءبولىپ بەردى. سول جىلى اۋداننىڭ جۇمىسقا ورنالاستىرىپ، كەدەيلىكتەن ارىلتۋ ۇندەۋىنە ءۇن قوسىپ، ايەلىم ەكەۋىمىز شينجۋە توقىماشىلىعىنا بارىپ جۇمىس ىستەدىك، بىلتىر وتباسىمنىڭ جىلدىق كىرىسى 80 مىڭ يۋانعا جەتتى“، - دەدى تۇرسىنحاري شاتتانىپ.

    كەلپىن اۋدانىنا قاراستى 2 اۋىل، 3 قالاشىق بار، بۇرىن كەدەيلەر كەلپىن وزەنىنىڭ جوعارى اعارىنداعى گەزلىك قالاشىعى مەن يۇىرچي اۋىلىنا شوعىرلى ورنالاسقان، وسى 2 اۋىل - قالاشىقتا ادام كوپ، جەر از، سۋ قاينارى تاپشى، جاراتىلىستىق ورتاسى ناشار بولاتىن. كەدەي قاۋىمدى كەدەيلىكتەن ارىلتۋ ماسەلەسىن تۇبىرىنەن شەشۋ ءۇشىن، كەلپىن اۋدانى كەدەيلىكتەن ارىلتۋدان قامال الۋدىڭ ”بۇيداسىن“ مىقتاپ ۇستاپ، كەدەيلەردى قونىس اۋدارتىپ سۇيەمەلدەۋ ينجەنەرياسىن كۇش سالا اتقاردى.

    1996 - جىلى ورتالىق نىسان ورناتىپ، 90 ميلليون يۋان قارجى قوسىپ، كەلپىن اۋدانى چيلاڭ اۋىلىنان قونىس اۋدارتۋ نىسانىن اتقارادى. 1997 - جىلى 3 - ايدان باستاپ، كەلپىن اۋداندىق پارتكوم مەن اۋداندىق ۇكىمەتتىڭ ۇيىمداستىرۋىندا، گەزلىك قالاشىعى، يۇىرچي اۋىلى سياقتى اۋىل - قالاشىقتاعى ءبىر ءبولىم كەدەي ەگىنشى - مالشى كەدەيلەردى سۇيەمەلدەۋ بويىنشا ىلگەرىندى - كەيىندى 3 رەت كەڭ كولەمدە قونىس جاڭالايدى، 1 - رەتكىسى 1997 - جىل، 2 - رەتكىسى 2005 - جىل، 3 - رەتكىسى 2017 - جىل. قونىس جاڭالاعاننان كەيىن، چيلاڭ اۋىلى، اچال قالاشىعى كەلپىن اۋدانىنداعى ەڭ كولەمدى ەكونوميكالىق داقىل وڭىرىنە اينالادى، قونىس جاڭالاعان قاۋىم جەر ۇلەستىرۋ، جول، سۋ، ەلەكتردى وتباسىلارعا دەيىن جەتكىزۋ سياقتى ءبىرسىپىرا حالىققا تيىمدى ساياساتتاردان يگىلىكتەنەدى.

    كەلپىن اۋداندىق پارتكومنىڭ ورىنباسار شۋجيى لي ميڭفي بىلاي دەپ تانىستىردى: كەدەي ەگىنشى - مالشىلار ورنالاستىرۋ تۇيىندەرىنە كوشىرىلگەننەن كەيىن، وسى اۋدان ولاردىڭ اۋلا شارۋاشىلىعىن، ەرەكشە ەگىنشىلىك، باعىمشىلىق كاسىبىن، اۋىل شارۋاشىلىق ونىمدەرىن مانەرلەۋ كاسىبىن بارىنشا دامىتۋىنا جەتەكشىلىك ەتىپ، ارتىق ەڭبەككۇشتەردى وزگە سالاعا ويىستىرىپ جۇمىستاندىرىپ، كىرىستەرىن ارتتىرۋعا جەتەكشىلىك ەتىپ، ”كوشىرۋ، ورنىقتىرۋ، جۇمىس تاۋىپ بەرۋ، اۋقاتتاندىرۋ“ نىساناسىن نەگىزىنەن جۇزەگە اسىردى.

جاۋاپتى رەداكتور: گۇلدەن ماقسات قىزى