كورىكتى ىلە القابى

  • كەلۋ قاينارى: ىلە گازەتى
  • 05:25:18 17/10/2019

    ماقالاسىن جازىپ، سۋرەتىن تارتقاندار ءوز تىلشىلەرىمىز لاي يۇينيڭ، جاڭ چيڭحۋا

    

    بىرەۋلەر ىلەنىڭ كوكتەم ماۋسىمىن كوركەم دەپ القاسا، ەندى بىرەۋلەر كۇزگى كەلبەتى تامىلجىپ تۇر دەپ تامسانادى. راسىندا، ىلەنىڭ كۇزگى كورىنىسى كورگەن جاندى كوركەمدىك الەمىنە باۋراي جونەلەدى.

    كۇز ماۋسىمىندا ىلە اڭعارىنىڭ كوركەم كورىنىسىنەن مەيلىنشە عۇزىرلانۋ ءۇشىن اسقار تاۋلارعا شىعىپ، الىسقا كوز جىبەرەر بولساڭىز، الۋان تۇسكە بويالىپ، كوزدىڭ جاۋىن العان اسقارالى قارلى تاۋدىڭ، بايتاق ساحارانىڭ، ورمان – توعايلى القاپ پەن ەگىنجايدىڭ، سان تاراۋلى وزەن اعارلارىنىڭ كوركەم كارتيناسى كوز الدىڭىزدا كولبەي كوسىلەدى. اناۋ الۋان رەڭدى جاپىراقتاردان القا تاققان تال – تەرەك پەن تۇنىپ اققان تۇمانىڭ تاماشا تابيعاتى ادەمىلىكتىڭ ءارياسىن شەرتىپ تۇرعانداي.

    ىلە اڭعارىنىڭ كۇزگى كورىنىسى سۇلۋلىقتان سىر شەرتەدى. وتە – موتە، كەڭساي، جۇڭحۋا فۋشوۋ تاۋى، قاراجون، كولدەنەڭ، تاڭبالى، نارات سىندى كورىنىس وڭىرلەرى مەن موڭعۇلكۇرە ساحاراسىنىڭ قوڭىر كۇزدەگى تامىلجىعان تابيعاتى تىپتەن بولەك، تامسانباي تۇرا المايسىز.

    تاۋ – وزەن، اتىزدى القاپ، سان تاراۋلى اعارلاردان تىس، قالانىڭ دا كۇزگى كەلبەتى كورگەن جاننىڭ كوڭىل قۇسىن كوككە سامعاتادى. كۇلگىن، سارى، قىزىل الۋان رەڭدى جاپىراقتارمەن جايقالعان كوشە بويلارىنداعى تال – تەرەكتەردىڭ ءساليقالى ءسانى تىپتەن بولەكشە.

    سارى كۇزدىڭ ساۋمال اۋاسى، جانعا جايلى قوڭىرجاي شۋاعى، الۋان رەڭمەن ارلەنگەن اسەم اتىرابى ءبارى – ءبارى دە التىن كۇزدى ايشىقتاپ تۇرعانداي.

جاۋاپتى رەداكتور: جازيرا بولاتباي قىزى