اروستەڭ قالاشىعى پارتيا مۇشەلەرىنىڭ ۇيرەنۋىن جاپپاي جالپىلاستىرۋدى جۇزەگە اسىردى

  • كەلۋ قاينارى: ىلە گازەتى
  • 05:13:27 17/10/2019

    ۇيىم پارتيا مۇشەلەرىن، پارتيا مۇشەلەرى ۇيىمدى، پارتيا مۇشەلەرى ءبىر - ءبىرىن ىزدەدى

    

    ٴتىلشىمىز گو جۇن، ەرىكتى ٴتىلشى ۋاڭ دىشيان حابارلايدى. جاقىنعى مەزگىلدەن بەرى ٴار جۇما كۇنى تۇستەن كەيىن قۇلجا اۋدانى اروستەڭ قالاشىعى بۇلاقباسى قىستاعىنىڭ پارتيا قۇرىلىسى ۇگىت قىزمەتكەرى ءماسۋدا ۇسەنجان سىرتتا جۇمىس ىستەپ جۇرگەن سول قىستاقتىڭ پارتيا مۇشەسى نۇريان ىبىرايىمنىڭ تەلەفونىن قابىلداپ كەلەدى: نۇريا ىبىرايىم تەلەفوندا ءوزىنىڭ ءار اپتاداعى قىزمەت جاعدايىنان، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىندەگى ۇيرەنۋ جاعدايىنان مالىمەت بەرەدى. موڭعۇلكۇرە اۋدانىنىڭ قاراسۋ قالاشىعىنان تيىرمەنباسى قىستاعىنا كەلگەن پارتيا مۇشەسى قالمۇرات سىلامجان وسى قىستاقتا جۇمىس ىستەيدى، ول تيىرمەنباسى قىستاعىنىڭ ٴار اپتاداعى پارتيا مۇشەلەرىنىڭ ۇيرەنۋ قيمىلىنا، پارتيا ياچەيكاسىنىڭ ۇيىمدىق تۇرمىسىنا قاتىناسىپ كەلەدى.

    اروستەڭ قالاشىق پارتكومى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىندە «ۇيىم پارتيا مۇشەلەرىن ىزدەۋدى، پارتيا مۇشەلەرى ۇيىمدى ىزدەۋدى، پارتيا مۇشەلەرى ءبىر - ءبىرىن ىزدەۋدى» نەگىزگى تاقىرىپتىق تاربيەنىڭ تۇتاس بارىسىنا ٴسىڭىرىپ، تۇتاس قالاشىقتاعى اۋىسىپ كەلگەن پارتيا مۇشەلەرىنىڭ جاي ـ جاپسارىن انىقتاپ، قارىم ـ قاتىناستى كۇشەيتىپ، ۇيرەنۋ ناتيجەسىن شىنايى يگەرۋگە كۇش سالىپ، تۇتاس قالاشىقتاعى پارتيالى كادرلاردىڭ، بۇقارانىڭ ۇيرەنۋدى جاپپاي جالپىلاستىرۋىنا كەپىلدىك ەتتى.

    ۇيىمنىڭ پارتيا مۇشەلەرىن ىزدەۋىندە شىنايىلىقتى كورنەكتىلەندىردى. اروستەڭ قالاشىق پارتكومى نەگىزگى تاقىرىپتىق تاربيە بارىسىندا قالاشىق پارتيا مۇشەلەرىنىڭ سانىن جاپپاي تەكسەرىپ، رەتتەپ، ٴارقايسى قىستاق پارتيا ياچەيكالارىن قاراستى رايونداعى اۋىسىپ كەلگەن پارتيا مۇشەلەرىنىڭ جەكە باسىنا قاتىستى ينفورماتسيالاردى تەكسەرىپ، ەگجەي ـ تەگجەيلى ەستەلىككە الۋعا ۇيىمداستىرىپ، ٴارقايسى قىستاق پارتيا ياچەيكالارىنىڭ اۋىسىپ كەلگەن پارتيا مۇشەلەرىن باسقارۋ تىزىمدىگىن جاڭالاپ جانە كەمەلدەندىرىپ، تۇتاس قالاشىقتاعى جىلجىمالى پارتيا مۇشەلەرىنىڭ جالپى تىزىمدىگىن جاساپ، نەگىزگى تاقىرىپتىق تاربيەنى ورىستەتۋگە بەرىك نەگىز قالادى. وسى نەگىزدە اروستەڭ قالاشىق پارتكومى سىرتتا جۇمىس ىستەپ جۇرگەن پارتيا مۇشەلەرىنىڭ قالاشىقتان شىقسا دا پارتيادان قول ۇزبەۋىن، سىرتقا شىقسا دا، ۇيرەنۋدى توقتاتپاۋىن مىقتى يگەرىپ، ۇيرەنۋ ماتەريالدارىن پوچتادان جىبەرىپ، پارتيا مۇشەلەرىنىڭ ءوزى تۇرعان جەرىندەگى پارتيا ياچەيكاسىمەن بەلسەنە بايلانىس جاساپ، ولاردىڭ كۇندەلىكتى ۇيرەنۋ جانە باسقارۋ قىزمەتىن ويداعىداي ىستەدى.

جاۋاپتى رەداكتور: جازيرا بولاتباي قىزى