شي جينپيڭ ۇسىنىس بويىنشا فرانسيانىڭ زۇڭتۇڭى ماكرونمەن تەلەفوندا سويلەستى

  • كەلۋ قاينارى: ىلە گازەتى
  • 03:32:45 18/10/2019

 

    شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 15 - كۇنى ۇسىنىس بويىنشا فرانسيانىڭ زۇڭتۇڭى ماكرونمەن تەلەفوندا سويلەستى.

    شي جينپيڭ ماكروننىڭ جاڭا جۇڭگو قۇرىلعاندىعىنىڭ 70 جىلدىعى ساتىندە ىستىق ىقىلاسقا تولى قۇتتىقتاۋ حات جولداعاندىعىنا العىس ايتتى. ول بىلاي دەپ اتاپ كورسەتتى: فرانسيا ۇكىمەتى مەن حالقى جاڭا جۇڭگونىڭ قۇرىلىسىنا، دامۋىنا وتە كوپ كومەك جانە قولداۋ كورسەتتى. جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ دامۋى دا جۇڭگودان ايرىلا المايدى. جۇڭگو ءوزارا پايدا جەتكىزىپ تەڭ يگىلىككە كەنەلۋ سىندى ەسىك اشۋ ستراتەگياسىن ۇزدىكسىز اتقارىپ، فرانسيانى قامتىعان دۇنيە جۇزىندەگى ءار ەل حالىقتارىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.

    شي جينپيڭ بىلاي دەپ باسا دارىپتەدى: بيىل جۇڭگو مەن فرانسيانىڭ ديپلوماتيالىق قارىم - قاتىناس ورناتقاندىعىنىڭ 55 جىلدىعى. بيىل 3 - ايدا مەن ءسىزدىڭ شاقىرۋىڭىزبەن فرانسيادا ءساتتى تۇردە مەملەكەت ىستەرى ساپارىندا بولدىم، ءبىز ەكى ەل قارىم - قاتىناسىنىڭ جاڭا پاراعىن بىرگە اشتىق. ەكى جاقتىڭ ساياسي ءوزارا سەنىمى ۇزدىكسىز نىعايىپ، ەكونوميكا - ساۋدا، گۋمانيتارلىق سياقتى سالالارداعى ناقتى سەلبەستىگىندە تىڭ ناتيجەلەرگە قول جەتتى، حالىقارالىق ىستەردەگى بايلانىس پەن سايكەسۋى اناعۇرلىم ءونىمدى بولدى. مەن سىزبەن قارىم - قاتىناس جانە بايلانىستى ساقتاپ، ەكى ەل سەلبەستىگىنىڭ اناعۇرلىم كوپ جوعارى ساپالى جەتىستىكتەرگە جەتۋىن ىلگەرىلەتىپ، كوپ جاقتىلىقتى بىرگە قورعاپ، سىڭار جاقتىلىققا قارسى تۇرىپ، اشىق دۇنيە ءجۇزى ەكونوميكاسىن جەبەپ، الەمدىك سىن - سايىستارعا قول ۇستاسا توتەپ بەرۋدى قالايمىن. جۇڭگو جاق فرانسيا جاقتىڭ 2 - كەزەكتى پاريج بەيبىتشىلىك تالقى مىنبەرىن وتكىزۋىن بەلسەنە قولدايدى. فرانسيا جاقتىڭ نەگىزگى قوناق ەل رەتىندە، تاياۋدا وتەتىن 2 - كەزەكتى جۇڭگو حالىقارالىق يمپورت كورمەسىنە قاتىناسۋىن قارسى الادى.

    ماكرون مىنالاردى ءبىلدىردى: مەن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن تاعى دا قۇتتىقتايمىن. فرانسيا مەن جۇڭگونىڭ قارىم - قاتىناسى تىعىز، باياندى بولىپ كەلەدى. ءتوراعا شي جينپيڭنىڭ بيىل 3 - ايدا فرانسياداعى مەملەكەت ىستەرى ساپارى فرانسيا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ العا قاراي دامۋىن پارمەندى تۇردە ىلگەرىلەتتى. قازىرگى جاعدايدا فرانسيا مەن جۇڭگونىڭ ستراتەگيالىق بايلانىستى ساقتاۋى كەلەلى ماڭىزعا يە. فرانسيا جاق جۇڭگو جاقپەن ساۋدا، حالىقتىق ماقساتقا پايدالانىلاتىن يادرولىق ەنەرگيا، اۆياتسيا، مادەنيەت سياقتى سالالارداعى اۋىس - كۇيىس، سەلبەستىكتى تەرەڭدەتىپ، كوپ جاقتىلىقتى بىرگە گۇلدەندىرىپ، قورشاعان ورتا، كليمات وزگەرىسى سياقتى كەلەلى الەمدىك ماسەلەلەرگە قول ۇستاسا توتەپ بەرۋدى قالايدى. مەن ءتوراعا شي جينپيڭمەن تىعىز قارىم - قاتىناستى ساقتاۋدى قالايمىن، كوپ وتپەي جۇڭگودا تاعى ساپاردا بولۋدى كۇتۋدەمىن. فرانسيا جاق 2 - كەزەكتى جۇڭگو حالىقارالىق يمپورت كورمەسىن بەلسەنە قولدايدى.

    ەكى ەلدىڭ مەملەكەت باسشىلارى بىرگە كوڭىل ءبولىپ وتىرعان كەلەلى حالىقارالىق جانە وڭىرلىك ماسەلەلەر جونىندە دە كوزقاراس اۋىستىردى.

جاۋاپتى رەداكتور: گۇلدەن ماقسات قىزى